ზოგიერთი ევროპული ქალაქი იმდენად სრულყოფილია საშობაოდ, რომ ზღაპრულ სამყაროში მოგზაურობას მოგაგონებთ. ამჯერად, ვმოგზაურობთ ჩეხეთის ულამაზეს დედაქალაქში, პრაღაში - დიდებული შუასაუკუნეების და ბაროკოს სტრუქტურები ზღაპრული განათებით, საშობაო ბაზრობებითა და მორთულ-მოკაზმული ქუჩებით ყოველწლიურად სულ უფრო შთამბეჭდავია. მიუხედავად იმისა, რომ პრაღა საკმაოდ ლამაზია მთელი წლის განმავლობაში, წელიწადის ამ დროს, თოვლის საბანში დაფარული უძველესი ქალაქი კიდევ უფრო მიმზიდველად გამოიყურება.

ამ საოცარ ქალაქში, შობა ნამდვილად უდიდეს ტრადიციების მატარებელია - ადგილობრივები შობას ჭეშმარიტი სიხარულით აღნიშნავენ და საოცარ სადღესასწაულო განცდებს გარშემომყოფებსაც უზიარებენ.

საშობაო ბაზრები ჩეხეთში სადღესასწაულო მაგიის მთავარი კომპონენტია და ის განსაკუთრებულად მიმზიდველი სწორედ პრაღაშია. გაკაშკაშებული ქალაქი და „ზამთრის საოცრებათა ქვეყანა“ თანაბრად აღაფრთოვანებს ადგილობრივებსა და ტურისტებს, მთელი მსოფლიოდან. თუ შობას პრაღაში გაატარებთ, ეს აუცილებლად გახდება თქვენი ცხოვრების ერთ-ერთი ულამაზესი საშობაო დღესასწაული.

მოემზადეთ პრაღაში სამოგზაუროდ - 2024 წლის საშობაო ბაზრობების თემატიკა უკვე შექმნილია და საზოგადოებაც სულ მალე გაიცნობს!

ერთ-ერთი მთავარი სანახაობა, რა თქმა უნდა, პრაღის საშობაო ბაზრობები იქნება, რომელიც ამჯერად 2024 წლის 30 ნოემბრიდან 2025 წლის 6 იანვრამდე იქნება მოწყობილი და უამრავ სტუმარს უმასპინძლებს.

პრაღის საშობაო ბაზრობების დიზაინი შთაგონებულია თოვლიანი, ტრადიციული ჩეხური სოფლის სცენებით, რომლებიც შერწყმულია შობის ტრადიციულ ფერებთან: თქვენ აქ დაგხვდებათ ხის ქოხები, რომლებიც მორთული იქნება წითელი ან თეთრი სახურავებით; ფერადი დეკორაციები და თბილი თეთრი შუქები კი ქალაქის სიკაშკაშეს უზრუნველყოფს.

ყველაზე შთამბეჭდავი სანახაობა, ტრადიციულად, ძველი ქალაქის მოედანზე დადგმული, 24 მეტრიანი ნაძვის ხე იქნება, გიგანტური საშობაო ვარსკვლავებით, წითელი და ოქროსფერი ბალიშებითა და კაშკაშა ლედ განათებებით.

რას გთავაზობთ პრაღის საშობაო ბაზრობები?

სანახაობები და აქტივობები აქ ნამდვილად მრავალფეროვანია - შეძლებთ, შეიძინოთ ტრადიციული, დელიკატური, ხელნაკეთი ნივთები, დააგემოვნოთ ტრადიციული ჩეხური კერძები, დაესწროთ საღამოს ღონისძიებებს და ჩაერთოთ საყოველთაო მხიარულებაში.

ახლა კი, შემოგთავაზებთ რამდენიმე მნიშვნელოვან რჩევას, თუ რა უნდა ნახოთ აუცილებლად, თუკი საშობაო პრაღას ესტუმრებით:

1. ეწვიეთ საშობაო ბაზრობებს
2. ნახეთ საშობაო განათებები და მორთულობები
3. ესტუმრეთ საჯარო ყინულის/საციგურაო მოედნებს
4. სცადეთ Trdelník!
5. დაესწარით საშობაო შოუებს და ღონისძიებებს
6. მიირთვით საშობაო ვახშამი Mlynek-ში
7. არ დაგავიწყდეთ გასეირნება მდინარე ვლტავას გასწვრივ
8. აუცილებლად ესტუმრეთ Old Town Tower-ის მწვერვალს
9. რაგის ციხე და სტრახოვის ნახვის გარეშე უკან ნუ დაბრუნდებით.

OKTRAVEL სასიამოვნო მოგზაურობას გისურვებთ!