ყველა ვთანხმდებით, რომ შობა და მასთან დაკავშირებული ტრადიციები ნამდვილად მშვენიერია, მსოფლიოს ნებისმიერ წერტილში - მით უფრო, რომ ყველა ქვეყანას აქვს რაღაც განსაკუთრებული, მისთვის დამახასიათებელი ნიშა, რითაც წელიწადის ეს დრო განსაკუთრებულ ელფერს იძენს.

ევროპა კი ერთ-ერთ მოწინავეა საშობაო ტრადიციების თვალწარმტაცობასა და ჯადოსნურობაში. ნოემბრის მეორე ნახევრიდან, ევროპის თითქმის ყველა ქვეყანა იწყებს საშობაო სამზადისს და შესაბამისად, ატრიალებს ნამდვილ საშობაო ატმოსფეროს. როგორც იცით, ევროპის ქვეყნებში საშობაო ბაზრობები განსაკუთრებულად პოპულაურია - ეს არის ის, რითაც სხვადასხვა ქვეყანა, ყოველწლიურად ახერხებს ვიზიტორების მოზიდვას, მსოფლიოს სხვადასხვა წერტილიდან. ცოცხალი საშობაო ბაზრობები, მოციმციმე ილუმინაციები, ძველი ევროპული ტრადიციები და ქუჩის უგემრიელესი, ტრადიციული კერძები და ცოტაოდენი გლინტვეინი ნამდვილად ის არის, რაც ყველა ადამიანში აღვივებს საშობაო განწყობას.

მოდი, ერთად ვიმოგზაუროთ ევროპის 8 ქალაქში, სადაც საშობაო ბაზრობები განსაკუთრებულად მიმზიდველი, მხიარული და მრავალფეროვანია.

• ბუდაპეშტი, უნგრეთი -ამ დიდებულ ქალაქში საშობაო სამზადისიც განსაკუთრებულად მიმზიდველია!
• ვენა, ავსტრია - ალბათ აქაური ჯადოსნური საშობაო ბაზრობების შესახებ თავადაც იცით - წარმოუდგენლად ლამაზი მორთულობითა და იდეალურად დაგეგმილი აქტივობებით - ნამდვილად ღირს მისი მონახულება.
• ზალცბურგი, ავსტრია - იდეალურია თქვენი პირველი საშობაო ბაზრობის მოგზაურობისთვის-ადგილი, რომელიც ნამდვილად დაუივიწყარ ემოციებს გაზიარებთ!
• როტენბურგი ობ დერ ტაუბერი, გერმანია - ბავარიული ბაზარი შუა საუკუნეების ქალაქში - აუცილებლად ღირს მისი მონახულება!
• კოლმარი, საფრანგეთი - ზღაპრული გარემო და ჯადოსნურად მოკაზმული საშობაო ბაზრობების ერთ-ერთი საუკეთესო ეპიცენტრია.
• ბაზელი, შვეიცარია - დიდი, ჯილდოს მფლობელი ბაზარი, რომელიც როგოც ყველას, თქვენც არ დაგტოვებთ გულგრილს.
• ინსბრუკი, ავსტრია - ფერადი, მომხიბლავი ბაზარი, ქალაქის ისტორიულ ცენტრში - უმშვენიერესი ადგილი, რომელიც საშობაოდ ყოველთვის სავსეა ვიზიტორებით.
• პრაღა, ჩეხეთი - მოინახულეთ ძველი ქალაქის მოედანი, რომელიც სავსეა საშობაო სიკაშკაშით... მიირთვით ცხელი გლინტვეინი და ტკბილი ტრდელნიკი - მართლაც საუცხოოა!