როცა რომში გამგზავრებას გადაწყვეტთ, მზად უნდა იყოთ შეუდარებელი ისტორიის, კულტურისა და კულინარიის სამყაროში მოგზაურობისთვის. ქალაქი, რომელიც საუკუნეების განმავლობაში იყო უდიდესი ცივილიზაციისა და კულტურის ცენტრი, დღემდე იზიდავს ტურისტებს!

რას ნახავთ?

- კოლიზეუმი - თქვენი მოგზაურობა უნდა დაიწყოს შედევრიდან, რომელიც რომის სიმბოლოა. კოლიზეუმი, სადაც გლადიატორების ბრძოლები იმართებოდა, წარმოადგენს რომის ისტორიის და არქიტექტურის საოცრებას.

-ვატიკანი - მსოფლიოში ყველაზე პატარა დამოუკიდებელი სახელმწიფო, სადაც დაგხვდებათ მრავალი ღირშესანიშნაობა, რომელიც მოიცავს წმინდა პეტრეს ბაზილიკას და ვატიკანის მუზეუმებს.

- პანთეონი - კიდევ ერთი განსაცვიფრებელი ქმნილება, რომელიც რომის ანტიკურ პერიოდის ანარეკლია, იგი რომში ოდესღაც გაბატონებული იმპერიის ძალასა და დიდებულებას გვახსენებს.

სად უნდა ისეირნოთ?

- ისტორიული და ყველასათვის ცნობილი,უზარმაზარი სავაჭრო ქუჩა - მუდმივად ხმაურიანი გარემო, სადაც შეხვდებით მსოფლიოში ცნობილი ბრენდების მაღაზიებს - თუ რომში მოხვდებით, აუცილებლად ეწვიეთ ამ ადგილს და განაახლეთ თქვენი გარდერობი.

პიაცა ნავონა - რომის ერთ-ერთ ყველაზე მომხიბვლელი და ცოცხალი მოედანი, სადაც შესაძლებელია გაისეირნოთ, დატკბეთ ფანტანებით და მოინახულოთ ქუჩის ესთეტიკური სანახაობები. მოედანი თავდაპირველად იყო სტადიონი, ცნობილი როგორც "დომიციანეს სტადიონი", რომელიც გამოიყენებოდა უძველესი სპორტული თამაშებისთვის. დღეს მოედანი ინარჩუნებს თავის მოგრძო ფორმას და აქვს სამი ბრწყინვალე შადრევანი, რომლებიც ამშვენებს მის ცენტრს.

რომელ კვების ობიექტებს უნდა ესტუმროთ?

- იტალიური სამზარეულო ცნობილია მრავალფეროვანი და გემრიელი კერძებით, რაც რეგიონის კულტურისა და ტრადიციების პირდაპირი გამოხატულებაა. რომში კი ნამდვილად უზარმაზარი შესაძლებლობაა, გემრიელი, იტალიური კერძების დაგემოვნებისთვის. გიზიარებთ რამდენიმე ცნობილ რესტორანს, რომელსაც აუცილებლად უნდა ეწვიოთ: Secondo Tradizione,Trapizzono, Retrobottega, Roscioli Caffè e Pasticceria.

რაც უნდა გასინჯოთ? იტალიური სამზარეულო რომ ნამდვილად გამორჩეულია, კულინარიული შედევრებით, ეს ყველასთვის ცნობილია, მაგრამ გირჩევთ რამდენიმე კერძს, რომელიც აუცილებლად უნდა მიირთვათ რომში ყოფნისას: პიცა, ჯელატო, კარბონარა ან პასტის სხვა სახეობები, სენდვიჩის დახვეწილი ინტერპრეტაცია-ტრაპიზინო, მარიტოზო - კრემით ამოვსებული ტკბილი პური და ა.შ.

დაჯავშნეთ ტური - რომში მოგზაურობა მართლაც უნიკალური გამოცდილებაა, სადაც თქვენ შეხვდებით ისტორიას, კულტურას, გემრიელ საკვებს და მშვენიერ ხალხს. ეს ქალაქი ყველასთვის სავსეა შთაგონებით და დაუვიწყარი თავგადასავლებით!