ევროკავშირის ხელმძღვანელობამ მოლაპარაკებები დაიწყო სავიზო კოდექსის რეფორმირების საკითხზე, რომელიც იმ ქვეყნებში ვიზების გაცემის გამკაცრებას ითვალისწინებს, რომლებიც სათანადოდ არ თანამშრომლობენ რეადმისიის საკითხებში. ამის შესახებ ევროკავშირის პრესსამსახური იუწყება.

სამშაბათს ევროკავშირმა საბჭოს სახელით დაამტკიცა მოლაპარაკებების მანდატი სავიზო კოდექსში ცვლილებების შეტანის შესახებ. ამ გადაწყვეტილების საფუძველზე, საბჭო დაიწყებს მოლაპარაკებებს ევროპულ პარლამენტთან მაშინვე, როგორც კი ის საკუთარ პოზიციას დაამტკიცებს.

„განახლებული რეგულირება ევროკავშირის სავიზო პოლიტიკის მოდერნიზების საშუალებას იძლევა, აამაღლოს უსაფრთხოება და გააფართოოს სამიგრაციო გამოწვევებზე რეაგირების ინსტრუმენტები“, - ნათქვამია ინფორმაციაში.

„კომისია რეგულარულად შეაფასებს მესამე ქვეყნების თანამშრომლობას რეადმისიის საკითხებში. იმ შემთხვევებში, როდესაც ქვეყანა არ თანამშრომლობს, კომისია საბჭოს შესთავაზებს, მიიღოს გადაწყვეტილება კონკრეტული შემზღუდველი სავიზო ზომების შესახებ, რომლებიც დაკავშირებულია ვიზების დამუშავებასთან და სავიზო მოსაკრებელთან“, - ნათქვამია ამავე განცხადებაში.

შიდა ვიზიტორების აბსულუტური უმრავლესობა - 83,3% ვიზიტით კმაყოფილია. საქსტატის მიერ გამოქვეყნებული მონაცემების მიხედვით, მიმდინარე წლის პირველ კვარტალში სტუმრების 34% ვიზიტით ძალიან კმაყოფილი დარჩა, 49% კი კმაყოფილი. გამოკითხული სტუმრების 13,6% აცხადებს, რომ არც კმაყოფილია და არც უკმაყოფილო, 0,6% კი პასუხის გაცემა გაუჭირდა. რაც შეეხება ნეგატიურ შეფასებებს, ვიზიტორების 2,3% მოგზაურობით უკმაყოფილო დარჩა, 0,2% კი ძალიან უკმაყოფილო. 

მიმდინარე წლის პირველ კვარტალში საქართველოში შიდა ვიზიტორების რაოდენობა 838,3 ათასი იყო, საიდანაც ყველაზე მეტი რაოდენობა დედაქალაქს ესტუმრა. საქსტატის ინფორმაციით, თბილისს ჯამში 224 ათასი ვიზიტორი ეწვია, რაც მთლიანი ოდენობის 27%-ია. მეორე ადგილზე ვიზიტორების ოდენობით იმერეთია, რეგიონს 165 ათასზე მეტი სტუმარი ეწვია,რაც მთელი მოცულობის 20%-ია, მესამე ადგილზე კი აჭარაა-102 ათასი სტუმრით. კახეთის რეგიონზე პირველ კვარტალში ვიზიტორების 8,1% მოდიოდა, სამეგრელო-ზემო სვანეთზე-8%, ქვემო ქართლზე -6,7%, შიდა ქართლზე-6,1%. 

შიდა ვიზიტებისას ყველაზე მეტ ფულს საქართველოში საყიდლებზე ხარჯავენ.

საქსტატის მონაცემებით, ვიზიტების საშუალო თვიურ ხარჯში საყიდლებზე 38,8 ლარი მოდის, რაც მთელი ხარჯის თითქმის მესამედია. მეორე ადგილზე კვებაა, რაც 24 ლარს შეადგენს. საშუალოდ 22,2 ლარს ვიზიტორები გადაადგილებისას, ტრანსპორტში ხარჯავენ.

განთავსების ადგილებზე საშუალოდ 4,3 ლარი იხარჯება, ყველაზე ცოტას -2,2 ლარს კი, ვიზიტორები ქვეყნის ფარგლებში მოგზაურობისას გასართობ, გამაჯანსაღებელ, კულტურულ და სპორტული ღონისძიებებზე ხარჯავენ. მთლიანობაში ვიზიტორების საშუალო თვიური ხარჯი 120,3 ლარს შეადგენს.

ქუვეითის ავიაკომპანია Jazeera Airways-მა თბილისის მიმართულებით პირველი რეისი შეასრულა, - ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს. მათი ინფორმაციით, ამასთან დაკავშირებით სასტუმრო „რედისონში“ საზეიმო ღონისძიება გაიმართა, რომელსაც საქართველოს ეკონომიკისა და მდგრადი განვითარების მინისტრის მოადგილე გიორგი ჩერქეზიშვილი, ავიაკომპანიის მენეჯმენტი, საქართველოში Jazeera Airways -ის ოფიციალური წარმომადგენელი კომპანია ,,ვოიაჟერი“, „საქართველოს აეროპორტების გაერთიანების“, „სამოქალაქო ავიაციის სააგენტოს“, „საქაერონავიგაციისა“ და „ტურიზმის ეროვნული ადმინისტრაციის“ წარმომადგენლები ესწრებოდნენ.

„ქუვეითიდან ფრენები 2017 წელს დაიწყო. ეს არის უკვე მესამე კომპანია, რომელიც საავიაციო მიმოსვლას თბილისსა და ქუვეითს შორის განახორციელებს. ჩვენ მივესალმებით  ერთ-ერთი წამყვანი ავიაკომპანიის შემოსვლას საქართველოში, რაც იმაზე მეტყველებს, რომ ტურიზმის კუთხით საქართველოსა და ქუვეითს შორის თანამშრომლობის დიდი პოტენციალია, რომელიც ასევე დადებითად აისახება საერთაშორისო ვაჭრობაზე,“ - განაცხადა გიორგი ჩერქეზიშვილმა ჟურნალისტებთან საუბრისას.

მინისტრის მოადგილის შეფასებით, ბოლო წლებში საავიაციო სფეროში ძალიან დინამიური ზრდა ფიქსირდება. 

„2018 წლის 5 თვის მონაცემებით, საქართველოს სამივე საერთაშორისო აეროპორტში მგზავრთნაკადი გაიზარდა 32 პროცენტით, რაც საკმაოდ კარგი მაჩვენებელია. მოლოდინი გვაქვს, რომ ეს ციფრი კიდევ უფრო გაიზრდება, რადგან ტურისტული სეზონი დაიწყო და მგზავრების ზრდასთან ერთად ფართოვდება როგორც ჩვენი აეროპორტების ინფრასტრუქტურა, ასევე მომსახურების შესაძლებლობები,“ - აღნიშნა ჩერქეზიშვილმა. 

მისივე ინფორმაციით, საქართველოსა და ქუვეითს შორის მგზავრთნაკადი 2017 წელს 2016 წელთან შედარებით 45%-ით გაიზარდა, ხოლო მთლიანად ყურის არაბული ქვეყნებიდან 53%-ით.

ეკონომიკის სამინისტროს ინფორმაციით, ქუვეითის ავიაკომპანია, პირველ ეტაპზე, ელ-ქუვეითი-თბილისის მარშრუტზე კვირაში სამჯერ, ოთხშაბათს, პარასკევსა და კვირას შემდეგი განრიგით იფრენს: ელ-ქუვეითი- თბილისი-ელ-ქუვეითი : 14:50 -18:20; თბილისი- ელ-ქუვეითი - თბილისი : 19:10-20:45. 

Jazeera Aiways-ით ფრენისას ეკონომკლასის მგზავრებს შესაძლებლობა ექნებათ გადაიტანონ 30 კგ, ხოლო ბიზნესკლასის მგზავრებს - 50 კგ ბარგი.

ეკონომიკისა და მდგრადი განვითარების სამინისტროს შპს “საქართველოს აეროპორტების გაერთიანების“ წარმომადგენლების განცხადებით, ავიაკომპანიასთან მოლაპარაკებები 2016 წლის მარტიდან მიმდინარეობდა. 

„ავიაკომპანია Jazeera Airways-მა ელ-ქუვეითის საერთაშორისო აეროპორტში ახალი ტერმინალი ააშენა, რომელიც ცოტა ხნის წინ გაიხსნა და მგზავრებს კიდევ უფრო დახვეწილ მომსახურებას სთავაზობს. ავიაკომპანია ამ ეტაპზე 9 Airbus A320 ტიპის ავიახომალდს ფლობს და ის პირველ ავიაკომპანიას წარმოადგენს ახლო აღმოსავლეთში, რომელიც 11 ივნისიდან ფრენებს A320neo ბორტით ასრულებს,“ - ნათქვამია ინფორმაციაში.

ალბათ ბევრს არ გაუგონია კიერაგბოლტენის შესახებ, რომელიც ნორვეგიაში მდებარეობს. ის კლდეებს შორის, უფსკრულის თავზე 1084 მეტრის მანძილზეა აზიდული. ეს ადგილი მსოფლიოში ერთ-ერთ ყველაზე საშიშ ადგილადაა მიჩნეული. აქ მოხვედრა აქამდე არარეალობად მეჩვენებოდა და ჩემთვის ერთ-ერთ საოცნებო ადგილად რჩებოდა. თუმცა მოგზაურთა ჯგუფში, შემთხვევით აღმოვაჩინე მოგზაური ნესტან ცერცვაძე, რომელმაც კიერაგბოლტენი „დაიპყრო“. მინდა მისი შთაბეჭდილებები და გამოცდილება თქვენც გაგიზიაროთ. იქნებ თქვენც ჩემსავით ოცნებობთ ამ ზღაპრულ ადგილზე მოხვედრაზე.
კიერაგბოლტენზე ხალხის უმრავლესობა სიამოვნებას იღებს პლატოს ხედებით, მაგრამ უმრავლესობისთვის ამ ყველაფრის კულმინაცია კლდეებს შორის მოქცეულ ქვაზე  დადგომა და სურათების გადაღებაა. ეს ქვა ბუნებრივი ქმნილებაა უძველესი დროიდან, როდესაც გარემო ყინულებით იყო დაფარული. ქვა დიდი პოპულარულობით სარგებლობს ტურისტებში.

-დღეს უკვე რვა ქვეყანაში ვარ ნამყოფი. თითოეულმა ქვეყანამ წარუშლელი შთაბეჭდილება მოახდინა ჩემზე. თუმცა ნორვეგია, თავისი კიერაგბოლტენით დაუვიწყარი იყო. ამ ქვეყანაში წასვლა ძალიან გვინდოდა მე და ჩემს მეგობარს. უნდა ვაღიარო, მას უფრო დიდი სურვილი ჰქონდა. დავიწყე ინფორმაციის შეგროვება, ასევე ვკითხე მეგობრებს, თუმცა ყველამ მითხრა, რომ არ წავსულიყავი, ძალიან მაღალი ფასების გამო. როდესაც იმედი დავკარგეთ, მოხდა ისე, რომ მეგობარმა გაგვაცნო თავისი მეგობარი, რომელიც ნორვეგიაში ცხოვრობდა და თან ძალიან უყვარდა საქართველო. მან გვითხრა, რომ აპირებდა კიერაგბოლტენის მონახულებას და თუ სურვილი გვქონდა ჩვენც შეგვეძლო მასთან ერთად ამ ადგილის მონახულება. 

მიუხედავად იმისა, რომ სექტემბრის დასაწყისში ვეწვიეთ ნორვეგიას, მაინც ძალიან ციოდა. ადგილი, სადაც ჩავფრინდით, კიერაგბოლტენის შვიდი საათის სავალ მანძილზე იყო. სამწუხაროდ, გზის ზოგიერთ მონაკვეთზე ნისლი იყო, თუმცა თვალწარმტაცი ხედებით ტკბობას მაინც ვახერხებდი. მოგზაურობისას მივეჩვიე, რომ ყველგან, სადაც მივდიოდი გზები საკმაოდ მოწესრიგებული იყო და რადგან ასე მოულოდნელად აღმოვჩნდი ნორვეგიაში, ვერ მოვასწარი კიერაგბოლტენამდე მისასვლელი გზა მომეძებნა ინტერნეტში. არც მიფიქრია, რომ სამი მთა უნდა გადამელახა დანიშნულების ადგილამდე მისაღწევად. ეს გზა საკმაოდ სახიფათო აღმოჩნდა. თუ გადაწყვეთ ამ ადგილის მონახუებას და მინიმუმ ბავშვობაში სოფელში - მთებში თუ არ გივლიათ ლაშქრობაზე, ასეთ სალ კლდეებზე სიარული ძალიან გაგიჭირდებათ, მით უმეტეს თუ წვიმა დაემთხვა, რადგან ფეხი ძალიან ცურავს. გასნაკუთრებით საშიშ ადგილებზე მოაჯირებია გაკეთებული და მთავარია მათ ჩაეჭიდოთ. სიმართლე გითხრათ ერთ ადგილას ფეხი მეც მომიცურდა და ერთმა რუმინელმა გოგონამ გადამარჩინა. ასე რომ, გზაზე მაქსიმალური ყურადღება გმართებთ. 

გზას დილით ადრე გავუყვით, რადგან საღამოს ოთხი საათის შემდეგ უკან დაბრუნება შეუძლებელია, მალე დაბნელდებოდა. თუმცა მთებს შორის არის ქოხი, სადაც შეგვეძლო თავის შეფარება. ქოხი აღჭურვილია ყველა საჭირო ნივთით, რაც დაგეხმარებათ ღამე მშვიდად გაათიოთ ან დაშავების შემთხვევაში ვერტალიოტს დაელოდოთ. იქვე არის ბლოკნოტი და შეგიძლიათ თქვენი შთაბეჭდილებები გაუზუაროთ სხვებს. დაახლოებით 4 ან 5 საათი ვიყავით გზაში. იმის გარდა, რომ რთულად გასავლელი გზაა, თქვენს წინ თვალწამრტაცი ხედები იშლება და რთულია არ შეჩერდე ერთი წუთით მაინც. ბოლოს მივაღწიე დანიშნულების ადგილს და ქვაზე დამდგომ მსურველებს შორის დავდექი და აი... ჩემი რიგიც დადგა დავმდგარიყავი ქვაზე, რომლისკენაც ასე მივიწევდი. სიმაღლის ძალიან დიდი შიში მაქვს და ბოლო წუთამდე წარმოუდგენლად მეჩვენებოდა ჩემი იქ დგომის შესაძლებლლობა. თან ჩემი გული გამალებით ცემდა და მუხლები მიკანკალებდა, თუმცა... საბოლოოდ მეგობრების დახმარებით მოვახერხე ქვაზე გადასვლა, ეს საკმაოდ ამაღელვებელი მომენტი იყო. თუ გაგიმართლებთ შეიძლება ხელის თხოვნის ულამაზეს სცენას შეესწროთ თქვენი რიგის მოლოდინში. 

წყარო:  https://www.shin.ge/index.php/mozaika/1902-msoplios-ert-erti-kvelaze-sashishi-adgili-turistebistvis-da-kartveli-gogona-romelits-ik-agmochnda 

ახალმა ქართულმა ავიაკომპანიამ My Way Airlines დღეს რეგულარული რეისების შესრულება დაიწყო. პირველი რეგულარული რეისი თბილისი-ხარკოვის მიმართულებით ბოინგ 737 800 ტიპის ავიახომალდით შესრულდა, ხვალ კი ავიაკომპანია მგზავრებს ხარკოვის მიმართულებით ბათუმიდან გადაიყვანს. 

 ავიაკომპანიის კომერციული დირექტორის, იგორ აფციაურის განცხადებით, 18 ივნისიდან რეგულარული რეისები თბილისი-თელავივის და ბათუმი-თელავივის მიმართულებითაც დაიწყება, რაზეც ნებართვას ისრაელის შესაბამისი უწყებიდან ელოდებიან. 20 ივნისიდან კი რეისები თბილისის და ბათუმის აეროპორტებიდან თეირანის მიმართულებით განხორციელდება, რაზეც ავიაკომპანიას ნებართვები როგორც ქართული, ასევე ირანის მხრიდან უკვე აქვს. ამ ქვეყნებში ავიაკომპანია თბილისიდან და ბათუმიდან კვირაში ორი სიხშირით იფრენს. 

My Way Airlines გასულ წელს ,,ჰუალინგი ჯგუფის“ ინვესტიციით დაფუძნდა. ავიაკომპანიას ორი, საკუთარი ბოინგ 737 800 ტიპის ხომალდი ჰყავს. ავიაპარკს წლის ბოლოს კიდევ ორი ასეთი თვითმფრინავი შეემატება. ავიაკომპანიაში ჩადებული ინვესტიციის მოცულობა 50 მილიონ დოლარს აღემატება, რაც ეტაპობრივად კიდევ გაიზრდება.

 ბორჯომი სამუზეუმო ქალაქი გახდება. ამ ინფორმაციას საქართველოს კულტურისა და სპორტის სამინისტრო ავრცელებს.

უწყების ცნობით, საქართველოს კულტურული მემკვიდრეობის დაცვის ეროვნული სააგენტოს პროექტი „ბორჯომი-სამუზეუმო ქალაქი“ XIX-XX საუკუნეების მიჯნაზე აგებული ხუთი უნიკალური ისტორიული შენობის რეაბილიტაციას, ერთი საიტი-ატრაქციის შექმნასა და ერთიან სამუზეუმო კონცეფციაში მოქცევას ითვალისწინებს.

პროექტის მიხედვით ბორჯომში ხუთი მუზეუმი იმუშავებს. ესენია:

• ახალი კავალერიის კორპუსში – გამოყენებითი ხელოვნების მუზეუმი;

• რომანოვების ყოფილ კანცელარიაში – ბორჯომის მხარის ისტორიის მუზეუმი;

• მოლდენჰაუერის ჰიდროელექტროსადგურის შენობაში – ინდუსტრიული მემკვიდრეობის მუზეუმი;

• ბორჯომის მინერალური წყლის ქარხანაში – ბორჯომის მინერალური წყლის ისტორიის მუზეუმი;

• ლიკანის სასახლეში – სასახლე-მუზეუმი და მრავალფუნქციური კომპლექსი;

ასევე, კულტურული მემკვიდრეობის დაცვის ეროვნული სააგენტოს ინიციატივით, მოეწყობა საიტი- ატრაქცია. ღია ცის ქვეშ “პირველი რკინიგზა”, რომელიც პირველი ორთქმავლისა და ცემი-ბაკურიანის ეიფელის სარკინიგზო ხიდის გამოყენებით იქნება შექმნილი.

წლის პირველ 5 თვეში საქართველომ ტურიზმიდან 1,036 მლრდ დოლარის შემოსავალი მიიღო. მხოლოდ მაისში ქვეყანამ საერთაშორისო მოგზაურებიდან 246 მლნ დოლარის შემოსავალი მიიღო, რაც წინა წლის ანალოგიურ პერიოდს 19.9%-ით აღემატება. 

შეგახსენებთ, რომ მაისში საქართველოს 633,086 საერთაშორისო მოგზაური ეწვია, რაც 7.8%-ით აჭარბებს წინა წლის მაისის მონაცემს. მათ შორის 359,744 ტურისტი იყო, რაც 16.1%-იანი ზრდაა. 

წყარო: bm.ge

2018 წლის 5 თვის სტატისტიკური მონაცემების მიხედვით, საქართველოს საჰაერო სივრცეში ფრენების რაოდენობა 10.5 %-ით არის გაზრდილი. სტატისტიკა გაუმჯობესებულია, როგორც გადაფრენების ასევე, აფრენა-დაფრენის მიმართულებით. ამის შესახებ ინფორმაციას საქართველოს ეკონომიკისა და მდგრადი განვითარების სამინისტროს შპს “საქაერონავიგაცია” ავრცელებს. 

2018 წლის იანვარი - მაისის პერიოდში საქართველოს საჰაერო სივრცეში შესრულდა 57 919 ინსტრუმენტალური ფრენა. აღნიშნული მაჩვენებელი 5 500 ფრენით და 10.5%-ით მეტია 2017 წლის იმავე პრიოდის მაჩვენებელზე; 

ბოლო ხუთი თვის განმავლობაშ შესრულებული გადაფრენების რიცხვი 41 925 ფრენას შეადგენს, რომელიც 2017 წლის მაჩვენებელზე 2 246 ფრენით, ანუ 5.7% -ით მეტია. აფრენა - დაფრენის რაოდენობა კი 15 994-ია, რაც 2017 წლის იმავე პერიოდთან შედარებით 3 254 ფრენით, ანუ 25.5%-ით არის გაზრდილი. 

საქართველოს საჰაერო სივრცეში ნაფრენი დისტანცია იანვრიდან მაისის ჩათვლით 16 385 340 კმ-ს შეადგენს. აღნიშნული მაჩვენებელი 32 454 კმ-ით და 0,2%-ით ნაკლებია გასული წლის იმავე პერიოდის მაჩვენებელზე, რაც შპს “საქაერონავიგაციის” მიერ დანერგილი თავისუფალი მარშრუტების კონცეფციის დადებითი შედეგია. 

საქართველოს საჰაერო სივრცეს ტრანზიტული გადაადგილებისთვის ყველაზე ხშირად TURKISH AIRLINES INC, QATAR AIRWAYS, THAI AIRWAYS INTERNATIONAL LTD, AZERBAIJAN AIRLINES – AZAL, SINGAPORE AIRLINES Ltd იყენებენ. საქართველოს აეროპორტებში აფრენა-დაფრენის ტოპ მომხმარებლად 2018 წელს, ისევ GEORGIAN AIRWAYS, TURKISH AIRLINES, WIZZ AIR, UKAINE AIRLINES დაფიქსირდნენ. 
 

აჭარა ზაფხულს მრავალფეროვანი ტურისტული პროდუქტებითა და სიახლეებით ხვდება. როგორც  აჭარის ტურიზმისა და კურორტების დეპარტამენტში აცხადებენ, რეგიონში ზღვაზე დასასვენებლად ჩამოსულ სტუმრებს მთიანი აჭარის საინტერესო ტურისტული მარშრუტები, ახალი განთავსების ადგილები, ტურისტული სერვისები, საერთაშორისო ფესტივალები და კონცერტები ელოდებათ. 

საზღვაო ტურისტული სეზონი რეგიონში 3 ივნისს, ზაფხულის ფესტივალით გაიხსნა.

მათივე ინფორმაციით, სეზონის განმავლობაში კი რეგიონის სტუმრები განებივრებულები იქნებიან ისეთი ფესტივალებითა და კონცერტებით, როგორებიცაა ბათუმის საერთაშორისო მუსიკალური ფესტივალი, შავი ზღვის ჯაზფესტივალი, ლეგენდარული ელტონ ჯონის ორ დღიანი კონცერტით „ბლექსი არენაზე“, ფერების ფესტივალითა და ფოლკლორის დღეებით ბათუმის ბულვარში. 

„მთიან აჭარაში მოგზაურობის მსურველებს კი საინტერესო ეკოტურისტული, სათავგადასავლო და საინტერესო ტურისტული მარშრუტები ელოდებათ. უკვე მიმდინარეობს ახალი ტურისტული მარშრუტების მარკირება ხულოს მუნიციპალიტეტეში, სადაც მოგზაურებს 3 დღიანი წრიული მარშრუტების გავლა ცენტრალურ გზაზე ჩამოსვლის გარეშე მოუწევთ: ჩირუხი-ხიხანი-გოდერძის წრიული მარშრუტი; გოდერძი - მწვანე ტბა - შავი ტბა - დანისპარაულის წრიული მარშრუტი; ხულო-თაგო-სხალთის საფეხმავლო მარშრუტი;

მთიან აჭარაში მოგზაურობის მსურველებს სრულყოფილ ტურებს უკვე აჭარის ტურიზმის დეპარტამენტის მიერ ბოლო ორ წელში გადამზადებული გიდები შესთავაზებენ. სიახლეა რეგიონში სერვისის გაუმჯობესების კუთხითაც. განსაკუთრებით ეს ეხება კურორტ გოდერძის, სადაც საოჯახო-სასტუმრო სახლებისა და კვების ობიექტების წარმომადგენლებს ინგლისური ენის შემსწავლელი კურსები ჩაუტარდათ, რაც მათ ტურისტებთან კომუნიკაციას გაუმარტივებთ. გარდა ამისა, ხანძართ-უსაფრთხოებისა და ტექნიკური უსაფრთხოების კუთხით ტრენინგები ჩაუტარდა 80-მდე განთავსების ობიექტის 300 თანამშრომელს. 

ზაფხულის ტურისტულ სეზონზე იზრდება ბათუმის მიმართულებით ფრენების რაოდენობაც. Tav Georgia-ს ინფორმაციაზე დაყრდნობით, ზაფხულის ტურისტულ სეზონზე ჯამში ბათუმის მიმართულებით 22 ავიაკომპანია შეასრულებს ფრენებს ისრაელიდან, ირანიდან, რუსეთიდან, არაბეთის გაერთიანებული საემიროებიდან, ბელარუსიიდან, თურქეთიდან და სხვა ქვეყნებიდან. ამას დაემატება ჩარტერული რეისებიც. სეზონზე ბათუმის მიმართულებით კვირაში საშუალოდ 120-მდე ფრენა იგეგმება“, - ნათქვამია აჭარის ტურიზმისა და კურორტების დეპარტამენტის მიერ გავრცელებულ ინფორმაციაში.

მათივე ინფორმაციით, განახლებული ინფრასტრუქტურით შეხვდება სეზონს რეგიონის ტურისტულად მიმზიდველი ადგილები: ბათუმის ბულვარი, ბათუმის ბოტანიკური ბაღი და ბათუმის დელფინარიუმი. 

გასული წლის მსგავსად, წელსაც ბულვარში, ტურისტებს ერთ სტილში მოწყობილი საპლაჟო სექტორი დახვდებათ, თავისი საშხაპეებით, გასახდელებით, ერთნაირი შეზლონგებითა და სანაპიროზე ჩასასვლელი შშმ პირებზე ადაპტირებული ბილიკებით. 

„წელს, აჭარაში დასვენების მსურველებს ახალი ტურისტული სერვისიც ელოდებათ. ბათუმის ულამაზესი ხედების ნახვა უკვე შვეულმფრენიდანაც იქნება შესაძლებელი. 
სიახლეა განთავსების ობიექტების მხრივაც. გასულ წელს რეგისტრირებულ 429 ობიექტს 9 ახალი შეემატა. კიდევ ერთი მაღალი კლასის სასტუმრო „გლორია“ კი ბათუმში ზაფხულის პერიოდში გაიხსნება. 

აჭარის ტურიზმის დეპარტამენტი რეგიონის რეკლამირებას ტურისტების მოზიდვის მიზნით 16 სამიზნე ქვეყანაში ანხორციელებს. რეკლამა ძირითადად, სატელევიზიო რეკლამას, ონლაინ რეკლამას, პრესს და ინფოტურების ორგანიზებას, გარე რეკლამას და საერთაშორისო ტურისტულ გამოფენებში აჭარის წარმოჩენას ითვალისწინებს, - ნათქვამია გავრცელებულ ინფორმაციაში. 
 

წლის 5 თვის მონაცემებით, საქართველოს დაცულ ტერიტორიებზე ვიზიტორთა რაოდენობა წინა წლის ანალოგიურ პერიოდთან შედარებით, 24%-ით გაიზარდა და 195 617 შეადგინა. მათ შორის 55% ქართველია, ხოლო 45% - უცხოელი. ქართველი ვიზიტორების რაოდენობა გაზრდილია 14%-ით, ხოლო უცხოელი ვიზიტორების რაოდენობა 38%-ით. 

საერთაშორისო ვიზიტორებიდან დაცულ ტერიტორიებს ყველაზე მეტი ვიზიტორი ესტუმრა გერმანიიდან, პოლონეთიდან, ემირატებიდან, ისრაელიდან და რუსეთიდან. 

ტოპ 5 ყველაზე მონახულებადი დაცული ტერიტორიაა: 

• პრომეთეს მღვიმე 
• თბილისის ეროვნული პარკი 
• ყაზბეგის ეროვნული პარკი 
• მარტვილის კანიონი 
• სათაფლია 

5 თვის განმავლობაში ყველაზე მეტად გაიზარდა ვიზიტორების რაოდენობა შემდეგ დაცულ ტერიტორიებზე: 

• მაჭახელას ეროვნული პარკი 
• თბილისის ეროვნული პარკი 
• მტირალას ეროვნული პარკი 
• ჯავახეთის დაცული ტერიტორიები 
• მარტვილის კანიონი

ქართული ავიაკომპანია „Myway Airlines“ რეგულარული საჰაერო მიმოსვლის განხორციელებას იწყებს. საქართველოს ეკონომიკისა და მდგრადი განვითრების სამინისტროს სამოქალაქო ავიაციის სააგენტოში წარმოდგენილი განაცხადების შესაბამისად, რეისები თბილისი-ხარკოვი-თბილისის, ბათუმი-ხარკოვი-ბათუმის, თბილისი-თეირანი-თბილისის, ბათუმი-თეირანი-ბათუმის და თბილისი-სამარა-თბილისის მიმართულებებით შემდეგი განრიგით შესრულდება: 

· თბილისი-ხარკოვი-თბილისი - 12 ივნისიდან 4 სექტემბრამდე, ყოველ სამშაბათსა და შაბათს. 

· ბათუმი-ხარკოვი-ბათუმი - 13 ივნისიდან 29 სექტემბრამდე, ყოველ ოთხშაბათსა და შაბათს; 

· თბილისი-თეირანი-თბილისი - 14 ივნისიდან 25 ოქტომბრამდე - ყოველ ორშაბათსა და ხუთშაბათს; 

· ბათუმი-თეირანი-ბათუმი - 22 ივნისიდან 26 ოქტომბრამდე, ყოველ პარასკევს; 

· თბილისი-სამარა-თბილისი - 23 ივნისიდან 27 ოქტომბრამდე, ყოველ სამშაბათსა და შაბათს; 

ფრენები Boeing B737-800-ის ტიპის საჰაერო ხომალდებით განხორციელდება. პირველ რეგულარულ რეისს „Myway Airlines“ თბილისიდან ხარკოვის მიმართულებით 12 ივნისს შეასრულებს. 

საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ ავიაკომპანია „Myway Airlines“-ს რეგულარული საჰაერო მიმოსვლის ნებართვა 8 ივნისს მიენიჭა. 

„Myway Airlines“-ზე საჰაერო ხომალდის ექსპლუატანტის სერტიფიკატი სააგენტომ მიმდინარე წლის 23 იანვარს, ხოლო გადაყვანა-გადაზიდვის მოწმობა 23 თებერვალს გასცა. ამ ეტაპზე "Myway Way Airlines"-ის საკუთრებაში 2007 წელს გამოშვებული ორი ერთეული Boeing B 737-8AL იმყოფება. ავიაკომპანიის ბაზირების ადგილია საქართველო და იგი ქართული საფრენოსნო და ტექნიკური პერსონალით არის დაკომპლექტებული.

ზა­ფხუ­ლი მო­ვი­და და ყვე­ლა მოგ­ზა­უ­რო­ბა­ზე ფიქ­რს იწყებს. გა­სულ წელს ევ­რო­კავ­ში­რის ქვეყ­ნებ­ში უვი­ზო მი­მოს­ვლის და­წე­სე­ბამ გან­სა­კუთ­რე­ბით გა­ა­აქ­ტი­უ­რა მოგ­ზა­უ­რო­ბის მსურ­ვე­ლე­ბი და ევ­რო­პა­ში მოგ­ზა­ურ­თა რა­ო­დე­ნო­ბაც გა­ი­ზარ­და. თუმ­ცა, მოგ­ზა­უ­რო­ბა დას­ვე­ნე­ბა­სა და სა­ინ­ტე­რე­სო თავ­გა­და­სავ­ლებ­თან ერ­თად, არა­ერთ თავ­სა­ტეხ­თან ასო­ცირ­დე­ბა. მათ შო­რის ერთ-ერთი ყვე­ლა­ზე რთუ­ლი გა­და­სა­ტა­ნი კი სა­ა­თობ­რი­ვი სარ­ტყე­ლის ცვლი­ლე­ბა და ძი­ლის დარ­ღვე­ვაა.

ჩვენ გირ­ჩევთ, რო­მე­ლი 5 ნივ­თი უნდა წა­ი­ღოთ მოგ­ზა­უ­რო­ბა­ში, რომ ზე­მოთ აღ­ნიშ­ნულ და სხვა პრობ­ლე­მებს თავი მარ­ტი­ვად და­აღ­წი­ოთ.

· კის­რის ბა­ლი­ში - ეს არის ნივ­თი, რო­მე­ლიც აუ­ცი­ლებ­ლად უნდა წა­ი­ღოთ მოგ­ზა­უ­რო­ბა­ში. ის გა­მო­გად­გე­ბათ არა მხო­ლოდ თვითმფი­ნავ­ში, არა­მედ ტუ­რის დროს ქა­ლა­ქებს შო­რის გა­და­ად­გი­ლე­ბის დრო­საც. ხში­რად ერთი პუქ­ტი­დან მე­ო­რე­ზე გა­დას­ვლა ღა­მის სა­ა­თებ­ში ხდე­ბა ხოლ­მე, რომ დღე დრო არ და­ი­კარ­გოს. სწო­რედ ამი­ტომ მნიშ­ვნე­ლო­ვა­ნია, რომ ავ­ტო­ბუს­ში, მან­ქა­ნა­სა თუ მა­ტა­რე­ბელ­შიც თავი მეტ-ნაკ­ლე­ბად კომ­ფორ­ტუ­ლად იგ­რძნოთ და მე­ო­რე დღეს კის­რის ტკი­ვილ­მა სა­ოც­ნე­ბო ად­გი­ლე­ბის ნახ­ვა­ში ხელი არ შე­გი­შა­ლოთ.

 კარ­გი სა­ძი­ლე სა­შუ­ა­ლე­ბა - სა­ა­თობ­რი­ვი სარ­ტყე­ლის ცვლი­ლე­ბა უამ­რავ ადა­მი­ანს უქ­მნის ძი­ლის პრობ­ლე­მას. მოგ­ზა­უ­რე­ბის დიდ ნა­წილს უჭირს სა­ა­თობ­რივ ცვლი­ლე­ბას­თან შე­გუ­ე­ბა, მათი ორ­გა­ნიზ­მი ვერ აღიქ­ვამს და­ღა­მე­ბას და ვერ იძი­ნებს, რად­გან ამ დროს მის­თვის დღე არის ხოლ­მე. შე­დე­გად კი ახა­ლი სა­ა­თობ­რი­ვი სარ­ტყე­ლის დღის პე­რი­ოდ­ში მათ აქ­ტი­უ­რად ყოფ­ნა უჭირთ და მოგ­ზა­უ­რო­ბის­გან მაქ­სი­მა­ლურ სი­ა­მოვ­ნე­ბას ვერ იღე­ბენ. ამ პრობ­ლე­მის გამ­კლა­ვე­ბა­ში პრე­პა­რა­ტი ”ფი­ტო­რე­მი” და­გეხ­მა­რე­ბათ. მისი შე­მად­გენ­ლო­ბის უნი­კა­ლუ­რი კომ­ბი­ნა­ცია არა მხო­ლოდ ძი­ლის რიტ­მის დარ­ღვე­ვის აღ­დგე­ნა­ში და­გეხ­მა­რე­ბათ, არა­მედ და­ძა­ბუ­ლო­ბა­საც მო­გიხ­სნით. რად­გან სხვა პრე­პა­რა­ტე­ბის­გან გან­სხვა­ვე­ბით, სხვა­დას­ხვა მცე­ნა­რე­უ­ლი და­მამ­შვი­დებ­ლე­ბის გარ­და შე­ი­ცავს მე­ლა­ტო­ნინს. მე­ლა­ტო­ნი­ნი არის ჯან­სა­ღი ძი­ლის, დღის გან­მავ­ლო­ბა­ში ენერ­გი­ის, სიმ­შვი­დის, გუ­ლის, სის­ხლძარ­ღვე­ბის, ნერ­ვე­ბის და იმუ­ნი­ტე­ტის ჯან­მრთე­ლო­ბის ხელ­შემ­წყო­ბი. მას­ში შე­მა­ვა­ლი მცე­ნა­რუ­ლი ნივ­თი­ე­რე­ბე­ბი კი ხელს უწყობს ძილს, მო­დუ­ნე­ბას, დამ­შვი­დე­ბას და სპაზ­მის მოხ­სნას.

· ტკი­ვილ­გა­მა­ყუ­ჩე­ბე­ლი - მოგ­ზა­უ­რო­ბის დროს ტრა­დი­ცი­ულ­თან შე­და­რე­ბით ბევ­რს და­დი­ხართ, უფრო აქ­ტი­უ­რად ხართ და ენერ­გი­ა­საც მეტს ხარ­ჯავთ. ეს ყვე­ლა­ფე­რი კი შე­იძ­ლე­ბა თქვენ­მა ორ­გა­ნიზ­მა ტკი­ვი­ლით გა­მო­ხა­ტოს. ამი­ტომ თა­ვის ან სუ­ლაც ფე­ხე­ბის ტკი­ვილ­მა ლა­მა­ზი დღე­ე­ბი უსი­ა­მოვ­ნოდ რომ არ გიქ­ცი­ოთ, თან იქო­ნი­ეთ ტკი­ვილ­გა­მა­ყუ­ჩე­ბე­ლი, რო­მე­ლიც ნა­ცა­დი გაქვთ და იცით, რომ გიშ­ვე­ლით.

· სა­ხის მოვ­ლის სა­შუ­ა­ლე­ბე­ბი - სა­ხის კანი ზედ­მე­ტად მგრძნო­ბი­ა­რეა და კლი­მა­ტის ცვლი­ლე­ბას ად­ვი­ლად ვერ იტანს. ამი­ტომ კანი რომ არ გა­გი­ღი­ზი­ან­დეთ, გა­გი­წით­ლდეთ ან აგე­ქერცლოთ, თან იქო­ნი­ეთ სა­ხის კრე­მი. გა­ღი­ზი­ა­ნე­ბუ­ლი კანი გა­გი­ფუ­ჭებთ გან­წყო­ბას, შე­იძ­ლე­ბა არა­ს­ა­სი­ა­მოვ­ნოდ გა­მოჩ­ნდეს თქვენ ფო­ტო­ებ­ში და რაც მთა­ვა­რია, მოგ­ზა­უ­რო­ბი­დან დაბ­რუ­ნე­ბულს შე­იძ­ლე­ბა კა­ნის­თვის ჩვე­უ­ლი მდგო­მა­რე­ო­ბის დაბ­რუ­ნე­ბა საკ­მა­ოდ გა­გი­ჭირ­დეთ.

· მო­სა­ხერ­ხე­ბე­ლი და ტე­ვა­დი ზურგჩან­თა - ზურგჩან­თა თქვე­ნი ერ­თგუ­ლი მე­გო­ბა­რი გახ­დე­ბა მოგ­ზა­უ­რო­ბი­სას. მას­ში მო­ა­თავ­სებთ ყვე­ლა სა­ჭი­რო ნივთს, რაც დღის გან­მავ­ლო­ბა­ში შე­იძ­ლე­ბა დაგ­ჭირ­დეთ. დი­ლით სას­ტუმ­რო­დან გა­მო­სუ­ლი, ალ­ბათ, უკან გვი­ან ღა­მით დაბ­რუნ­დე­ბით. შე­სა­ბა­მი­სად, დღის გან­მავ­ლო­ბა­ში არა­ერ­თი ნივ­თი დაგ­ჭირ­დე­ბათ. მას­ში­ვე ჩა­ა­ლა­გებთ იმ დღეს ნა­ყიდ ნივ­თებს. ასე რომ, აუ­ცი­ლებ­ლად იქო­ნი­ეთ თან ზურგჩან­თა, რომ­ლის ტა­რე­ბაც თქვენ­თვის კომ­ფორ­ტუ­ლი იქ­ნე­ბა, არც ზურგს გატ­კენთ და თან მას­ში ბევ­რი ნივ­თის ჩა­დე­ბა­საც შეძ­ლებთ.

წყარო: ALLNEWS