Wizz Air გაუქმებულ რეისთან დაკავშირებით მორიგ განცხადებას ავრცელებს, რომელსაც უცვლელად გთავაზობთ. 

"თვითმფრინავთან დაკავშირებული გაუთვალისწინებელი ტექნიკური გარემოებების გამო, Wizz Air-ის რეისები W6 6417/6418 ქუთაისი-ბარსელონა-ქუთაისის მიმართულებით გაუქმდა. Wizz Air-ის პოლიტიკისა და შესაბამისი რეგულაციების გათვალისწინებით, ყველა მგზავრს, რომლის რეისიც გაუქმდა, შესაძლებლობა აქვს, უფასოდ იმგზავროს Wizz Air-ის ალტერნატიული რეისებით, რომელთა შესახებ ავიაკომპანიამ დეტალური ინფორმაცია თითოეულ მგზავრს ელ-ფოსტის მეშვეობით უკვე მიაწოდა. მგზავრებს ასევე საშუალება აქვთ, მოითხოვონ ბილეთის საფასურის სრული ანაზღაურება, ან თავდაპირველი ღირებულების 120 პროცენტი WIZZ საკრედიტო ბარათზე. Wizz Air მგზავრებს ასევე უზრუნველყოფს კვების ვაუჩერით და საჭიროების შემთხვევაში, სასტუმროში განთავსებით. ნებისმიერი დამატებითი ინფორმაციისთვის მგზავრებს შესაძლებლობა აქვთ, მიმართონ Wizz Air-ის ცხელ ხაზს 07 06 777 483. 

Wizz Air მზად არის დაზარალებულ მგზავრთა დასახმარებლად და მათი საჩივრების განსახილველად, რომელთა მიღებაც შესაძლებელია მოცემულ ბმულზე: https://wizzair.com/.../compliments-and-complaints/... ავიაკომპანია მაქსიმალურად იზრუნებს თითოეულ მგზავრთან დაკავშირებასა და მათი საჩივრის განხილვაზე, შესაბამის შემთხვევაში კი გონივრული თანხის ანაზღაურებაზე. 

Wizz Air გულწრფელ ბოდიშს უხდის ყველა დაზარალებულ მომხმარებელს რეისების გაუქმებით შექმნილი ნებისმიერი სახის დისკომფორტის გამო, თუმცა უნდა აღინიშნოს, რომ კომპანიისთვის მგზავრების, ეკიპაჟისა და თვითმფრინავის უსაფრთხოება ყველაზე პრიორიტეტულია. სწორედ მგზავრთა უსაფრთოების უზრუნველსაყოფად განხორციელებულმა ღონისძიებებმა, შესაძლოა, ფრენის გაუქმება ან გადადება გამოიწვიოს. მნიშვნელოვანია იცოდეთ, რომ Wizz Air მუდმივად ზრუნავს ნებისმიერი პოტენციური დისკომფორტის თავიდან ასაცილებლად. კიდევ ერთხელ გიხდით ბოდიშს და მადლობას მოგახსენებთ მოთმინებისა და თანამშრომლობისთვის", - ნათქვამია კომპანიის განცხადებაში.

წყარო: bm.ge