მშენებლობის დასრულების შემდეგ ქუთაისის აეროპორტის განახლებული ტერმინალი პიკურ საათში ერთდროულად 6 თვითმფრინავს მოემსახურება,-ამის შესახებ "საქართველოს აეროპორტების გაერთიანების დირექტორმა“, ქეთი ალექსიძემ  განაცხადა. 

„ეს იქნება ერთი სახურავის ქვეშ მოქცეული ტერმინალი, რომელიც უფრო კომფორტულს გახდის მგზავრობას. ამ ეტაპზე ვასრულებთ ნული სართულის მშენებლობას და 2019 წლიდან დავიწყებთ ტერმინალების შეერთების ფაზას. მომავალი წლის ზაფხულის სეზონიდან ჩვენ უკვე შევძლებთ განახლებული ტერმინალით მოვემსახუროთ მგზავრებს“, - განაცხადა ქეთი ალექსიძემ. 

ქუთაისის აეროპორტების ახალი ტერმინალი არსებულზე სამჯერ უფრო დიდი იქნება. მის მშენებლობაში 50 მილიონზე მეტი დაიხარჯება.

საქართველოს შინაგან საქმეთა მინისტრ გიორგი გახარიას განცხადებით, 21 მაისიდან თბილისის ტურისტულ ზონებში საპატრული პოლიციის 20 ეკიპაჟი დაიწყებს პატრულირებას. 

ამის შესახებ გახარიამ პარლამენტში სიტყვით გამოსვლისას განაცხადა და ქვეითი პატრულის კორპუსის შემოღება დაანონსა. 

„მოგეხსენებათ, რომ საქართველოში ტურისტების რაოდენობა ყოველდღიურად იზრდება. ეს ერთის მხრივ, ეკონომიკისთვის დიდი სარგებელია, თუმცა სამართალდამცავი სისტემისთვის ეს გახლავთ სერიოზული გამოწვევა, რამეთუ ტურისტების ამხელა ტრაფიკს მოჰყვება თავისი რისკები. დღეის მდგომარეობით, ჩვენ განსაზღვრული გვაქვს კონკრეტული ლოკაციები და მარშრუტები - ორშაბათიდან (21 მაისიდან) საპატრულო პლიციიის ქვეითი ქვედანაყოფის 20 ეკიპაჟი დაიწყებს პატრულირებას ტურისტულ ზონებში და ყოვეთვიურად მათ 20 ეკიპაჟი მიემატება. ჩვენ ვგეგმავთ, რომ ასეთი ქვეითი პატრულის ქვედანაყოფის იყოს 60 ეკიპაჟისგან შემდგარი, რომელმაც სრულად უნდა გააკონტროლოს თბილისში ტურისტული ლოკაციები“, - განაცხადა გახარიამ და დასძინა, რომ მიზანი მართწესრიგის დაცვაა. 

„ეს შეგიძლიათ ჩათვალოთ როგორც რაღაც მსგავსი ე.წ. ტურისტული პატრულის, რომელიც იქნება ეფექტური და მიეხმარება როგორც მართლწესრიგის დაცვას, ასევე მომსახურებას გაუწევს ტურისტებს, რომლებიც ჩვენს ქვეყანას სტუმრობენ“, - აღნიშნა შს მინისტრმა. 

წყარო: bm.ge

საქსტატის მიერ გამოქვეყნებული უცხოელი ვიზიტორების გამოკვლევის შედეგების მიხედვით, 2017 წელს ყველაზე მეტი ვიზიტი, 37.7 პროცენტი დასვენების, გართობისა და რეკრეაციის მიზნით განხორციელდა. მეორე ადგილს კი 22.2%-ით მეგობრების და ნათესავების მონახულება იკავებს. ტრანზიტული მიზნით საქართველოში საერთო რაოდენობის 18.1% შემოვიდა, შოპინგი - 9.5%, პროფესიული/ეკონომიკური საქმიანობა - 8.2%, მკურნალობა - 2.7%, სხვა - 1.4%. 

ვიზიტების 33% განხორციელდა თბილისში, მეორე ადგილზეა 20%-ით აჭარა, 13%-ს კი ქვემო ქართლი იკავებს. მცხეთა-მთიანეთი - 12%; სამცხე-ჯავახეთი - 8%; კახეთი - 5% ; იმერეთი - 4%; საქართველოს სხვა რეგიონები -5%. 

2017 წელს განხორციელებული ვიზიტებისას გათეული ღამეების საშუალო რაოდენობამ 4.3 ღამე შეადგინა, რაც 2016 წელს დაფიქსირებულ მაჩვენებელს (3.8 ღამე) 13 %-ით აღემატება. აღსანიშნავია, რომ განხორციელებული ვიზიტების 75% წარმოადგენდა განმეორებითი ხასიათის ვიზიტს. 

საქართველოში შემოსული უცხოელი ვიზიტორების გამოკვლევის შედეგები ტურიზმის მსოფლიო ორგანიზაციის მეთოდოლოგიის შესაბამისად პირველად ჩატარდა და ის 2014 წლის მესამე კვარტლიდან 2017 წლის ჩათვლით პერიოდს მოიცავს.

2017 წელს განხორციელებული ვიზიტებისას გაწეული წლიური ხარჯები 5.8 მილიარდ ლარს გაუტოლდა, რაც წინა წლის ანალოგიურ მაჩვენებელს 31.6 პროცენტით აღემატება. წინა წელთან შედარებით, 9.4%-ით გაზრდილია ვიზიტზე საშუალო ხარჯი და ის 888.7 ლარს შეადგენს. 

ყველაზე მეტ ფულს ვიზიტორები საკვებსა და სასმელში ხარჯავენ, შემოსავლების 25.6% სწორედ ამ კატეგორიაზე მოდის. მეორე ადგილს 23%-ით განთავსება იკავებს, 18.5%-ით კი მესამე ადგილზე გართობაა. 

საყიდლებზე გაწეული ხარჯი - 13%-ია; ადგილობრივ ტრანსპორტზე -8.4% , ხანგრძლივ მოხმარების საგნებზე - 6.6%, ძვირფას ნივთებზე 0.7%; ყველა სხვა ხარჯი კი- 3.4%-ია..

წყარო:www.allnews.ge

მიმდინარე წლის აპრილში, მარტთან შედარებით საქართველოში 3, 4 და 5 ვარსკვლავიანი სასტუმროების ფასები 3,4%-ითაა გაზრდილი. 

3-ვარსკვლავიანი სასტუმროების საშუალო ფასმა 136 ლარი შეადგინა. ამ ტიპის სასტუმროებს შორის ყველაზე მაღალი ფასები (საშუალო ფასზე 20%-ით მაღალი), მცხეთა მთიანეთის რეგიონში დაფიქსირდა. 

4-ვარსკვლავიანი სასტუმროების საშუალო ფასმა აპრილში 234 ლარი შეადგინა. ყველაზე მაღალი საშუალო ფასი ამ ტიპის სასტუმროებში თბილისში დაფიქსირდა, რაც შეეხება 5-ვარსკვლავიან სასტუმროებს, აქ საშუალო ფასმა აპრილში 394 ლარი შეადგინა. თბილისში, ამ ტიპის სასტუმროებში, სტანდარტული 2-ადგილიანი ნომრის საშუალო ფასმა 615 ლარი შეადგინა, კახეთში - 357 ლარი, სამცხე-ჯავახეთში - 304 ლარი, ხოლო აჭარაში - 291 ლარი. 

მარტის მსგავსად, 3,4,და 5 ვარსკვლავიან სასტუმროებში ფასები ყველაზე მეტად გაიზარდა თბილისში და აჭარაში.

ქუთაისის დავით აღმაშენებლის საერთაშორისო აეროპორტში 17 მაისიდან ოპერირებას Wizz air-ის მეორე ბაზირებული, A 320 ტიპის თანამედროვე საჰაერო ხომალდი დაიწყებს და რეგულარულ ფრენებს ესპანეთის, საფრანგეთის, ჩეხეთის, იტალიის და საბერძნეთის მიმართულებით შეასრულებს.

ეკონომიკისა და მდგრადი განვითარების სამინისტროს ინფორმაციით, Wizz air ასევე, ქუთაისიდან ბერლინისა და დორტმუნდის მიმართულებით სიხშირეებს ზრდის. 

„უნგრული დაბალბიუჯეტიანი ავიაკომპანია Wizz Air-მა ქუთაისის საეთაშორისო აეროპორტიდან ოპერირება 2012 წელს დაიწყო. 6 წლიანი წარმატებული მოღვაწეობის მანძილზე ავიაკომპანიამ საქართველოში 202 მილიონი აშშ დოლარის ინვესტირება განახორციელა და 250 ზე მეტი არაპირდაპირი სამუშაო ადგილი შექმნა.

2018 წლის მარტიდან, Wizz air-მა, ქუთაისის მიმართულებით პირდაპირი ავიარეისების შესრულება რიგისა და ვროცლავის მიმართულებით დაიწყო. ზაფხულიდან კი პირდაპირი ავიამიმოსვლა საქართველოსა და რუმინეთს შორის დაიწყება. უნგრული დაბალბიუჯეტიანი ავიაკომპანია Wizz air-ი 3 ივლისიდან ფრენებს ბუქარესტი-ქუთაისის მიმართულებით შეასრულებს, ხოლო 15 ნოემბრიდან პირდაპირი რეისები ავსტრიის მიმართულებით - ვენა-ქუთაისი შესრულდება. ახალი ბაზირებული რეისების ჩათვლით, ცენტრალური და აღმოსავლეთ ევროპის წამყვანი დაბალბიუჯეტიანი ავიაკომპანია რეისებს ქუთაისის საერთაშორისო აეროპორტიდან ჯამში ევროპის 14 ქვეყნის 21 მიმართულებით შეასრულებს“, - აღნიშნულია ინფორმაციაში.

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანების“ ინფორმაციით, საქართველო უცხოელი ვიზიტორებისთვის სულ უფრო საინტერესო და მიმზიდველი მიმართულება ხდება. 2016 წლის სექტემბერში ქუთაისის საერთაშორისო აეროპორტში, რეგიონში ავიაკომპანია ვიზეარის პირველი ბაზა გაიხსნა, რის შედეგადაც 7 ახალი ევროპული მიმართულება დაემატა. 2017 წელს ქუთაისის საერთაშორისო აეროპორტში ვიზეარის მგზავრთნაკადმა– 223,656 შეადგინა, ხოლო 2018 წლის ოთხი თვის მონაცემებით ქუთაისის აეროპორტში ავიკომპანია Wizz air-ის რეისებით - 111,810 მგზავრმა ისარგებლა. 

2018 წლის პირველი ოთხი თვის მონაცემებით, ქუთაისის აეროპორტში ჯამური მგზავრთნაკადი, წინა წლის ანალოგიურ პერიოდთან შედარებით, 14 % გაიზარდა. მგზავრთნაკადის ზრდის პარალელურად, დღის წესრიგში აეროპორტის გაფართოების საკითხი დადგა. 

,,საქართველოს აეროპორტების გაერთიანების“ დირექტორის ქეთევან ალექსიძის განცხადებით, ახალი ტერმინალის მშენებლობის დასრულების შემდეგ ქუთაისის საერთაშორისო აეროპორტი საათში სამჯერ მეტი, 1000-1100 მგზავრის მომსახურებას შეძლებს.

არსებობს უამრავი მიზეზი, რის გამოც მოგზაურობა სასარგებლო და საინტერესოა. მოგზაუობა არის ერთ-ერთი საუკეთესო რამ რამაც შეიძლება სიამოვნება მოგანიჭოს და ეს არის ის, რაც მთელი ცხოვრების განმავლობაში გემახსოვრება. მართალია ხშირ შემთხვევაში, სულაც არაა ადვილი, ჩაალაგო ნივთები და წახვიდე, მაგრამ ზოგჯერ ეს აუცილებელიცაა. ჩვენ გეტყვით, თუ რატომაა მოგზაურობა საინტერესო და საჭირო, თითოეული ადამიანის ცხოვრებაში

აცოცხლებს

რამდენად მნიშვნელოვანია ძირეული მოგზაურობა? შენი მოგზაურობის მიზანი არავითარ შემთხვევაში არ უნდა იყოს, იმ ადგილას წასვლა სადაც უკვე იმყოფებოდი, უნდა გაეცალო ცოტა ხნით ადგილს, სადაც ცხოვრობ ყოველდღიური ცხოვრებით. უნდა წახვიდე ისეთ ადგილას, სადაც იქნება უამრავი გასართობი და დასასვენებელი დრო, ეცადე გაექცე ყოველდღიურ ცხოვრებას, ზოგჯერ ეს ძალიან ამართლებს.

მარტივია

დიახ, ეს არის მარტივი გასეირნება, ამის შემდგომ მოგზაურობა, უფრო ადვილი ხდება. რა თქმა უნდა შენ ყოველთვის წინასწარ უნდა დაგეგმო შვებულება, რომ თავიდან აიცილო მოულოდნელი გართულებები.

სწავლობახალს

შენ შეძლებ ისწავლო სხვა ქვეყნის ცხოვრების წესები, გაიცნო იქაური ხალხი, ისწავლო ახალი კერძები. ეს მოგზაურობის კიდევ ერთი სასიამოვნო პროცესია.

შეგიძლია, აკონტროლოსიტუაცია

სანამ შენ მოგზაურობ გიდისა და სპეციალური ჯგუფების გარეშე, შენ ახერხებ ბოლომდე აკონტროლო შენი დრო, თუ როგორ და სად გაერთობი. ეს ძალიან საინტერესოა, შეგიძლია გააკეთო ის რაც გინდა, ეს შესანიშნავი საფუძველია, რომ გაიხსნა და აღმოაჩინო ახალი ინტერესები.

ეცნობიახალხალხს

მოგზაურობა შესანიშნავია, ახალი ადამიანების გასაცნობად, თუ შენ ხარ უბრალოდ ტურისტთა ჯგუფში, ეს სულაც არ შეგიშლის ხელს, გააფართოვო შენი სანაცნობო წრე, პირიქით მარტო მყოფი ადამიანებისთვის, შესანიშნავი დროა გაიცნონ პარტნიორი, ან უბრალოდ კარგი მეგობარი.

იძენახალუნარებს

შენ შეგიძლია შეიძინო ცოდნა, ეს შეიძლება იყოს, ახალი ენის ათვისება, ან სრულიად შესაძლებელია, ისწალო დროის გადანაწილება. ეს მოგზაურობის კიდევ ერთი პლიუსია.

ესარისის, რასაცსიხარულითელოდები

ზოგჯერ ძალიან კარგია, კალენდარში შემოხაზულ თარიღს, სიხარულით ელოდებოდე და ზუსტად იცოდე რომ მოხაზულ დღეს თვითმფრინავში იჯდები და სამოგზაუროდ გაფრინდები. მოგზაურობის მოლოდინი ძალიან სასიამოვნო პროცესია.

რაცსულგემახსოვრება

ფოტოები, ჩანაწერები, სამახსოვრო ნივთები, მოგონებები ამ ყველაფრის დახმარებით, შენ სულ შეგეძლება მოგზაურობის გახსენება, თუნდაც ეს დიდი ხნის წინ ყოფილიყო. შენ გექნება შესაძლებლობა, ყველა მომენტი აღიდგინო მეხსიერებაში.

შეიგრძნობრაღაცახალს

მოგზაურობა - ეს არის დიდი გზა, ექსპერიმენტი. შენ შეგიძლია, სცადო და დაკავდე იმ სპორტით რომელიც ადრე არასოდეს გიცდია, შეგიძლია იცურაო სანაპიროზე, ან უბრალოდ დაისვენო პლიაჟზე, გექნება შესაძლებლობა შეიგრძნო რაღაც ახალი.

შეუძლია, გაგხადოსუკეთესი

ეწვიო ახალ ადგილებს, ეს არის დიდი გზა გაიფართოვო შენი თვალსაწიერი, გახდე უფრო თავისუფალი და დასვენებული.

რაც უფრო მშვიდი და ნოყიერი იქნება შენი მოგზაუობა, მით უფრო ხშირად მოგინდება მისი გამეორება.

არსებობს უამრავი მიზეზი, რის გამოც მოგზაურობა სასარგებლო და საინტერესოა. მოგზაუობა არის ერთ-ერთი საუკეთესო რამ, რამაც შეიძლება, სიამოვნება მოგანიჭოს და ეს არის ის, რაც მთელი ცხოვრების განმავლობაში გემახსოვრება. მართალია ხშირ შემთხვევაში, სულაც არაა ადვილი, ჩაალაგო ნივთები და წახვიდე, მაგრამ ზოგჯერ ეს აუცილებელიცაა.  ამიტომ, ბევრს ნუ იფიქრეთ, უბრალოდ ადექით, ჩაალაგეთ მოგზაურობისთვის საჭირო ნივთები და დატკბით იმ ამოუწურავი სანახაობებით, რომლებსაც დედამიწა გვთავაზობს!

გთავაზობთ 40 ქალაქის ჩამონათვალს, სადაც ცხოვრების მანძილზე აუცილებლად უნდა მოხვდეთ:

1. ტოკიო - იაპონია

2. კიოტო - იაპონია

3. ფლორენცია - იტალია

4. ლოკარნო - შვეიცარია

5. სან-მიგელ-დე-ალიენდე - მექსიკა

6. ვანკუვერი - კანადა

7. ვიქტორია - კანადა

8. ზალცბურგი - ავსტრია

9. ბარსელონა - ესპანეთი

10. ვენა - ავტრია

11. პარიზი - საფრანგეთი

12. სიდნეი - ავსტრალია

13. ლონდონი - ინგლისი

14. მელბურნი - ავსტრალია

15. რომი - იტალია

16. სინგაპური

17. თელ ავივი - ისრაელი

18. კვებეკი - კანადა

19. ნურემბერგი - გერმანია

20. ვენეცია - იტალია

21. სტოკჰოლმი - შვედეთი

22. ბუდაპეშტი - უნგრეთი

23. ჰონგ კონგი - ჩინეთი

24. სტამბოლი - თურქეთი

25. ამსტერდამი - ნიდერლანდები

26. ბელგია - ბრიუგე

27. მადრიდი - ესპანეთი

28. იერუსალიმი - ისრაელი

29. ციურიცი - შვეიცარია

30. ედინბურგი - შოტლანდია

31. კოპენჰაგენი - დანია

32. პრაღა - ჩეხეთის რესპუბლიკა

33. ლისაბონი - პორტუგალია

34. დუბლინი - ირლანდია

35. სეული - სამხრეთ კორეა

36. კეიპტაუნი - სამხრეთ აფრიკა

37. ტორონტო - კანადა

38. მიუნხენი - გერმანია

39. მონრეალი - კანადა

40. კელნი - გერმანია

წყარო: https://trend.ge/story/1649-40-%E1%83%A1%E1%83%90%E1%83%A3%E1%83%99%E1%83%94%E1%83%97%E1%83%94%E1%83%A1%E1%83%9D-%E1%83%A5%E1%83%90%E1%83%9A%E1%83%90%E1%83%A5%E1%83%98-%E1%83%9B%E1%83%A1%E1%83%9D%E1%83%A4%E1%83%9A%E1%83%98%E1%83%9D%E1%83%A8%E1%83%98-%E1%83%A1%E1%83%90%E1%83%93%E1%83%90%E1%83%AA-%E1%83%90%E1%83%A3%E1%83%AA%E1%83%98%E1%83%9A%E1%83%94%E1%83%91%E1%83%9A%E1%83%90%E1%83%93-%E1%83%A3%E1%83%9C%E1%83%93%E1%83%90-%E1%83%98%E1%83%9B%E1%83%9D%E1%83%92%E1%83%96%E1%83%90%E1%83%A3%E1%83%A0%E1%83%9D%E1%83%97

ტურიზმის 3 საინფორმაციო ცენტრში, - თბილისში, გორსა და მცხეთაში, ვირტუალური რეალობის აპარატები დაიდგმება. ცენტრების ვიზიტორები, ამ აპარატების საშუალებით 100-მდე ტურისტული ობიექტის სფერულ ვიდეო-გამოსახულებებს ნახავენ. პროექტის ავტორები იმედოვნებენ, რომ მისი საშუალებით უცხოელ ტურისტებს, ამ ობიექტების რეალურად მონახულების სურვილი გაუჩნდებათ. 

ტურიზმის ადმინისტრაცია პროექტში 65 ათასი ლარის დახარჯვას გეგმავს. ე.წ. VRex Box -ებს ტენდერის გარეშე, გამარტივებული შესყიდვის წესით შეიძენენ. მოტივი-სახელმწიფოებრივი და საზოგადოებრივი ღონისძიების შეუფერხებლად ჩატარებაა. როგორც ადმინისტრაციაში განმარტავენ, იმ შემთხვევაში, თუკი შესყიდვა ტენდერით მოხდება, ტურისტული სეზონის ფარგლებში მათი მონტაჟი დაგვიანდება, რაც პროექტის ეფექტურობას შეამცირებს. 

"პროექტი სიახლეს წარმოადგენს ქართული ბაზრისთვის, პირველად მისი ნახვა საზღვარგარეთ გამართულ საერთაშორისო გამოფენებზე მოხდა, სადაც ადმინისტრაცია ყოველწლიურად წარადგენს საქართველოს ტურისტულ პოტენციალს. აღნიშნულმა აპლიკაციამ და სერვისმა დიდი მოწონება დაიმსახურეა,სწორედ აქედან გამომდინარე მიზანშეწონილად იქნა მიჩნეული დაუყოვნებლივ მომხდარიყო ტურისტული სეზონის აქტიურ ფაზაში შესვლამდე მისი ადაპტაცია", - ნათქვამია ტურიზმის ადმინისტრაციის დასაბუთებაში, რომელიც შესყიდვების სააგენტოს ვებ-გვერდზეა გამოქვეყნებული. 

წყარო: bm.ge

1-ელი ივლისიდან, კვირაში სამი სიხშირით ბუქარესტი-თბილისი-ბუქარესტის მიმართულებით ფრენებს რუმინული სახელმწიფო ავიაკომპანია TAROM-ი განახორციელებს. ამის შესახებ ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.

ამის შესახებ გადაწყვეტილება რუმინული ავიკომპანიისა და ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანების“ წარმომადგენლებთან შეხვედრაზე მიიღეს. როგორც შეხვედრის დასრულების შემდეგ ,,საქართველოს აეროპორტების გაერთიანების“ ბიზნესგანვითარების მენეჯერმა, დეა მაჭავარიანმა განაცხადა, რუმინეთის სახელმწიფო ავიაკომპანია „ტარომთან“ მოლაპარაკებებს 2015 წლიდან აწარმოებენ და პირდაპირი საჰაერო მიმოსვლის დაწყება იქნება წინგადადგმული ნაბიჯი ორ ქვეყანას შორის ტურიზმის განვითარების კუთხით.

,,რუმინეთსა და საქართველოს შორის, აქამდე, პირდაპირი საჰაერო მიმოსვლა არასდროს განხორციელებულა. ივლისიდან ბუქარესტის მიმართულებით, საქართველოს უკვე ორი საერთაშორისო აეროპორტიდან განხორციელდება პირდაპირი ფრენები. თბილისის საერთაშორისო აეროპორტში რუმინეთის დედაქალაქის მიმართულებით სახელმწიფო ავიაკომპანია „ტარომი“ იფრენს, ხოლო ქუთაისის საერთაშორისო აეროპორტიდან ბუქარესტის მიმართულებით პირდაპირ ავიარეისებს უნგრული დაბალბიუჯეტიანი ავიაკომპანია „ვიზეარი“ განახორციელებს. ვიმედოვნებთ, რომ ახალი ავიამიმართულებები ჩვენს ქვეყნებს შორის არსებულ ტურისტულ პოტენციალს კიდევ უფრო გააღრმავებს“, - განაცხადა დეა მაჭავარიანმა.

2018 წლის 4 თვის მონაცემებით, საქართველოში შემოსული რუმინეთის მოქალაქეების რაოდენობა, შარშანდელ ანალოგიურ პერიოდთან შედარებით 24, 5 პროცენტით არის გაზრდილი.

უძველესი ისტორიის მქონე და ბუნებრივი სილამაზით გამორჩეული ქვეყანა - ეს არის საქართველო ქვეყანა, რომელიც მართალია, ტერიოტორიულად პატარაა, მაგრამ მას მდიდარი კულტურა აქვს, 4 000-წლოვანი ისტორიით და იუნესკოს კულტურულ მემკვიდრეობად აღიარებული უამრავი ძეგლით. საქართველომ ბევრი ცვლილება გამოიარა. სრულიად განსხვავებული წარმომავლობის ადამიანებისთვის ის სამშობლოდ იქცა და ეს ყველაფერი ამ ქვეყნის თვალისმომჭრელ ისტორიულ ნაგებობებში, უგემრიელეს სამზარეულოსა და ფერადოვან ბაზრობებზე ვლინდება.

ყველას, ვისაც კი მცირედი შეხება მაინც ჰქონია საქართველოსთან, ღრმა შთაბეჭდილებების გარეშე არ დარჩენილა;
მაგალითად,  CNN-ის ჟურნალისტმა საქართველოს შესახებ მოამზადა სტატია, სადაც წერს - „შუასაუკუნეების არქიტექტურა, უძველესი კულტურა და საოცარი პეიზაჟები - საქართველო გასაოცარი ქვეყანაა" და ასახელებს იმ 9 მიზეზს, რის გამოც ყველამ უნდა მოინახულოს საქართველო. 

1. თბილისის არქიტექტურა 
დაკიდებული აივნები ძველი ქალაქის უბანში და სპარსული სტილის აბანოები თურქული მოზაიკით, უნიკალური არტ ნუვო შენობები ფუტურისტული შუშის ნაგებობების პირისპირ - ერთი სიტყვით, თბილისი შთაგონებების ქალაქია. 

2. უშგული 
ევროპის უმაღლესი სოფელი ზღვის დონიდან 2 200 მეტრზე კავკასიურ მთებში მდებარეობს, რომელიც ოფიციალურად უმაღლესი დასახლებული ადგილია ევროპაში. უშგული ცნობილია შუასაუკუნოვანი თავდაცვითი კოშკებით, რომელიცთითოეულ სახლთანაა დაკავშირებული. 

3. ღვინის სამშობლო 
როდესაც ღვინის წარმომავლობაზე ვფიქრობთ, გვახსენდება საფრანგეთი, იტალია, საბერძნეთი ან სპარსეთი, მაგრამ სინამდვილეში საქართველო ერთ-ერთი უძველესი ღვინის რეგიონია. 2003 წელს არქეოლოგებმა აღმოაჩინეს მტკიცებულება, რომ აქ ჯერ კიდევ 8 000 წლის წინ მზადებოდა ღვინო. 

4. მისტიკური გამოქვაბული ქალაქები 
საქართველოში ერთ-ერთი ყველაზე მისტიკური გამოქვაბულებია მთელ ევროპაში. მარტო ამის გამო ღირს საქართველოს მონახულება. უძველესი გამოქვაბული ქალაქებია უფლისციხე, მთა გარეჯა და ვარძია, მიწისქვეშა ქალაქი, სადაც ადრე 2 000 ბერი ცხოვრობდა. 

5. ტრადიციული ქართული სუფრა 
საუკეთესო გზა ქვეყნის შესაცნობად მისი სამზარეულოა. თუ ქართულ სუფრაზე არყოფილხართ, საქართველოს არ იცნობთ. ყველაზე ცნობილი ქართული კერძი ხაჭაპურია, რომელსაც მრავალი სახეობა აქვს, მათ შორის ყველაზე პოპულარულია აჭარული ვარიანტი. 

6. განცალკევებული მთის სოფლები 
ხევსურეთისა და თუშეთის მოწყვეტილი რეგიონები კავკასიის მთებში საოცარი შუასაუკუნოვანი სოფლების სამშობლოა. აქაურები ისევ ინარჩუნებენ უძველეს ტრადიციებს. იქაურობა ისე გამოიყურება, როგორც ტოლკინის ნაწარმოებების პეიზაჟები. 

7. ევროპის ყველაზე წარმოუდგენელი მუზეუმი 
იმისთვის, რომ იოსების შესახებ გაიგოთ, სტალინის მუზეუმს უნდა ეწვიოთ მის მშობლიურ ქალაქ გორში. სტალინის სახლ-მუზეუმში წარმოუდგენელი სანახაობა დაგხვდებათ და ისტორია თქვენს თვალწინ გაცოცხლდება. 

8. ლამაზი, უძველესი ეკლესიები
საქართველომ ქრისტიანობა 324 წელს მიიღო, შესაბამისად ქვეყანაში დიდი რაოდენობითაა ულამაზესი ეკლესიები და ტაძრები. 

9. ხალხი და ქართული სტუმარმასპინძლობა
ქართველები ძირითადად კეთილი და სტუმართმოყვარე ხალხია. მათთვის სტუმარი წმნიდაა და ყველაფერს იზამენ თქვენს დასახმარებლად. ქართველების სტუმართმოყვარეობა და ხელგაშლილობა ზღვარგადასული ჭამა-სმით გამოიხატება ხშირად. როგორც ისინი ამბობენ, ”გაუმარჯოს”!

წყარო: https://bpn.ge/finansebi/23341-cnn-9-mizezi-thu-ratom-unda-imogzauroth-saqarthveloshi.html?lang=ka-GE

ჟურნალმა National Geographic-მა საქართველო 2018 წლის ყველაზე საინტერესო მონახულებად ადგილებში შეიყვანა. ჟურნალი ეგზოტიკური ტურისტული ადგილების სიას ყოველ წელს აქვეყნებს.

 წელს ჟურნალმა 21 ლოკაცია შეარჩია, სადაც საქართველო მე-3 ადგილზე გავიდა. სტატიაში აღნიშნულია, რომ განვითარება საქართველოს დედაქალაქ თბილისს, განსაკუთრებულ ტემპს სძენს. National Geographic მკითხველს ურჩევს მიიღოს ტრადიციული ქართული გამოცდილება - 24 საათიანი გოგირდის აბანოები, ხინკალი და ლეგენდარული ადგილობრივი მოსახლეობის სტუმართმოყვარეობა - ქაოტურად განვითარებულ ძველ თბილისთან ერთად. 

გარდა ამისა, National Geographic აღნიშნავს, რომ სპარსული, არაბული, ბიზანტიური, ოსმალური, რუსული და საბჭოთა კავშირის ოკუპაცია განსაკუთრებულ გავლენას ახდენს თბილისის არქიტექტურაზე.  
 

ეკონომიკისა და მდგრადი განვითარების სამინისტროს შპს „მთის კურორტების განვითარების კომპანიამ“ 2017/2018 წლის სამთო სათხილამურო სეზონი დაასრულა. 2016-2017 წლების ზამთრის სათხილამურო სეზონთან შედარებით 2017-2018 წლებში ვიზიტორების რაოდენობა 25 პროცენტით არის გაზრდილი. 

კურორტ გუდაურში 2017/2018 წლებში 345997 ვიზიტორი დაფიქსირდა, რაც გასულ წელთან შედარებით 25 პროცენტით მეტია. 

რაც შეეხება ბაკურიანს, 2017-2018 წლების სეზონის მაჩვენებლებით, 2016-2017 წლებთან შედარებით, ვიზიტორების რაოდენობამ 15 პროცენტით მოიმატა. კურორტს 2017/2018 წლის სეზონზე 132 704 ვიზიტორი ეწვია. 

მაღალმთიან აჭარაში, კურორტი გოდერძი მესამე წელია მასპინძლობს დამსვენებლებს. 2017/2018 წლის ზამთრის სათხილამურო სეზონის თანახმად, გასულ წელთან შედარებით წელს ვიზიტორების რაოდენობა 129 პროცენტითაა გაზრდილი. მიმდინარე სეზონზე კურორტ გოდერძიზე 10 283 ვიზიტორმა დაისვენა. 

სვანეთში, კურორტ თეთნულდზე 2017/2018 წლის სათხილამურო სეზონზე, წინა წლის ანალოგიურ პერიოდთან შედარებით, ვიზიტორთა რაოდენობა 122 პროცენტით, ხოლო ჰაწვალზე 119 პროცენტით არის გაზრდილი. თეთნულდსა და ჰაწვალს ჯამში 35890 ვიზიტორი ეწვია.

საქართველოს საავიაციო ბაზარზე ოპერირებას ქუვეითის სახელმწიფოს კიდევ ერთი ავიაკომპანია „Kuwait Airways“ იწყებს. 

სამოქალაქო ავიაციის სააგენტოში წარმოდგენილი განრიგის მიხედვით, ელ-ქუვეითი - თბილისი - ელ-ქუვეითის საჰაერო ხაზზე რეგულარული რეისებს ავიაკომპანია მიმდინარე წლის 11 ივნისიდან 10 სექტემბრამდე განახორციელებს. რეისები კვირაში 2 სიხშირით, ყოველ ორშაბათსა და პარასკევს, Airbus A320 ტიპის საჰაერო ხომალდით შესრულდება. 

რეგულარული საჰაერო მიმოსვლისათვის აუცილებელი ნებართვა ავიაკომპანია “Kuwait Airways“-ს სამოქალქო ავიაციის სააგენტოს მიერ 26 აპრილს მიენიჭა. 

საქართველოსა და ქუვეითის სახელმწიფოს შორის საჰაერო მიმოსვლის შეთანხმებას 2012 წელს მოეწერა ხელი. 2014-2016 წლებში ორი ქვეყნის დედაქალაქებს შორის მრავალჯერად ჩარტერულ რეისებს ქართული ავიაკომპანია „Georgian Airways” ასრულებდა. 2017 წლიდან, აღნიშნული მიმართულებით რეგულარული ავიარეისების შესრულება “Kuwait Wataniya Airways“-მა დაიწყო, მიმდინარე წლის ივნისიდან კი ფრენებს „Jazeera Airways” განახორციელებს.