ქართულმა ავიაკომპანია Myway Airlines–მა ევროკავშირის ქვეყნებში საფრენად საჭირო სერთიფიკატი უკვე აიღო. ამ ეტაპზე მიმდინარეობს მოლაპარაკებები ევროპის უმსხვილეს აეროპორტებთან, მოხდება სასურველი დროების შერჩევა, შემდეგ ჩაეშვება ბილეთები გაყიდვაში და უკვე აგვისტოს შუა რიცხვებიდან, მოქალაქეები შეძლებენ, პირდაპირი რეისებით ევროპის ქვეყნებში გადაადგილებას. 

„ჩვენი გეგმები, თავდაპირველად, სამ ეტაპად იყო დაყოფილი, პირველი გულისხმობდა რეგიონის ქვეყნებში ფრენას, რომელიც ამ ეტაპზე წარმატებით ხორციელდება. მეორე ეტაპი ევროკავშირის ქვეყნებში რეისების განხორციელებას გულისხმობდა და უკვე გადავლახეთ ესეც. მესამე კი, უკვე ამერიკის შეერთებული შტატებია. ჩვენ უახლოეს პერიოდში, ვგულიხსმობ 2 წელიწადში, შევიძენთ ახალ ბოინგებს, ასევე საჭიროა ამერიკის სამოქალაქო ავიაციის ლიცენზიაც და უკვე სამი წლის პერსპექტივაა ამერიკის მიმართულებით პირდაპირი რეისების განხორციელებაც.“ - ამბობს კომპანია My way-ს წარმომადგენელი, იგორ აფციაური აფციაური. 

მისი თქმით, უახლოეს პერიოდში, დაიწყება ასევე პირდაპირი მიმოსვლა რუსეთში და ახლო აღმოსავლეთის ქვეყნებშიც.

წყარო: bm.ge