მათთვის, ვინც უკვე წლის დასაწყისიდანვე მოგზაურობის დაგეგმვა დაგაწყვიტა, kiwi.com-მა იანვარში მოსანახულებელი საუკეთესო ქალაქების რეიტინგი შეადგინა. 

ვებგვერდის მიხედვით, 2019 წლის იანვარში მოგზაურობის მოყვარულებს დედამიწაზე ერთ-ერთი ყველაზე იშვიათი ფესტივალის მონახულების, თხილამურებზე სრიალის და იმავე დღეს მზეზე გარუჯვის და შესაძლებლობა გექნებათ. 

კუმბხ მელა - ინდოეთი 

კუმბხ მელა მთელს მსოფლიოში ერთ-ერთი ყველაზე დიდი რელიგიური დღესასწაულია, რომელიც 15 იანვრიდან 4 მარტის ჩათვლით იმართება და რომელზეც მილიონობით ინდუსი იკრიბება, რათა სულიერ სიმშვიდეს მიაღწიონ, გათავისუფლდნენ ცოდვებისაგან, რომელსაც მდინარე ალახაბადეს ატანენ. ფესტივალი 6 წელიწადში ერთხელ იმართება და მას ხშირად რწმენის ყველაზე მასობრივ აქტად მოიხსენიებენ. კუმბხა თავისი შინაარსით მსოფლიოში მშვიდობის ხელშეწყობისთვის და ადამიანებს შორის ურთიერთგაგების გასაძლიერებელ რიტუალად ითვლება. სწორედ ამის გამო, რელიგიურ დღესასწაულზე მიესალმებიან ყველა სტუმარს განურჩევლად იმისა, არის თუ არა ინდუსი. 

მწვანე ვულკანები - კაბო ვერდე 

სენეგალის სანაპიროდან 560 კილომეტრის დაშორებით ატლანტის ოკეანეს შუა გულში თავს ერთდროულად რამდენიმე ვულკანური წარმონაქმნი იყრის. კუნძულები რომელთა ერთობლიობაც დღეს კაბო-ვერდეს ქმნის XV საუკუნემდე ადამიანებისგან დაუსახლებელი იყო, ვიდრე პორტუგალიელი კოლონიზატორები სავაჭრო ბაზად მის გამოყენებას დაიწყებდნენ. დღეისთვის, ეს ადგილი პორტუგალიური და დასავლეთ აფრიკის კულტურების ნაზავია, რომელსაც დამსვენებელი როგორც ადგილობრივების ენაში, ისე არქიტექტურასა და მუსიკაში ამოიცნობს. ამ ადგილას იანვარში ტემპერატურა 25 გრადუს ცელსიუსს აღწევს და დამსვენებელს შუა ზამთარში დროის გატარება სანაპიროზე შეუძლია, რომელიც თეთრი ქვიშით და პალმებით გამოირჩევა. 

თხილამურები და ზღვა - ლიბანი 

ზამთრის კუროტებზე თხილამურებით სრიალის მოყვარულებს ლიბანი კარგ შეთავაზებას უკეთებს. ლიბანი აღმოსავლეთის შვეიცარიაა. ამ ქვეყნის მთების სიმაღლე 3000 მეტრს აღწევს და 6 სათხილამურო კურორტს ითვლის. სათხილამურო ტრასების საერთო სიგრძე 300 კილომეტრია და მათი ხარისხი არაფრით ჩამოუვარდება ევროპულ სამთო სათხილამურო კურორტებზე არსებულ ინფრასტრუქტურას. ზამთრის სპორტის მოყვარულებს მთის მწვერვალებიდან სანაპიროს ხედი დახვდებათ. თითოეული კურორტი ბეირუთიდან ერთი საათის სავალზეა; ეს კი შესაძლებლობას იძლევა, ზუსტად ამ დროში სანაპიროზე აღმოჩნდეთ.

წყარო: bm.ge