ზა­ფხუ­ლი მო­ვი­და და ყვე­ლა მოგ­ზა­უ­რო­ბა­ზე ფიქ­რს იწყებს. გა­სულ წელს ევ­რო­კავ­ში­რის ქვეყ­ნებ­ში უვი­ზო მი­მოს­ვლის და­წე­სე­ბამ გან­სა­კუთ­რე­ბით გა­ა­აქ­ტი­უ­რა მოგ­ზა­უ­რო­ბის მსურ­ვე­ლე­ბი და ევ­რო­პა­ში მოგ­ზა­ურ­თა რა­ო­დე­ნო­ბაც გა­ი­ზარ­და. თუმ­ცა, მოგ­ზა­უ­რო­ბა დას­ვე­ნე­ბა­სა და სა­ინ­ტე­რე­სო თავ­გა­და­სავ­ლებ­თან ერ­თად, არა­ერთ თავ­სა­ტეხ­თან ასო­ცირ­დე­ბა. მათ შო­რის ერთ-ერთი ყვე­ლა­ზე რთუ­ლი გა­და­სა­ტა­ნი კი სა­ა­თობ­რი­ვი სარ­ტყე­ლის ცვლი­ლე­ბა და ძი­ლის დარ­ღვე­ვაა.

ჩვენ გირ­ჩევთ, რო­მე­ლი 5 ნივ­თი უნდა წა­ი­ღოთ მოგ­ზა­უ­რო­ბა­ში, რომ ზე­მოთ აღ­ნიშ­ნულ და სხვა პრობ­ლე­მებს თავი მარ­ტი­ვად და­აღ­წი­ოთ.

· კის­რის ბა­ლი­ში - ეს არის ნივ­თი, რო­მე­ლიც აუ­ცი­ლებ­ლად უნდა წა­ი­ღოთ მოგ­ზა­უ­რო­ბა­ში. ის გა­მო­გად­გე­ბათ არა მხო­ლოდ თვითმფი­ნავ­ში, არა­მედ ტუ­რის დროს ქა­ლა­ქებს შო­რის გა­და­ად­გი­ლე­ბის დრო­საც. ხში­რად ერთი პუქ­ტი­დან მე­ო­რე­ზე გა­დას­ვლა ღა­მის სა­ა­თებ­ში ხდე­ბა ხოლ­მე, რომ დღე დრო არ და­ი­კარ­გოს. სწო­რედ ამი­ტომ მნიშ­ვნე­ლო­ვა­ნია, რომ ავ­ტო­ბუს­ში, მან­ქა­ნა­სა თუ მა­ტა­რე­ბელ­შიც თავი მეტ-ნაკ­ლე­ბად კომ­ფორ­ტუ­ლად იგ­რძნოთ და მე­ო­რე დღეს კის­რის ტკი­ვილ­მა სა­ოც­ნე­ბო ად­გი­ლე­ბის ნახ­ვა­ში ხელი არ შე­გი­შა­ლოთ.

 კარ­გი სა­ძი­ლე სა­შუ­ა­ლე­ბა - სა­ა­თობ­რი­ვი სარ­ტყე­ლის ცვლი­ლე­ბა უამ­რავ ადა­მი­ანს უქ­მნის ძი­ლის პრობ­ლე­მას. მოგ­ზა­უ­რე­ბის დიდ ნა­წილს უჭირს სა­ა­თობ­რივ ცვლი­ლე­ბას­თან შე­გუ­ე­ბა, მათი ორ­გა­ნიზ­მი ვერ აღიქ­ვამს და­ღა­მე­ბას და ვერ იძი­ნებს, რად­გან ამ დროს მის­თვის დღე არის ხოლ­მე. შე­დე­გად კი ახა­ლი სა­ა­თობ­რი­ვი სარ­ტყე­ლის დღის პე­რი­ოდ­ში მათ აქ­ტი­უ­რად ყოფ­ნა უჭირთ და მოგ­ზა­უ­რო­ბის­გან მაქ­სი­მა­ლურ სი­ა­მოვ­ნე­ბას ვერ იღე­ბენ. ამ პრობ­ლე­მის გამ­კლა­ვე­ბა­ში პრე­პა­რა­ტი ”ფი­ტო­რე­მი” და­გეხ­მა­რე­ბათ. მისი შე­მად­გენ­ლო­ბის უნი­კა­ლუ­რი კომ­ბი­ნა­ცია არა მხო­ლოდ ძი­ლის რიტ­მის დარ­ღვე­ვის აღ­დგე­ნა­ში და­გეხ­მა­რე­ბათ, არა­მედ და­ძა­ბუ­ლო­ბა­საც მო­გიხ­სნით. რად­გან სხვა პრე­პა­რა­ტე­ბის­გან გან­სხვა­ვე­ბით, სხვა­დას­ხვა მცე­ნა­რე­უ­ლი და­მამ­შვი­დებ­ლე­ბის გარ­და შე­ი­ცავს მე­ლა­ტო­ნინს. მე­ლა­ტო­ნი­ნი არის ჯან­სა­ღი ძი­ლის, დღის გან­მავ­ლო­ბა­ში ენერ­გი­ის, სიმ­შვი­დის, გუ­ლის, სის­ხლძარ­ღვე­ბის, ნერ­ვე­ბის და იმუ­ნი­ტე­ტის ჯან­მრთე­ლო­ბის ხელ­შემ­წყო­ბი. მას­ში შე­მა­ვა­ლი მცე­ნა­რუ­ლი ნივ­თი­ე­რე­ბე­ბი კი ხელს უწყობს ძილს, მო­დუ­ნე­ბას, დამ­შვი­დე­ბას და სპაზ­მის მოხ­სნას.

· ტკი­ვილ­გა­მა­ყუ­ჩე­ბე­ლი - მოგ­ზა­უ­რო­ბის დროს ტრა­დი­ცი­ულ­თან შე­და­რე­ბით ბევ­რს და­დი­ხართ, უფრო აქ­ტი­უ­რად ხართ და ენერ­გი­ა­საც მეტს ხარ­ჯავთ. ეს ყვე­ლა­ფე­რი კი შე­იძ­ლე­ბა თქვენ­მა ორ­გა­ნიზ­მა ტკი­ვი­ლით გა­მო­ხა­ტოს. ამი­ტომ თა­ვის ან სუ­ლაც ფე­ხე­ბის ტკი­ვილ­მა ლა­მა­ზი დღე­ე­ბი უსი­ა­მოვ­ნოდ რომ არ გიქ­ცი­ოთ, თან იქო­ნი­ეთ ტკი­ვილ­გა­მა­ყუ­ჩე­ბე­ლი, რო­მე­ლიც ნა­ცა­დი გაქვთ და იცით, რომ გიშ­ვე­ლით.

· სა­ხის მოვ­ლის სა­შუ­ა­ლე­ბე­ბი - სა­ხის კანი ზედ­მე­ტად მგრძნო­ბი­ა­რეა და კლი­მა­ტის ცვლი­ლე­ბას ად­ვი­ლად ვერ იტანს. ამი­ტომ კანი რომ არ გა­გი­ღი­ზი­ან­დეთ, გა­გი­წით­ლდეთ ან აგე­ქერცლოთ, თან იქო­ნი­ეთ სა­ხის კრე­მი. გა­ღი­ზი­ა­ნე­ბუ­ლი კანი გა­გი­ფუ­ჭებთ გან­წყო­ბას, შე­იძ­ლე­ბა არა­ს­ა­სი­ა­მოვ­ნოდ გა­მოჩ­ნდეს თქვენ ფო­ტო­ებ­ში და რაც მთა­ვა­რია, მოგ­ზა­უ­რო­ბი­დან დაბ­რუ­ნე­ბულს შე­იძ­ლე­ბა კა­ნის­თვის ჩვე­უ­ლი მდგო­მა­რე­ო­ბის დაბ­რუ­ნე­ბა საკ­მა­ოდ გა­გი­ჭირ­დეთ.

· მო­სა­ხერ­ხე­ბე­ლი და ტე­ვა­დი ზურგჩან­თა - ზურგჩან­თა თქვე­ნი ერ­თგუ­ლი მე­გო­ბა­რი გახ­დე­ბა მოგ­ზა­უ­რო­ბი­სას. მას­ში მო­ა­თავ­სებთ ყვე­ლა სა­ჭი­რო ნივთს, რაც დღის გან­მავ­ლო­ბა­ში შე­იძ­ლე­ბა დაგ­ჭირ­დეთ. დი­ლით სას­ტუმ­რო­დან გა­მო­სუ­ლი, ალ­ბათ, უკან გვი­ან ღა­მით დაბ­რუნ­დე­ბით. შე­სა­ბა­მი­სად, დღის გან­მავ­ლო­ბა­ში არა­ერ­თი ნივ­თი დაგ­ჭირ­დე­ბათ. მას­ში­ვე ჩა­ა­ლა­გებთ იმ დღეს ნა­ყიდ ნივ­თებს. ასე რომ, აუ­ცი­ლებ­ლად იქო­ნი­ეთ თან ზურგჩან­თა, რომ­ლის ტა­რე­ბაც თქვენ­თვის კომ­ფორ­ტუ­ლი იქ­ნე­ბა, არც ზურგს გატ­კენთ და თან მას­ში ბევ­რი ნივ­თის ჩა­დე­ბა­საც შეძ­ლებთ.

წყარო: ALLNEWS

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანების“ ინფორმაციით, 2018 წლის 5 თვის მონაცემებით, საქართველოს აეროპორტების მიერ, რეგულარული და ჩარტერული რეისების შედეგად, გადაყვანილ იქნა 1, 608, 124 მგზავრი, რაც 32 % აღემატება წინა წლის ანალოგიურ პერიოდს (1,220, 595 მგზავრი).

 ეკონომიკისა და მდგრადი განვითარების სამინისტროს ინფორმაციით, მგზავრთნაკადის ზრდის მაღალი მაჩვენებელი დაფიქსირდა საქართველოს სამივე საერთაშორისო აეროპორტში:

2018 წლის 5 თვის განმავლობაში, თბილისის საერთაშორისო აეროპორტი 1,327,544 მგზავრს მოემსახურა, რაც 32 % მეტია წინა წლის ანალოგიურ პერიოდთან შედარებით (1,005,584 მგზავრი) ქუთაისის საერთაშორისო აეროპორტში 2018 წლის 5 თვეში მგზავრთნაკადი საგრძნობლად გაიზარდა და 20 % შეადგინა. თუ წინა წლის ანალოგიურ პერიოდში დავით აღმაშენებლის სახელობის აეროპორტი 142,499 მგზავრს მოემსახურა, წელს ამ მაჩვენებელმა 171,064 მგზავრი შეადგინა. 

რეკორდული ზრდის ტემპი შენარჩუნებულია კვლავ ბათუმის საერთაშორისო აეროპორტში. 2018 წლის პირველ 5 თვეში ალექსანდრე ქართველის სახელობის საერთაშორისო აეროპორტის მეშვეობით 109, 516 მგზავრმა ისარგებლა. რაც 51 % მეტია შარშანდელ ანალოგიურ პერიოდთან შედარებით (72,512 მგზავრი).
რაც შეეხება ადგილობრივ აეროპორტებს, მესტიისა და ამბროლაურის აეროპორტებით, 2018 წლის 5 თვეში 2,150 მგზავრმა ისარგებლა. 2018 წლის 5 თვის მონაცემებით, ადგილობრივ აეროპორტებში ჯამში 113 რეისი შესრულდა. 
 

Georgian Airways საპროტესტო აქციებს აანონსებს. განცხადებას ავიაკომპანია თავის ოფიციალურ facebook გვერდზე ავრცელებს: 

„მოგეხსენებათ რომ ჩვენ უკვე წელიწადზე მეტია ვცდილობთ თბილისის საერთაშორისო აეროპორტის მმართველ თურქულ კომპანიასთან, "ტავ ურბან ჯორჯიასთან" მოლაპარაკებას ავიაბილეთების ფასების გაიაფებასთან დაკავშირებით, რამაც, შედეგი არ გამოიღო. 

სამწუხაროდ, სხვა გზა არ დაგვრჩა და იძულებულები ვართ გთხოვოთ გვერდში დგომა რომ ვაიძულოთ "ტავ ურბან ჯორჯია" გავიდეს საქართველოდან, წინააღმდეგ შემთხვევაში ისინი გააგრძელებენ ჩვენი აეროპორტების მართვას მინიმუმ 2027 წლამდე. 

აღნიშნულთან დაკავშირებით მიმდინარე კვირის ბოლოს ვგეგმავთ საპროტესტო აქციის გამართვას თბილისის საერთაშორისო აეროპორტის ტერიტორიაზე და მოგიწოდებთ თანადგომისაკენ. 

დეტალურ ინფორმაციას უახლოეს პერიოდში მოგაწვდით“, - ნათქვამია განცხადებაში

ამსტერდამის მთავრობა ქალაქში ტურისტების შემცირებას გეგმავს. ამის გამო კი ვიზიტორებისთვის გარკვეულ რეგულაციებს დააწესებს. 
ამის შესახებ forbes.com წერს.

ქალაქის მთავრობის განცხადებით, ტურისტების ჭარბი რაოდენობა ადგილობრივებს ძალიან აწუხებთ და გადაადგილებაც ჭირს. 

მთავრობას სურს აკრძალოს - ლუდის ველოსიპედები, ალკოტურები, ასევე ქალაქის ცენტრალურ უბნებში აიკრძალება ბინების მოკლევადიანი გაქირავება, მათ შორის airbnb-ზე. ასევე აიკრძალება ცენტრალური პორტში საკრუიზო გემების შესვლა და "სეგვეით" სეირნობა ქალაქში. ნავებით გასეირნების მსურველებს კი ნავში ჩაჯდომა და შემდეგ ნაპირზე დაბრუნება გარეუბანში მოუწევთ.

გარდა ამისა, ტურისტული გადასახადის გაზრდა 7-%-მდე იგეგმება. ეს კი ქალაქის ბიუჯეტს  2022 წლისთვის დამატებით 105 მილიონ ევროს მოუტანს. 

"ბიზნეს ინსაიდერის" ცნობით, ამსტერდამი, სადაც 800 000 ადამიანი ცხოვრობს, 2018 წლისთვის 18 მილიონ ტურისტს ელოდება, რაც 2016 წელთან შედარებით 20 პროცენტით მეტია.

აღსანიშნავია, რომ ამსტერდამი ევროპის პირველი ქალაქი არ არის, სადაც ტურისტებთან დაკავშირებით გარკვეული შეზღუდვებია დაწესებული. მსგავსი რეგულაციებია დაწესებული ვენეციასა და ბარსელონაში. 

ტურისტების რაოდენობა მაისში 16.1%-ით გაიზარდა, - ამის შესახებ ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ დღეს გამართულ პრესკონფერენციაზე განაცხადა.

ჩიგოვაძის თქმით, უცხოელი ტურისტები ყველაზე ხშირად სტუმრობენ თბილისს, მეორე ადგილზეა აჭარა.

ტურიზმის ეროვნული ადმინისტრაციის მონაცემებით, 2018 წლის მაისის თვეში, ყველაზე მეტი საერთაშორისო ვიზიტორი რუსეთიდან შემოვიდა.

"2018 წლის მაისში საქართველოში 633,086 საერთაშორისო მოგზაურების ვიზიტი განხორციელდა, ზრდა წინა წლის ანალოგიურ პერიოდთან შედარებით +7.8%-ია. საერთაშორისო ვიზიტორების მიერ განხორციელებულმა ვიზიტების რაოდენობამ 541,752 შეადგინა, ზრდა +9%-ია. ტურისტული ვიზიტების რაოდენობამ 359,744 შეადგინა, რაც 50,008-ით მეტია 2017 წლის მაისის მაჩვენებელზე (ზრდა +16.1%). ინფორმაციას ეკონომიკისა და მდგრადი განვითარების სამინისტროს ტურიზმის ეროვნულ ადმინისტრაციას შინაგან საქმეთა სამინისტომ მიაწოდა.

ყველაზე მეტი საერთაშორისო ვიზიტორების ვიზიტი რუსეთიდან (+24.5%), აზერბაიჯანიდან (+7.4%),სომხეთიდან (-8.9%) და თურქეთიდან (-2.4%) განხორციელდა.
პოზიტიური ტენდენცია ნარჩუნდება ევროკავშირის ქვეყნებიდან, საიდანაც საქართველოში საერთაშორისო ვიზიტორების ვიზიტების ზრდის კუთხით გამოირჩეოდნენ: გერმანია +78.6%, გაერთიანებული სამეფო +63.6%, საფრანგეთი +59.7%, იტალია +59.5%, ნიდერლანდები +54.8% და სხვა. განსაკუთრებული ზრდა დაფიქსირდა შემდეგი ქვეყნებიდან: კორეის რესპუბლიკა +354.5%, ჩინეთი +88.7%, ირანი +46.1%, ისრაელი +38.9% და ბელარუსი +33.3%", - ნათქვამია ადმინისტრაციის განცხადებაში.

რაც შეეხება იანვარ-მაისის თვეების მონაცემებს, საქართველოში 2,834,576 საერთაშორისო მოგზაური შემოვიდა.

"2018 წლის იანვარი-მაისის თვის მონაცემებით საქართველოში 2,834,576 საერთაშორისო მოგზაურის ვიზიტი განხორციელდა, ზრდა წინა წლის ანალოგიურ პერიოდთან შედარებით +13.6%-ია. საერთაშორისო ვიზიტორების მიერ განხორციელებულმა ვიზიტების რაოდენობამ 2,390,656 შეადგინა, ზრდა+16.9%-ია. ტურისტული ვიზიტების რაოდენობამ 1,533,785 შეადგინა, რაც 291,380-ით მეტია 2017 წლის იანვარი-მაისის მაჩვენებელზე (ზრდა +23.5%)

ყველაზე მეტი საერთაშორისო ვიზიტი აზერბაიჯანიდან (+10.7%), თურქეთიდან (+21.7%), სომხეთიდან (+6.3%) და რუსეთიდან (+28%) განხორციელდა. პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში საერთაშორისო ვიზიტორების ვიზიტების რაოდენობის ზრდის კუთხით გამოირჩეოდნენ: გაერთიანებული სამეფო +59% ლატვია +48.7%, გერმანია +37.3%, საფრანგეთი +34.4% და პოლონეთი +27.9%. განსაკუთრებული ზრდა დაფიქსირდა შემდეგი ქვეყნებიდან: კორეას რესპუბლიკა +154.5%, ჩინეთი +83.4%, ქუვეითი +80.4%, ირანი +60.5%, ისრაელი +44.7% და სხვა", - ნათქვამია ტურიზმის ეროვნული ადმინისტრაციის მონაცემებში.

უკრაინულმა ავიაკომპანია YANAIR-მა ხარკოვი-ბათუმი-ხარკოვის მიმართულებით რეგულარული რეისების განხორციელება დაიწყო. ეკონომიკისა და მდგრადი განვითარების სამინისტროს ინფორმაციით, ავიაკომპანიას რეგულარული ფრენების შესასრულებლად აუცილებელი ნებართვა საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ პირველ ივნისს მიენიჭა.

პირველი რეისი ბათუმის საერთაშორისო აეროპორტში დღეს შესრულდა. ავიარეისები Airbus A321, Boeing B737 და MD83 ტიპის საჰაერო ხომალდებით, მიმდინარე წლის 6 ოქტომბრამდე შემდეგი განრიგით განხორციელდება:

4 ივნისიდან 23 ივნისამდე - კვირაში ერთი სიხშირით (ყოველ ორშაბათს);

23 ივნისიდან 6 ოქტომბრამდე - კვირაში 2 სიხშირით (ყოველ ორშაბათსა და შაბათს)

უკრაინული YANAIR, საქართველოს საავიაციო ბაზარზე 2014 წლიდან ოპერირებს. ახალი მიმართულების გარდა, ავიაკომპანია რეგულარულ რეისებს კიევიდან ბათუმისა და თბილისის მიმართულებით და ოდესიდან - ბათუმისა და თბილისის მიმართულებით ასრულებს. მიმდინარე წლის 8 ივნისიდან, YANAIR აგრეთვე დაიწყებს სეზონურ ფრენებს ლვოვი-ბათუმი-ლვოვის მიმართულებით.
 

აჭარაში ზაფხულის ტურისტული სეზონი ზაფხულის ფესტივალით გაიხსნა. მთელი დღის განმავლობაში საზაფხულო დეკორაციებით მორთულ ზღვის სანაპიროს უამრავი ადამიანი ოჯახებთან და მეგობრებთან ერთად სტუმრობდა. 

როგორც „ინტერპრესნიუსს“ აჭარის ტურიზმისა და კურორტების დეპარტამენტიდან აცნობეს, მათი პოზიტიური განწყობის შექმნაზე დილიდან ისეთი დიჯეები და ბენდები ზრუნავდნენ, როგორებიცაა დიჯეი Chiki, Vako T, ლაშა გურული, Gabunia, ბენდი Groove Phoenix, Bedford Falls და დიჯეი The Drifter გერმანიიდან. 
ფესტივალის განმავლობაში, ხალხმრავლობა და დიდი ჩართულობა იყო სპორტულ-გასართობ და საბავშვო აქტივობებში. მათ შორის იყო 43-ე საჭადრაკო ოლიმპიადისადმი მიძღვნილი კუთხე, სადაც ბავშვებსა და არამარტო მათ ოლიმპიადის თილისმა კუ მასკოტი გიგანტურ ჭადრაკის დაფასთან თამაშსა და სხვადასხვა გასართობ აქტივობებში ჩართულობისკენ მოუწოდებდა. 

„სანაპიროზე მოწყობილი იყო ღია კაფე-ბარები და ბუნგალო, სადაც სტუმრებს საშუალება ჰქონდათ სპეციალურ ფასად შეეძინათ სასმელები, ხილი, ნაყინი და საკვები. ფესტივალის ფორმატი და გარემო ყველა გემოვნებისა და ასაკის ადამიანს აძლევდა საშუალებას დრო სასიამოვნოდ გაეტარებინათ. შთამბეჭდავი იყო საღამოს შოუ, რომელიც გერმანულმა ქალთა დასმა Friedrichstadt Ballett წარმოადგინა. ლათინო-ამერიკული ცეკვების გარდა, გუნდის წევრებმა პოპულარული ჰიტები შეასრულეს, რასაც მსმენელის ოვაციები მოჰყვა. გარდა ამისა, ფესტივალის სტუმრებს საშუალება ჰქონდათ ცეცხლოვან შოუთი და გრანდიოზულ ფოიერვერკით დამტკბარიყვნენ. ფესტივალი ღამის სამ საათამდე გაგრძლდა და ის დიჯეიმ Gabunia დაასრულა. წელს, აჭარა ზაფხულს მრავალფეროვანი ტურისტული პროდუქტებითა და სიახლეებით ხვდება. რეგიონში ზღვაზე დასასვენებლად ჩამოსულ სტუმრებს მთიანი აჭარის საინტერესო ტურისტული მარშრუტები, ახალი განთავსების ადგილები, ტურისტული სერვისები, საერთაშორისო ფესტივალები და კონცერტები ელოდებათ“, - აცხადებენ აჭარის ტურიზმის დეპარტამენტში. 
 

ეკონომიკისა და მდგრადი განვითარების სამინისტროს შპს „საქართველოს აეროპორტების გაერთიანების“ ინფორმაციით, 2018 წლის მაისის თვის მონაცემებით, ქუთაისის დავით აღმაშენებლის სახელობის აეროპორტში, წინა თვეებთან შედარებით მგზავრთნაკადი რეკორდულად გაიზარდა. მაისის თვეში ქუთაისის აეროპორტი 52,631 მგზავრს მოემსახურა, რაც გასული წლის ანალოგიურ პერიოდთან შედარებით 37 %-ით მეტია (38, 417 მგზავრი). აღნიშნულ ინფორმაციას ეკონომიკის სამინისტრო ავრცელებს. 

„რაც შეეხება ზრდას რეისების რაოდენობის მიხედვით, აქაც გასულ თვეებთან შედარებით რეკორდული ზრდა ფიქსირდება. 2018 წლის მაისში ქუთაისის საერთაშორისო აეროპორტში 187 რეისი შესრულდა, რაც წინა წლის ანალოგიურ პერიოდზე 26 %-ით მეტია (149 რეისი). 

2018 წლის ხუთი თვის მონაცემებით, ჯამში ქუთაისის საერთაშორისო აეროპორტი 171 064 მგზავრს მოემსახურა, რაც წინა წლის ანალოგიურ პერიოდთან შედარებით 20 %-ით მეტია“, - ნათქვამია სამინისტროს მიერ გავრცელებულ ინფორმაციაში. 

„საქართველოს აეროპორტების გაერთიანების“ დირექტორის ქეთევან ალექსიძის განცხადებით, ავიაკომპანია „ვიზეარის“ ახალი, ბაზირებული რეისების დამატების შემდეგ მგზავრთნაკადი მნიშვნელოვნად გაიზარდა.

„მაისის თვეში ჩვენ ქუთაისის საერთაშორისო აეროპორტში, გასულ თვეებთან შედარებით შეიძლება ითქვას, მართლაც მგზავრების რეკორდულ რაოდენობას მოვემსახურეთ. 37 %- იან ზრდას, რა თქმა უნდა, 5 ახალ ბაზირებულ რეისს ვუკავშირებთ, რომლებსაც უნგრული დაბალბიუჯეტიანი ავიაკომპანია „ვიზეარი“ 17 მაისიდან რომის, პარიზის, ბარსელონას, პრაღისა და ათენის მიმართულებით, მეორე ბაზირებული საჰაერო ხომალდით ასრულებს. მოლოდინი პოზიტიური გვაქვს. ივნისის თვეში მგზავრთნაკადის საგრძნობლად გაზრდას ველოდებით“, - განაცხადა ქეთევან ალექსიძემ.

მიმდინარე წლის 1 ივნისიდან, პოლონური ავიაკომპანია „Small Planet Airlines“ საქართველოს მიმართულებით მრავალჯერად ჩარტერულ საჰაერო მიმოსვლას განაახლებს. ავიარეისები ვარშავა-ბათუმი-ვარშავას საჰაერო ხაზზე მიმდინარე წლის 28 სექტემბრამდე, კვირაში 1 სიხშირით, ყოველ პარასკევს, Airbus A321 ტიპის საჰაერო ხომალდით შესრულდება. 

საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ ავიაკომპანიას მრავალჯერადი ჩარტერული რეისების განხორციელების ნებართვა 30 მაისს მიენიჭა. 

„Small Planet Airlines“-მა საქართველოს საავიაციო ბაზარზე ოპერირება 2017 წელს დაიწყო. ავიაკომპანია გასული წლის ზაფხულის სანავიგაციო სეზონზე ვარშავასა და ბათუმს შორის ჩარტერულ მიმოსვლას ახორციელებდა.

პროექტი „50 ქონება შენი სასტუმროსთვის“ ფარგლებში თბილისის საერთაშორისო აეროპორტში 120 ნომრიანი სასტუმრო აშენდება. ქონების მართვის ეროვნული სააგენტოს ინფორმაციით, უძრავი ქონება ელექტრონულ აუქციონზე შპს „ფუჯინ სილქ ფროფერთიმ“ 1 851 000 ლარად იყიდა. შეგახსენებთ, რომ პროექტის ფარგლებში ეს უკვე რიგით მეცხრამეტე გაყიდული ობიექტია, სადაც მალე სასტუმრო-ინფრასტრუქტურა მოეწყობა და ახალი სამუშაო ადგილები შეიქმნება. 

პროექტის მიზანია ხელი შეუწყოს საქართველოში ტურიზმის განვითარებას და ინვესტორებს მისცეს შესაძლებლობა ტურისტულად აქტიურ ზონებში, უკვე არსებული ინფრასტრუქტურის გამოყენებით მოაწყონ თანამედროვე სტანდარტების შესაბამისი სასტუმრო-კომპლექსები. 

პროექტის ფარგლებში უკვე გაყიდულია 53 მილიონ ლარზე მეტი ღირებულების უძრავი ქონება, ხოლო სასტუმროების ასაშენებლად განსახორციელებელი ინვესტიციის მოცულობა 107 მილიონზე მეტს შეადგენს

2018 წლის პირველ კვარტალში საქართველოში სამედიცინო და გამაჯანსაღებელი პროცედურების მიღების მიზნით სულ 13 900 უცხოელი ჩამოვიდა, რაც 61,2%-ით მეტია წინა წლის ანალოგიურ პერიოდთან შედარებით. 
2017 წლის პირველ კვარტალში სამედიცინო მომსახურებისთვის 8 600 უცხოელი ეწვია საქართველოს. 

სამედიცინო მიზნით ჩამოსული ტურისტების რაოდენობის ზრდაზე საუბრობს ტურიზმის ადმინისტრაციის ყოფილი შეფი, ილიას სახელმწიფო უნივერსიტეტის ბიზნეს სკოლის ტურიზმის ცენტრის ხელმძღვანელი მაია სიდამონიძე. მისი თქმით, ტურისტებში ყველაზე მოთხოვნადია სტომატოლოგია, კოსმეტოლოგია და პლასტიკური ქირურგია. 

„სამედიცინო ტურიზმის მიმართულებით ნამდვილად წინსვლაა. ამ კუთხით, ძირითადად სტომატოლოგიური, კოსმეტოლოგიური და პლასტიკური მიმართულებაა განვითარებული. შესაბამისად, ტურისტები სწორედ აღნიშნული მოსამსახურების მისაღებად ჩამოდიან ხოლმე. ამის მიზეზია ის, რომ ერთის მხრივ, რეგიონში ბევრად უფრო შეღავათიანი ფასები გვაქვს და მეორეს მხრივ, ფასთან მიმართებით, ხარისხიც მაღალია. 

თუმცა, გარდა ამ სამედიცინო მომსახურებისა, ტურისტები გამაჯანსარებელი კურორტების გამოც ჩამოდიან, რომელიც ჩვენთან საკმაოდ ბევრია. იგივე, ბორჯომი, წყალტუბო და ა.შ.“,-აცხადებს „ბიზნესპრესნიუსთან“ საუბრისას მაია სიდამონიძე.

მისი თქმით, სამედიცინო მომსახურების მისაღებად ტურისტების ჩამოდინება, წლიდან წლამდე იზრდება. ამასთან, ვიზიტორების ძირითადი ნაწილი მეზობელი ქვეყნებიდანაა.
რაც შეეხება საქართველოში ზოგადად სამედიცინო ტურიზმის განვითარების პერსპექტივებს, მაია სიდამონიძე ამბობს, რომ ქვეყანას ამის რესურსი აქვს. თუმცა, მიმართულება განვითარებას მოითხოვს.

„არიან ქვეყნები, რომელიც სამედიცინო ტურიზმიდან ძალიან დიდ შემოსავლებს იღებენ. ეს არის თურქეთი, ისრაელი და ა.შ. საქართველო მათ დონეზე რომ იყოს, ამისთვის პირველ რიგში სამედიცინო სფერო უნდა განვითარდეს. ვგულისხმობ, არა მხოლოდ საერთაშორისო, არამედ ადგილობრივ მომხმარებელში ნდობის გაზრდას. ჯერჯერობით, ტურისტებისთვის მოთხოვნადი ეს ორი-სამი მიმართულებაა. მთლიანად სამედიცინო მომსახურების პოპულარიზაციისთვის, თვითონ ქვეყნის შიგნით უნდა იყოს უმაღლეს დონეზე განვითრებული, როგორც ინფრასტრუქტურულად, ისე ხარისხობრივად და კადრების კუთხით“,-აღნიშნავს მაია სიდამონიძე.

საერთაშორისო სტომატოლოგიური ცენტრის „ISO დენტის“ დირექტორი ნუცა ზურაბიანი აცხადებს, რომ მათ კლინიკაში ბოლო 5 წელიწადში უცხოელი პაციენტების რაოდენობა 100%-ით გაზრდილია.

„ბოლო 5 წელია, რაც საქართველოში სამედიცინო მიზნით ჩამოსული ტურისტების რაოდენობა იზრდება. ამ შემთხვევაში, მე წარმოვადგენ სტომატოლოგიას და გეტყვით რომ, ჩვენთან ტურისტების ვიზიტი მთელი 100%-ითაა გაზრდილი. დღეს ადამიანები საქართველოში ჩამოდიან არა მხოლოდ დასათვალირებლად, არამედ პირის ღრუს მოსაწესრიგებლად და სხვადასხვა სამედიცინო მომსახურების მისაღებად“,-აცხადებს ნუცა ზურაბიანი. 
მისი თქმით, ვიზიტორების ძირითადი ნაწილი აღმოსავლეთის ქვეყნებიდან, ასევე აშშ-დან და ინგლისიდან არიან.

„ძირითადად ჩამოდიან საუდის არაბეთიდან, ქუვეითიდან, ერაყიდან. ძალიან ბევრი ჩამოდის ამერიკიდან, მაგრამ მათი უმეტესობა არის არაამერიკელი, ემიგრანტი. ასევე ჩამოდიან ინგლისი. თუმცა, ადგილობრივი ინგლისელები დაახლოებით, 5% მოდის, დანარჩენი კი იქ მცხოვრები რუსები, სომხები და აზერბაიჯანელები არიან“,-აღნიშნავს ნუცა ზურაბიანი.
როგორც ის „ბიზნესპრესნიუსთან“ საუბრისას აცხადებს, ტურისტები ძირითადად სარგებლობენ, სრული სტომატოლოგიური მომსხურებით, ყბა-სახის ასევე, პირის ღრუს ქირურგიით და ორთოპედიით. 

„იკეთებენ ასევე იმპლანტაციას. ორთოდენტია ნაკლებად, რადგან პროცედურები 2-3 წელი გრძელდება და კლინიკაში თვეში ერთხელ მისვლას მოითხოვს, ამიტომ, ამაზე მოთხოვნა არ არის.“-აცხადებს ნუცა ზურაბიანი.

სტომატოლოგიური კლინიკაში „TL დენტი“ ასევე აცხადებენ, რომ თუკი 1-2 წლის წინ, მათ ტურისტები თითქმის არ სტუმრობდნენ, ბოლო პერიოდია, მათ აქტივობა ნამდვილად შეიმჩნევა.

„თუ გავითვალისწინებთ იმას, რომ 1-2 წლის წინ ტურისტების მხრიდან სტომატოლოგიურ მომსახურებაზე ჩვენთან მოთხოვნა არ იყო, ბოლო პერიოდია აქაც გამოჩდნენ. ჩვენთან ვიზიტორების ძირითადადი ნაწილი არაბები და რუსები არიან“,- აცხადებენ „TL დენტში“.

„ლიცენზიებისა და ნებართვების შესახებ“ საქართველოს კანონში ცვლილებების შეტანა იგეგმება. შესაბამისი კანონპროექტი უკვე მომზადებულია. 
როგორც განმარტებით ბარათშია აღნიშნული, კანონპროექტის ძირითადი მიზანია ავიაკომპანიების ხელშეწყობა საქართველოს ტერიტორიაზე საავიაციო სამუშაოების ჩატარებისა და საქართველოს მიმართულებით არარეგულარული საერთაშორისო საჰაერო მიმოსვლის დროს, რაც დაკავშირებულია შესაბამისი ნებართვის მაძიებელი იურიდიული პირის სამეწარმეო რეესტრიდან ამონაწერის წარდგენის ვალდებულებისგან გათავისუფლებასთან. 

„ლიცენზიებისა და ნებართვების შესახებ“ საქართველოს კანონის მოქმედი რედაქცია, კერძოდ 25-ე მუხლის მე-3 პუნქტი ადგენს ნებართვის მისაღებად განმცხადებლის მიერ წარმოსადგენ დოკუმენტაციას, კერძოდ, აღნიშნული ნორმის საფუძვლეზე, იურიდიული პირის მიერ წარმოდგენილ განცხადებას უნდა ერთოდეს კერძო სამართლის იურიდიული პირისა და ინდივიდუალური მეწარმისათვის სახელმწიფო რეესტრიდან ამონაწერები.

კანონის აღნიშნული მოთხოვნა წარმოადგენს დამატებით ბარიერს იმ ავიაგადამზიდველისათვის, რომლებიც შესაბამისი ნებართვების – არარეგულარული საერთაშორისო საჰაერო გადაყვანა-გადაზიდვის და/ან საავიაციო სამუშაოების ნებართვის მისაღებად მიმართავენ ნებართვის გამცემ უწყებას – სსიპ – სამოქალაქო ავიაციის სააგენტოს. კერძოდ, ავიაკომპანიების ბარიერი და სირთულე მდგომარეობს იმაში, რომ აღნიშნული დოკუმენტის მიღებას, მით უფრო არარეზიდენტი იურიდიული პირის მიერ, ესაჭიროება დროის ხანგრძლივი პერიოდი. შესაბამისად, მიზანშეწონილია ცვლილება იქნეს შეტანილი კანონის 25-ე მუხლის მე-3 პუნქტში და საჰაერო გადაყვანა-გადაზიდვის და საავიაციო სამუშაოების ნებართვებთან დაკავშირებით დადგინდეს გამონაკლისი, რომლის საფუძველზეც კანონის მოთხოვნა არ გავრცელდება იმ იურიდიულ პირებზე, რომლებიც მიმართავენ სსიპ „სამოქალაქო ავიაციის სააგენტოს“ არარეგულარული საერთაშორისო საჰაერო გადაყვანა-გადაზიდვის და საავიაციო სამუშაოების ნებართვის მიღების მიზნით,“-აღნიშნულია პროექტში. 

 

25 მაისიდან ევროკავშირის მთელს ტერიტორიაზე შევიდა ძალაში კანონი General Data Protection Regulation (GDPR), რომელიც პერსონალური მონაცემების შესახებ აქამდე არსებულ ბევრ მუხლს და ბრძანებას შეცვლის.

კანონი შეეხება როგორც ევროკავშირის მოქალაქეებს, ასევე - ამ ქვეყნების სტუმრებს. ერთ-ერთი თავის მიხედვით კი იკრძალება ფოტოს გასაჯაროება, სადაც მესამე პირი ჩანს.

იმ შემთხვევაში, თუ კამერის ობიექტივში მაინც მოხვდა სხვა ადამიანი, აუცილებელია, მისგან ავიღოთ წერილობითი ნებართვა, სურათის სოციალურ ქსელში განთავსების შესახებ. თუ ეს შეუძლებელია, ფოტოგრაფს ორი გამოსავალი რჩება - არ გააზიაროს ფოტო, ან - დაფაროს მასზე სხვა ადამიანის სახეები.

ამასთან, კანონით იკრძალება სიუჟეტური ფოტოგრაფია. ვეღარ გადაიღებთ სურათებს, სადაც ჩანს ევროპის ცხოვრება, რთული იქნება ღირსშესანიშნაობების გადაღებაც.

იმ შემთხვევაში, თუ ფოტოს მაინც განათავსებთ სოციალურ ქსელში ჯერ კიდევ ევროზონაში ყოფნისას, შესაძლოა, საზღვრის გადაკვეთის დროს უსიამოვნება შეგემთხვათ. ასეთ დროს, უმჯობესია, ფოტოებზე წვდომა შეზღუდოთ, ან - დახუროთ თქვენი ანგარიშები სოცქსელებში.

შეზღუდვა ვრცელდება ავტომანქანის ვიდეორეგისტრატორით გადაღებულ კადრებზეც, ვერც ამ ვიდეოჩანაწერის გასაჯაროებას შეძლებთ.

კანონის დარღვევას საკმაოდ მკაცრი სასჯელი მოსდევს - სულ მცირე დიდი ფულადი ჯარიმა, ანდა - პატიმრობა.

წყარო: ambebi.ge

მიმდინარე წლის ზაფხულის სეზონზე, საქართველოში მოსახლეობის უმრავლესობა ტურს საბერძნეთის, პორტუგალიისა და საფრანგეთის მიმართულებით გეგმავს. 

როგორც ტურისტული კომპანიები აცხადებენ, ფასები ევროპის მიმართულებით წელს არ გაზრდილა და იმავე მაჩვენებელზეა შენარჩუნებული, ანუ დღეებისა და სასტუმროს ვარსკვლავების რაოდენობის მიხედვით, დაახლოებით ათას ლამარმდე მერყეობს. 

თუმცა, სწორედ ფასების მნიშვნელოვანი ზრდის გამო, მოთხოვნა შემცირდა თურქეთისა და ეგვიპტის მიმართულებაზე. სხვაობა დაახლოებით 200–300 დოლარამდეა, თუმცა გარდა საფასო სეგმენტისა, მომხმარებელთა სიმცირე ვიზალიბერალიზაციის სიკეთეებმაც განაპირობა, რის გამოც, ნაკადი უფრო ევროპის მიმართულებას ირჩევს.