1.ქალაქის ცენტრალური მოიედანი

ქალაქის ძველი მოედანი პრაღაში მოგზაურთა ერთ-ერთი ყველაზე საყვარელი ადგილია. მრავალსაუკუნოვანი ნაგებობები, რომლებიც ქალაქის ულამაზესი არქიტექტურის ნაწილია, დღემდე დიდი პოპულარობით სარგებლობს; მოგზაურებს ყოველთვის აოცებს ცენტრალურ მოედანზე არსებული ნაგებობების დახვეწილობა, სიდიადე და სიძველე, რომელიც თანამედროვეობაშიც იდეალურად ჯდება.  მოკლედ, გირჩევთ, პრაღის მონახულება და შეცნობა სწორედ ამ მოედნიდან დაიწყოთ და ეზიაროთ აქაურ მუსიკას, ხალხს, კულტურას!

2. წმინდა ვიტის საკათედრო ტაძარი 

პრაღაში მოგზაურობისას ერთ-ერთი ყველაზე აღმაფრთოვანებელი სწორეთ წმინდა ვიტის საკათედრო თაძარია, რომელიც დღემდე გოტიკური არქიტექტურის ერთ-ერთ ბრწყინვალე ნიმუშად ითვლება და უდიდესი ეკლესიაა ჩეხეთშიც. ამჟამინდელი ტაძრის ადგილას პირველი ეკლესია ადრეული რომანული როტონდის სტილის იყო და ასევე წმინდა ვიტოს ეძღვნებოდა.

3. კარლის ხიდი

პრაღაში სტუმრობისას, ერთ-ერთ ყველაზე დამამახსოვრებელ მოგონებად მეთოთხმეტე საუკუნის ხიდზე სეირნობა დაგრჩებათ. არსებობს გამოთქმა „ყველა გზა რომისკენ მიდისო“, ჩეხები კი ამბობენ, „ყველა გზა კარლის ხიდამდე მიდისო“. ხიდი 1357 წელს ბოჰემიის მეფემ და რომის იმპერიის მმართველმა კარლ მეოთხემ ააგო. ხიდზე საოცარი ნაგებობები მეჩვიდმეტე საუკუნეში განათავსეს. კარლის ხიდს თავდაპირველად ქვის ხიდი და პრაღის ხიდი ერქვა. მეფის საპატივსაცემოდ თანამედროვე სახელი მას 1970 წელს დაარქვეს.  ამ ხიდს ყოველდღუირად ასობით და ათასობით ტურისტი სტუმრობს. ისტორიული ხიდი პრაღაში მდინარე ვლტავაზე მდებარეობს და აერთებს ლეგენდის თანახმად, ამ ხიდზე ნებისმიერი ჩაფიქრებული სურვილი აუცილებლად ასრულდება.

4. ბიბლიოთეკა 

სტრაგოვის მონასტერში არსებობს ბაროკოს სტილის არქიტექტურის ერთ-ერთი შთამბეჭდავი ნიმუში, უძველესი ბიბლიოთეკა, რომელსაც მსოფლიოში ერთ-ერთ ყველაზე ლამაზ ბიბლიოთეკასაც უწოდებენ. ბიბლიოთეკა სავსეა ათასობით წიგნით, უზარმაზარი დიდი გლობუსები, რომლებიდანაც მე-17 საუკუნის ბერები პლანეტის შესახებ სხვადასხვა ინფორმაციას აგროვებდნენ და უამრავი ქანდაკებით; 

5. ჯონ ლენონის კედელი

ერთ დროს, ეს კედელიც, როგორც ბევრი სხვა კედელი ერთფეროვანი და სხვებისგან არაფრით გამორჩეული იყო. მსოფლიოში ბევრი მნიშვნელოვანი და უფრო ღრმა ისტორიის მქონე კედელი არსებობს, თუმცა ისტორიის და მნიშვნელობის ნაკლებობას არც პრაღაში, ველკოპრევორსკე ნამესტიზე მდებარე კედელი უჩივის, რომელიც ლენონის კედლის სახელით არის ცნობილი.

ცივი ომის პერიოდში, ჩეხების ცხოვრება სტანდარტულად მძიმე, ჩაკეტილი იყო, თუმცა, როგორც ყველა ქვეყანაში, სისტემას მაინც ჰქონდა ბზარები საიმისოდ, რომ ბითლზის სიმღერებს ჩეხ ახალგაზრდებამდეც მიეღწია. ეს იყო ერთგვარი ეპოქა სიმღერებისა, რომლებიც აქაურ ახალგაზრდებს გვირაბის ბოლოს სინათლეს აჩვენებდა და მომავლის იმედს უსახავდა.   

1980 წელს, ლენონის მკვლელობის შემდეგ, კარლის ხიდთან მდებარე ვეება კედელზე წარწერები Imagine, All You Need Is Love, სპონტანური ნახატები და მემორიალური გრაფიტი გაჩნდა. პოლიციამ ღამით ისინი გადახატა, თუმცა მეორე დღეს მათ ახალი წარწერები და ნახატები დახვდათ. ასე გრძელდებოდა გარკვეული პერიოდი, დღეს კი ადგილზე ფერადი და ნოსტალგიური კედელი დაგხვდებათ.