ბუდაპეშტმა იცის, როგორ შეუქმნას ვიზიტორს გრანდიოზული სადღესასწაულო განწყობა - სწორედ ამიტომ, წლებია, ურყევად ინარჩუნებს ევროპის ერთ-ერთი ულამაზესი საშობაო ბაზრობების ქალაქის ტიტულს.

საშობაო ბაზრობები უნგრეთის დედაქალაქში დეკემბრის პირველი კვირადან იწყება, მთელი მისი დიდებულებით, უმშვენიერესი საახალწლო მორთულობებითა და მრავალფეროვანი საშობაო ბაზრობებით.

მთავარი საშობაო ბაზრობა ეწყობა Vörösmarty-ის მოედანზე, ქალაქის ცენტრში, რომელიც რამდენიმე კვირის განმავლობაში უამრავ სტუმარს მასპინძლობს და ანებივრეს უამრავი საინტერესო აქტივობით - ყოველდღიური კონცერტებით, გასართობი შოუებით, საბავშვო ღონისძიებებითა და ა.შ.

ქალაქის ცენტრსი მოწყობილი ხის სადგომები და გარე სცენები ადგილობრივ ხელოსნებსა და ხელოვანებს საშუალებას აძლევს, გამოავლინონ თავიანთი ნიჭი და გააცნონ საკუთარი შემოქმედება, მსოფლიოს სხვადასხვა წერტილიდან ჩასულ სტუმრებს. დამთვარიელებლებს კი შესაძლებლობა აქვთ, ეზიარონ უნგრულ კულტურას და დაუვიწყარ ემოციებთან ერთად, სამშობლოში უნიკალური და ორიგინალური საჩუქრებით დახუნძლულები დაბრუნდნენ.

თვალები დახუჭეთ და წარმოიდგინეთ ჰაერში დატრიალებული უნგრული ტრადიციული კერძების, თაფლის ნამცხვრების, გლინტვეინისა და დარიჩინის სურნელი, საოცარი მუსიკა და არაჩვეულებრივი შეგრძნებები - ეს ყველაფერი აქ შობის დღესასწაულის მთავარი კომპონენტებია და თქვენ ის აუცილებლად უნდა იხილოთ!

საშობაოდ მოკაზმული ბუდაპეშტი არამხოლოდ ზრდასრულებისთვის, არამედ ბავშვებისთვისაც იდეალური ადგილია - აქაურობა სავსეა სრულიად უფასო საბავშვო ატრაქციონებითა მხიარული აქტივობებით, ამიტომ ადამიანები, ხშირად, ოჯახებით სტუმრობენ მას.

OKTRAVEL დაუვიწყარ მოგზაურობას გისურვებთ!