პოპულარული ვებგვერდი Tasteatlas, რომელიც ხანგამოშვებით მსოფლიოს საუკეთესო კერძების რეიტინგულ სიებს აქვეყნებს ხოლმე, ამჯერად ქართულ ხაჭაპურს საუკეთესო კერძებს შორის პირველ ადგილს აკუთვნებს.

ხაჭაპური იტალიური, ამერიკული, თუ იაპონური სამზარეულოს ისეთ ცნობილ და გამორჩეულ კერძებს უსწრებს რეიტინგით, როგორებიცაა: ლაზანია, პიცა, ბოლონეზე, სუში, ჩიზბურგერი და ა. შ.

ცნობილი საიტი მას "ყველიან პურს" უწოდებს და მკითხველს მის დასამზადებლად საჭირო ინგრედიენტების ჩამონათვალს სთავაზობს.

აღწერაში აღნიშნულია, რომ ხაჭაპურის რამდენიმე სახეობა არსებობს და მათ შორის ყველაზე გავრცელებული იმერული და აჭარული ხაჭაპურია.