ვენეციის კარნავალზე უფრო დიდი და ცნობილი დღესასწაული იტალიაში თითქმის არ არსებობს - ეს არის ღონისძიება, რომელის ირგვლივაც ყოველწლიურად მილიონობით ვიზიტორი იკრიბება და ერთვება ამ გასაოცარ მხიარულებაში.

10 დღიან აღლუმებსა და წვეულებებში მონაწილეობის მისაღებად მოგზაურები მთელი მსოფლიოდან ჩადიან - მხიარული მუსიკა, იტალიური ცეკვა-გართობა, კოსტიუმირებული შოუები და, რა თქმა უნდა, საოცარი იტალიური კერძები.

იცოდით, რომ თითქმის ორი საუკუნის განმავლობაში, კარნავალი ვენეციაში კარნავალი მხოლოდ პოპულარულ ლეგენდებში ცოცხლობდა? და თუ ტარდებოდა, მხოლოდ დახურულ კარს მიღმა, გახმაურების გარეშე, რადგან შენიღბული აქტივობები ჯერ კიდევ მე-13 საუკუნეში მიღებული კანონით იკრძალებოდა. მხოლოდ 1960-იანი წლების ბოლოს ვენეციის სათემო ჯგუფებმა დაიწყეს ფესტივალის დაბრუნება, როგორც ქალაქის ტურიზმის გაძლიერების გზა. კარნავალი ოფიციალურად 1979 წელს დაბრუნდა და ამით აღადგინა მრავალი ტრადიცია, რომელიც იტალიის და ვენეციის ავთენტურობის განუყოფელი ნაწილია.

„carne, vale!” - ნახვამდის ხორცო - ასე ითარგმნება სიტყვა კარნავალი, რომელიც შუა საუკუნეებში ეკლესიური ტრადიციიდან იღებს დასაბამს და მაშინ ეს დიდი მარხვის წინ იწყებოდა. ტრანსფორმაციის შედეგად კი მას დაერქვა მასკარადი, რომლის ერთ-ერთი მნიშვნელოვანი ტრადიცია, სახეების შენიღბვა მიზნად ასახავდა, სულ მცირე დროით მაინც გაეერთიანებინა საზოგადოების ყველა ფენა, შეექმნა დღესასწაული, სადაც ყველა ფენი, ნებისმიერი მატერიალური მდგომარეობის ადამიანი თანაბრად იზეიმებდა.

მაშ ასე, მოემზადეთ! 2025 წლის ვენეციის კარნავალი უკვე დაგეგმილია და გაიმართება 22 თებერვლიდან, 4 მარტის ჩათვლით!

შეთავაზება, შეგიძლიათ, იხილოთ ჩვენს Facebook გვერდზე.