info@oktravel.ge
(032) 2 18 08 18
+995 592 25 25 48
+995 592 25 25 28

ადამ მიცკევიჩის ქუჩა N11

(032) 2 18 08 18

info@oktravel.ge

+995 592 25 25 48+995 592 25 25 28+995 592 22 22 46
error
საქართველოს მასშტაბით შიდა ფრენების ფასები შეიცვალა

დღეიდან საქართველოს მასშტაბით შიდა ფრენების უმეტესობა გაძვირდა. გაერთიანებული აეროპორტების ინფორმაციით, უცვლელი დარჩა მხოლოდ ფრენა ამბროლაურის მიმართულებით, რომელიც 50 ლარი ღირდა და ასევე იქნება. 

რაც შეეხება დანარჩენ რეისებს, ნატახტარი-მესტიის მიმართულებით ფრენები 25 ლარით გაძვირდა და ამიერიდან 65-ის ნაცვლად 90 ლარი (ერთი გზა) ეღირება; ქუთაისიდან მესტიის მიმართულებით ფრენა 10 ლარით გაძვირდა და 40-ის ნაცვლად 50 ლარი (ერთი გზა) იქნება, ხოლო თბილისიდან ბათუმის მიმართულებით ფრენები 35 ლარით გაძვირდა და 90 ლარის ნაცვლად 125 ლარი (ერთი გზა) იქნება.

ვრცლად ნახვა
error
2018 წლის იანვარი-მარტის თვის მონაცემებით საქართველოს 1,463,561 ტურისტი ეწვია

ტურიზმის ეროვნული ადმინისტრაციის მონაცემებით, 2018 წლის იანვარი-მარტის თვის მონაცემებით საქართველოს 1,463,561 საერთაშორისო მოგზაური ეწვია, ზრდა წინა წლის ანალოგიურ პერიოდთან შედარებით +15.5%-ია.

ამასთან, მთლიანი რაოდენობიდან ტურისტების რიცხვმა, რომლებმაც 24 საათი და მეტი დაჰყვეს საქართველოში 659,338 შეადგინა, (ზრდა +28.2%). ყველაზე მეტი ვიზიტი აზერბაიჯანიდან (-3.9%), სომხეთიდან (+15.8%), თურქეთიდან (+21.8%), რუსეთიდან (+25.5%) და ირანიდან (+63.9%) განხორციელდა.

პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, იანვარი-მარტის თვეში გამოირჩნენ: ესპანეთი +79%, გაერთიანებული სამეფო +53%, ნიდერლანდები +46%, გერმანია +27%, საფრანგეთი +24% და სხვა. განსაკუთრებული ზრდა დაფიქსირდა შემდეგი ქვეყნებიდან: ქუვეითი +127%, საუდის არაბეთი + 82%, ისრაელი +77%, ირანი +64%, ჩინეთი +56% და სხვა.
 

ვრცლად ნახვა
error
საქართველოსა და კორეის რესპუბლიკას შორის ჩარტერული ფრენები შესრულდება

მაისში, კორეული ავიაკომპანია „Korean Air“ სეულსა და თბილისს შორის პირდაპირ ჩარტერულ რეისებს განახორციელებს. ფრენები ორი ქვეყნის დედაქალაქებს შორის 17 და 31 მაისს, Airbus A330 ტიპის საჰაერო ხომალდით შესრულდება და საქართველოში ტურისტების ჩამოყვანას მოემსახურება. 

სამოქალაქო ავიაციის სააგენტოს მიერ, ჩარტერული საჰაერო მიმოსვლის განხორციელებისათვის აუცილებელი ნებართვა ავიაკომპანია „Korean Air“-ს 23 აპრილს მიენიჭა. 

„Korean Air“ კორეის რესპუბლიკის (სამხრეთ კორეა) წამყვანი ავიაკომპანიაა, რომელიც „SkyTeam“-ის ალიანსის წევრია და 43 ქვეყნის 123 მიმართულებით ოპერირებს.

ვრცლად ნახვა
error
შესაბამისი დოკუმენტაციის არქონის შემთხვევაში, შესაძლოა, შენგენის ზონაში გამგზავრებაზე უარი გეთქვათ

იგეგმება გაფართოვდეს საფუძვლები, როდესაც ქვეყნის მოქალაქეს საქართველოს საზღვრის გადაკვეთაზე შეიძლება უარი ეთქვას. 

ამასთან დაკავშირებით “საქართველოს მოქალაქეების საქართველოდან გასვლისა და საქართველოში შემოსვლის წესების შესახებ“ კანონში ცვლილებები მომზადდა, რომლის მიღების მიზანია, იმ მოქალაქეთა ევროკავშირის/შენგების სივრცის ქვეყნებში გადინების შემცირება, რომლებიც უვიზოდ მოგზაურობის შესაძლებლობას არაკეთილსინდისიერად გამოიყენებენ.

კერძოდ, თუ საქართველოს სასაზღვრო გამტარ პუნქტზე დადგინდა, რომ საქართველოს მოქალაქე ევროკავშირის/შენგენის სივრცის იმ ქვეყანაში მიემგზავრება, რომელთანაც საქართველოს უვიზო მიმოსვლის რეჟიმი აქვს, მას შეიძლება საზღვრის გადაკვეთაზე უარი ეთქვას შემდეგ შემთხვევებში, თუ არ გააჩნია: - ბიომეტრიული პასპორტი, რომელიც უკანასკნელი 10 წლის განმავლობაშია გაცემული და რომლის მოქმედების ვადაც საქართველოში დაბრუნების დღისათვის არანაკლებ სამი თვეა; უკან დასაბრუნებელი სამგზავრო ბილეთი; სასტუმროს/საცხოვრებელი ბინის მოქმედი ჯავშანი ან სხვა დამადასტურებელი დოკუმენტი და მისამართი ან ევროკავშირის/შენგენის სივრცის ქვეყნის ტერიტორიაზე ლეგალურად მცხოვრები მასპინძლის მისამართი; სამოგზაურო დაზღვევა და ასევე, მოგზაურობის ფინანსური უზრუნველყოფის დამადასტურებელი დოკუმენტი.

დღეს მოქმედი კანონით, საქართველოს მოქალაქეს საზღვრის გადაკვეთაზე უარი იმ შემთხვევაში შეიძლება ეთქვას, თუ სამართალდამცავი ორგანოების მიერ იძებნება ან თუ ყალბ ან ძალის არმქონე საბუთებს წარადგენს. 

“საქართველოს მოქალაქეების საქართველოდან გასვლისა და საქართველოში შემოსვლის წესების შესახებ“ კანონში ცვლილებების პროექტი “ქართული ოცნების“ დეპუტატებმა: არჩილ თალაკვაძემ, ეკა ბესელიამ, მამუკა მდინარაძემ, გიორგი ვოლსკიმ, კახა კუჭავამ, ოთარ დანელიამ, გიორგი ხატიძემ და ზვიად კვაჭანტირაძემ მოამზადეს.

პროექტის ინიცირება ბიუროს უახლოეს სხდომაზე იგეგმება.

ვრცლად ნახვა
error
სახალისო ტურისტული რიტუალები რომში

ტურისტული რიტუალები ადგილობრივ მაცხოვრებელთა ღიმილს იწვევს, მაგრამ რაოდენ უცნაურიც არ უნდა იყოს ისინი, დიდი რუდუნებით სრულდება. ამ წესებს უკვე გამოცდილი მოგზაურები ახალბედებს პირველ რიგში გადასცემენ და ამ უბრალო ქმედებებით ერთგვარი მხიარულება შემოდის, განსაკუთრებით თუ ეს ჯგუფური ექსკურსიის დროს ხდება. რომში ამ მხრივ დიდი მრავალფეროვნებაა და აბა, ასეთი გასართობების გამოტოვება როგორ შეიძლება! მით უმეტეს, რომ რომიდან დაბრუნებულებს პირველ რიგში სწორედ ამ რიტუალების შესრულებას მოგვკითხავენ უკვე გამოცდილი ტურისტები…

1. „ჭეშმარიტების ბაგეში“ ხელი შეყოფა – ეს რიტუალი ფილმის – „რომაული არდადეგები“ – გამოსვლამდეც არსებობდა, მაგრამ ფილმის მერე უკვე საქვეყნოდ ცნობილი გახდა. როგორც ამბობენ, ცრუ კაცი უხელოდ დარჩებაო, თუმცა ჯერ არავინ დასჯილა ასე. „ჭეშმარიტების ბაგე“ –  ეს 1.75 მეტრი დიამეტრის ბარელიეფია.  ერკოლ ძლევამოსილის (ბერძნული მითოლოგიის გმირის, ჰერაკლეს რომაული ანალოგი) სახე, რომელიც ძვ.წ. IV საუკუნეშია დამზადებული ერთიანი მარმარილოს ფილისაგან,  აქ XVIII საუკუნეში დაიდგა. ამბობენ, რომ თავიდანვე ფილა საკანალიზაციო ჭის სახურავი ყოფილა!

 

2. ტრევის შადრევანი – აუზში ფულის გადაგდება გასული საუკუნის 50-იან წლებში დამკვიდრდა, როცა გამოვიდა ამერიკული ფილმი „სამი მონეტა შადრევანში“. აუზისკენ ზურგით ვდგებით და ვაგდებთ მონეტას, თან სურვილი უნდა ჩავუთქვათ. პირველი მონეტა ამ ადგილთან ისევ დაბრუნების საწინდარია, მეორე მონეტა კი სიყვარულში წარმატების, მესამე კი ქორწილისკენაა! კვირაში ერთჯერ მუნიციპალიტეტის სამსახური აგროვებს ამ ფულს, რაც რამდენიმე ათას ევროს აღწევს, და იგი უსახლკაროთა დახმარების ფონდს ეძლევა საქველმოქმედო საქმიანობისათვის.

 

3. ორმაგი წყარო ტრევის შადრევანთან. აუზის მარჯვნივ,` მას შეყვარებულთა წყაროსაც ეძახიან. აქედან წყალი უნდა დაილიოს, ერთდროულად, ან თუ ცალკე ვართ ჩამოსული, სათანადო სურვილის ჩათქმით.

 

4. ვატიკანში, წმ. პეტრეს ტაძარში მოციქულის ბრინჯაოს ქანდაკებაა, შექმნილი არნოლფო დი კამბიოს მიერ. ქანდაკების ფეხზე მოფერება არის საჭირო, სურვილის ჩათქმით. რიტუალის პოპულარობს ისიც მიუთითებს, რომ ქანდაკებაზე ტერფის წვერი გაპრიალებულია და ოდნავ გაცვეთილიც კი.

 

5. მინერვას მოედანზე სპილოს ქანდაკების კუდზე ხელის შევლება – ამბობენ, ეს ბიზნესში წარმატების საწინდარიაო. ძვ.წ. VI საუკუნის წითელი გრანიტის ობელისკი, რომელიც იმპერატორმა დომიციანემ ჩამოატანინა ეგვიპტიდან, თავიდან ისიდას ტაძარს ამშვენებდა. 1665 წელს ბერი დომინიკანების მიერ ეს ობელისკი აღმოჩენილი იქნა ეკლესიის ეზოში. პაპმა ალექსანდრ VII-მ მაშინვე გადაწყვიტა მისი აღმართვა ამავე ეკლესიის წინა მოედანზე და ეს სამუშაო ბერნინის შეუკვეთა. ხელოვანმა სვეტის დადგმა სპილოს ფიგურაზე გადაწყვიტა, რათა სიმბოლურად სიბრძნის გამომსახველ სვეტს შესაბამისი სიძლიერის გამომსახველი საყრდენი ჰქონოდა სპილოს სახით (ეს იდეა პოსტამენტზე გაკეთებულ ტექსტშია მოყვანილი). არქიტექტორმა ერკოლე ფერატამ ბერნინის გათვლებს არ დაუჯერა და კონსტრუქციის გასამაგრებლად სპილოს მუცლის ქვეშ ყუთი შეადგმევინა, რაც მერე პოპონათი დაიფარა. განრისხებულ ბერნინის ავტორობაზე უარის თქმაც კი უნდოდა.

 

6. პიაცა დი სპანიაზე (ესპანეთის მოედანზე) ბარკაჩადან გადმომდინარე წყლის მოსმა, სურვილების ჩათქმით. შადრევნის ავტორი ლორენცო ბერნინის მამა – პიეტრო ბერნინია. პაპი ურბან VIII ბარბერინის შეკვეთით, პროექტში უნდა ასახულიყო 1598 წლის ტიბროსის წყალდიდობის თემა, როცა მდინარეს ნახევრად ჩაძირული ნავი გამოურიყავს. პიეტრო ბერნინის კიდევ სხვა პრობლემაც ჰქონდა – წყლის წნევა ამ ადგილას ძალიან დაბალი იყო და კლასიკური, მაღალი შადრევნის ამოქმედება შეუძლებელი ხდებოდა. როგორც ვხედავთ, ორიგინალური გადაწყვეტილება სავსებით შეესაბამება თემას – შადრევნის ფსკერი ქუჩის დონეზე დაბლაა, წყალიც საკმარისად გადმოედინება ნავიდან და ბარბერინთა სიმბოლოები – ფუტკრებიც ადგილზეა!

 

7. ვენეციის მოედანზე, არაკოელის ეკლესიისკენ 122 საფეხურიანი კიბე ადის. ამ კიბეზე შუაღამით, მუხლზე ჩოქვით ასვლა ლატარიების გათამაშებაში მოგების შანსს იძლევაო. იმედია, ასვლამდე ბილეთის ყიდვა არ დაგვავიწყდება.

 

8. კატის კულტი რომში. ეს ალბათ ეტრუსკული დროიდანაა შემორჩენილი, როცა ოჯახის მფარველი ღვთაება – ჯუჯა ბესა კატის სახით გამოიხატებოდა. რომში კატების ყველაზე დიდი „დასახლებები“ პირამიდის ეზოში და არჯენტინოს ფორუმის ტერიტორიებზეა. ამ მხრივ პირიქით, რომაელები აოცებენ ტურისტებს – კატებისათვის მოაქვთ საჭმელი, ახლომახლო ფულის შესაწირი ყუთებია და მომვლელიც კი არის მათ მისახედად გამოყოფილი.  ჩვენც შეგვიძლია კატებს საჭმელი მივუტანოთ.

 

ამ ადგილს უფრო მნიშვნელოვანი ისტორიაც აქვს. აქ, ძვ.წ. 44 წლის 15 მარტს  შეთქმულთა მიერ მოკლული იქნა იულიუს კეისარი. რამდენიმე დღით ადრე წინასწარმეტყველმა იგი გააფრთხილა, რომ მარტის იდების დროს სასიკვდილო საფრთხე ელოდა. სენატის კიბეზე შეხვედრია კეისარი ამ  წინასწარმეტყველს და დაცინვით შეახსენა – „მარტის იდები დადგა!“  – „დადგა, მაგრამ ჯერ არ გასრულებულა“ – უპასუხა წინასწარმეტყველმა და რამდენიმე წუთში კეისარი სიცოცხლეს გამოასალმეს. „შენაცა, ბრუტუს“ – კეისრის ბოლო სიტყვები იყო, როცა შეთქმულთა შორის უახლოესი თანამებრძოლი დაინახა. ზუსტად ეს ადგილი ამჟამად ტროტუარის ქვეშაა მოქცეული,  არჯენტინას თეატრის წინ.

 

9. მალტის ორდენის პრიორატის სასახლის ეზოს კარიბჭეში, ავენტინის ბორცვზე, უნდა გავიჭყიტოთ გასაღების ჭუჭრუტანაში – ამ დროს, გასაღების ჭუჭრუტანიდან ერთდროულად ვუყურებთ სამ ქვეყანას – მალტის ორდენს (ჭიშკარი და ეზო მათი საკუთრებაა), საკუთრივ იტალიას ბორცვის მიღმა, შორს კი – ვატიკანის გუმბათს. სახალისო  ტრადიცია ორდენის მხრიდანაც მხარდაჭერილია. კარიბჭის მიღმა, ბილიკის გასწვრივ ბაღის ბუჩქები სათანადოდ არის გასხლული, რათა ვატიკანის გუმბათი კარგად გამოჩნდეს.  ეზოს გარეთ კი, პიაცა დი კავალიერიზე, კარიბჭესთან რიგია და შორიახლო ცხენოსანი პოლიციაც კი მორიგეობს.

 

რომი კათოლიკური რელიგიის ცენტრია. შესაბამისად, აქ მრავალი რელიგიური რიტუალის ჩატარებას შეიძლება გადავაწყდეთ და ყურადღებით ვიყოთ, რომ ეს  არ აგვერიოს ტურისტულ-გასართობ  ქმედებებში.

 

წყარო: http://imogzaure.ge/%E1%83%A1%E1%83%90%E1%83%AE%E1%83%90%E1%83%9A%E1%83%98%E1%83%A1%E1%83%9D-%E1%83%A2%E1%83%A3%E1%83%A0%E1%83%98%E1%83%A1%E1%83%A2%E1%83%A3%E1%83%9A%E1%83%98-%E1%83%A0%E1%83%98%E1%83%A2%E1%83%A3%E1%83%90/

ვრცლად ნახვა
error
როგორ დავიწყოთ მოგზაურობა ?

 იმოგზაურო საოცნებო ქალაქში/ქვეყანაში - რა უნდა იყოს ამაზე კარგი? ალბათ არც არაფერი :)  მაშინ რატომ უნდა თქვათ უარი ოცნებებზე?  მოგზაურობა არც ისე რთულია, როგორც ეს ზოგიერთ თქვენგანს ჰგონია.  უბრალოდ საჭიროა, ადგე, დაგეგმო სასურველი მიმართულება, ჩაალაგო ბარგი და დატკბე მოგზაურობის მრავალფეროვნებით!

ზედმიწევნით მიჰყვეთ ქვემოთ ჩამოთვლილ ეტაპებს და დაგეგმეთ თქვენი მოგზაურობა ნაბიჯ-ნაბიჯ

 მაშ ასე, მოგზაურობამდე მოსამზადებელ პერიოდს 4 ეტაპად დავყოფ და თუ ზუსტად მიჰყვებით ნაბიჯებს, თქვენ ბოლოს უამრავი მოგონება შეგრჩებათ, რომელსაც მოგზაურობიდან ჩამოიტანთ.
 

ეტაპი 1: გამოკვლევა
√ სადწავიდეთ?
√ რაგავაკეთოთ?
√ როგორმოვხვდეთიქ?
√ რაეღირება?

ეტაპი 2: შენახვა
√ შექმენითბიუჯეტი
√ დაზოგეთფული

ეტაპი 3: გეგმა

√ შეადგინე განრიგი
√ დაჯავშნე ბილეთები
√ დაჯავშნე სასტუმრო
 

ეტაპი 4: გამგზავრება

√ ისიამოვნემოგზაურობით

 

(თუმცა, რა თქმა უნდა, შეგიძლიათ ყველანაირი ეტაპი დაივიწყოთ და პირდაპირ სადგურში წახვიდეთ თავგადასავლების საძიებლად)

 

 

წყარო: https://cisiqitelis.wordpress.com/2015/10/25/%E1%83%A0%E1%83%9D%E1%83%92%E1%83%9D%E1%83%A0-%E1%83%93%E1%83%90%E1%83%95%E1%83%98%E1%83%AC%E1%83%A7%E1%83%9D%E1%83%97-%E1%83%9B%E1%83%9D%E1%83%92%E1%83%96%E1%83%90%E1%83%A3%E1%83%A0%E1%83%9D%E1%83%91/

ვრცლად ნახვა
error
იმერეთში კავკასიის რეგიონში პირველი სამკურნალო-გამაჯანსაღებელი მღვიმე იხსნება

იმერეთის მხარეში საწურბლიას მღვიმე იხსნება, რომელიც პირველი საერთაშორისო სტანდარტების სპელეო-გამაჯანსაღებელი მღვიმე იქნება კავკასიის რეგიონში, სადაც სასუნთქი გზების პრობლემების მქონე პირები გამაჯანსაღებელი პროცედურების ჩატარებას შეძლებენ.  დაცული ტერიტორიების სააგენტოს  ინფორმაციით, მღვიმის ბუნებრივი სამკურნალო თვისებები ჩეხი და ქართველი სპეციალისტების მიერაა შესწავლილი.  ადგილზე აშენდა ვიზიტორთა ცენტრი, ამბულატორია და მღვიმეში დამონტაჟდა განათების სისტემა. საწურბლიას მღვიმე ორ - აქტიურ და პასიურ ზონად გაიყო. აქტიურ ზონაში მოეწყო სათამაშო მოედანი ბავშვებისთვის, ხოლო პასიურ ზონაში განთავსდა შეზლონგები. 

მღვიმე პირველ ვიზიტორებს ახალ ტურისტულ სეზონზე მიიღებს. საწურბლიას მღვიმე წყალტუბოს მუნიციპალიტეტის სოფელ ყუმისთავში, პრომეთეს მღვიმიდან 2 კმ-ში მდებარეობს. 

პროექტი საქართველოს ბიუჯეტიდან 647 000 ლარითაა დაფინანსებული. 

 

 

წყარო: http://accent.com.ge/ge/news/details/51406-%E1%83%98%E1%83%9B%E1%83%94%E1%83%A0%E1%83%94%E1%83%97%E1%83%A8%E1%83%98-%E1%83%99%E1%83%90%E1%83%95%E1%83%99%E1%83%90%E1%83%A1%E1%83%98%E1%83%98%E1%83%A1-%E1%83%A0%E1%83%94%E1%83%92%E1%83%98%E1%83%9D%E1%83%9C%E1%83%A8%E1%83%98-%E1%83%9E%E1%83%98%E1%83%A0%E1%83%95%E1%83%94%E1%83%9A%E1%83%98-%E1%83%A1%E1%83%90%E1%83%9B%E1%83%99%E1%83%A3%E1%83%A0%E1%83%9C%E1%83%90%E1%83%9A%E1%83%9D-%E1%83%92%E1%83%90%E1%83%9B%E1%83%90%E1%83%AF%E1%83%90%E1%83%9C%E1%83%A1%E1%83%90%E1%83%A6%E1%83%94%E1%83%91%E1%83%94%E1%83%9A%E1%83%98-%E1%83%9B%E1%83%A6%E1%83%95%E1%83%98%E1%83%9B%E1%83%94-%E1%83%98%E1%83%AE%E1%83%A1%E1%83%9C%E1%83%94%E1%83%91%E1%83%90

ვრცლად ნახვა
error
რჩევები ბუდაპეშტში მოგზაურობის მსურველებს

უძველეს დროში, დიდებული დუნაის ნაპირზე, ორი დასახლება გაჩნდა, რომლებიც მდინარის სხვადასხვა მხარეს მდებარეობდნენ. ერთ-ერთი ნაპირი უფრო მაღალზე იყო და იქ წარმოიშვა დასახლება სახელად ბუდა, მეორე მხარეს, უფრო დაბლობზე კი განთავსდა მყუდრო და მოსახერხებელი პეშტი. გარკვეული დროის შემდეგ ორი ქალაქი ერთმანეთს შეერწყა და გახდა – ბუდაპეშტი.

 

ბუდაპეშტის რაიონები

ნებისმიერი ტურისტი თავიდანვე ითვისებს გეოგრაფიას – დუნაი ქალაქს ორ ნაწილად ყოფს. დასავლეთ სანაპიროზე რჩება მთა-გორიანი ბუდა, აღმოსავლეთით პეშტი. ქალაქი 23 რაიონად არის დაყოფილი. ბუდა მოიცავს I, II, III, XI, XII, XXII რაიონებს და ფაქტობრივად III რაიონს – ეს ობუდას (ძველი ბუდა) ტერიტორიაა.

 

ტრანსპორტი

ბუდაპეშტში საზოგადოებრივი ტრანსპორტის როლში გამოდიან მეტრო (ევრაზიაში მეტროს უძველესი ხაზი ბუდაპეშტშია), ტრამვაი (უგრძესი ევროპაში), ტროლეიბუსი და ავტობუსი, თავისთავად ტაქსი. ერთჯერადი ბილეთი (იყიდება მეტროში, ჯიხურებში, ავტომატებში) 350 ფორინტი ღირს, გადაჯდომის უფლებით 530 ფორინტი, 24-საათიანი აბონემენტი 1650 ფორინტი, 72 საათზე გათვლილი – 4150. ბილეთის უშუალოდ ტრანსპორტში ყიდვა 100 ფორინტით მეტი დაგიჯდებათ.

მეტროს სამი ხაზი ქალაქის ცენტრში იკვეთება (Deak ter). მატარებლები 2-15 წუთში დადიან. სამუშაო რეჟიმი 4:30 სთ-დან 23:00 სთ-მდეა. შემდეგ უკვე ღამის ავტობუსებით იმგზავრებთ (განრიგი აღნიშნულია ასო Е-თი). წითელნომრიანი ავტობუსები ყველგან არ აჩერებენ და დაკვირვება გმართებთ.

დედაქალაქში 30-ზე მეტი ტრამვაის ხაზია და 5-10 წუთიანი ინტერვალით დადიან.

მნიშვნელოვანი მომენტი: ბუდაპეშტის მეტრო ისეა მოწყობილი, რომ ერთი სადგურიდან მეორეზე გადასვლა უშუალოდ მეტროში შეუძლებელია: მოგიწევთ ქუჩაში ამოსვლა, გზის გადაკვეთა და მეტროში ხელახლა ჩასვლა. მგზავრობის ღირებულება კი თავიდან უნდა გადაიხადოთ. ამიტომ მეტროში ჩასვლისას წინასწარ დაგეგმეთ რა მარშრუტით და რომელ სადგურებზე გიწევთ მისვლა.

ტაქსი
ტარიფები მანქანაშია გამოკრული. ჩასხდომა დღისით 300 ფორინტია, ღამით – 400. 1 კმ გზა – 240 ფორინტი (დღე) და 340 ფორინტი (ღამე) ღირს. მგზავრის მოთხოვნით მძღოლი ვალდებულია ანგარიში წარადგინოს.

 

HUF 100 უნგრული ფორინტი 0.9696

 

 

შოპინგი

რა ვიყიდოთ?

ღვინო (ერთი ბოთლი 300 ფორინტიდან) და ადგილობრივი ლუდი (90 ფორინტიდან), ოღონდ არა დუთი-ფრიში. ბაზრებსა და მაღაზიებში არჩევანიც დიდია და ფასებიც ნაკლები. მწარე ლიქიორი „უნიკუმი“ (40 ბალახეულზეა დამზადებული) ძალიან პოპულარულია და მას საოჯახო კომპანია Zwack უშვებს.

უნგრული სალიამი – მთელ ევროპაშია განთქმული და მშვენივრად უძლებს ტრანსპორტირებას.

Pirosarany – ადგილობრივი პროდუქტია, რომელსაც სხვაგან ძნელად თუ შეხვდებით. ტურისტებს ასევე მიაქვთ შაფრანი, მარციპანი და სხვა ტკბილეული. თუნდაც მრავალფენიანი ტორტი დობოში (Dobos torta) შოკოლადის კრემით და კარამელით, რასაც სხვაგან ვერსად ვერ შეიძენთ.

როგორც ავსტრო-უნგრეთის იმპერიის სხვა ქვეყნებმა, უნგრეთმაც შეინარჩუნა ამოქარგული მკვეთრი ეროვნული სამოსი. უამრავი ტურისტი ყიდულობს ნაქარგ სუფრებს, ფარდებს, თეთრეულს. ნამდვილი უნგრული ფაიფურის მოძებნა კი მარტივი საქმე არ არის. ძალიან ხშირია ჩინეთში წარმოებული ყალბი ვერსიები და ფრთხილად იყავით.

სად ვიყიდოთ?

ზოგიერთი სავაჭრო ცენტრი იმდენად დიდებულია, რომ არქიტექტურულ ღირსშენაშნაობაზეც კი ქაჩავს. პირველ რგში ეს ცენტრალური ბაზარია, რომელიც მე-19 საუკუნის შენობაში მდებარეობს. აქ მოდიან ადგილობრივი პროდუქტების, ალკოჰოლის, სუვენირების შესაძენად.

ბუდაპეშტში საკმარისადაა სავაჭრო ცენტრები, სადაც ტანსაცმლის მასობრივი მარკებია წარმოდგენილი. ცენტრალური ბაზრიდან ფეხით სავალზეა West End. ამჟამად ყველაზე მსხვილია Arena Plaza (200-ზე მეტი მაღაზია), რომელიც ისტორიული ცენტრიდან რამდენიმე კილომეტრშია.
Armani, Zegna, Gucci, Louis Vuitton, Burberry, Dior, Versace, Lanvin – ანდრაშის პროსპექტზეათავმოყრილი. ბევრს აკვირვებს ქალაქის ცენტრში სექენდ-ჰენდების არსებობა. ბუდაპეშტს ზოგჯერ „მეორადების“ ევროპულ დედაქალაქსაც უწოდებენ.

ჩვეულებრივ მაღაზიები კვირაობით არ მუშაობენ, შაბათს კი ადრე იკეტება. თუმცა სუპერმარკეტები და კერძო დახლები ამ წესს ხშირად არღვევენ.

მთელ ევროპაში ათასი წვრილმანის ერთ-ერთი ყველაზე დიდი ბაზრობაა „ესკერი პიაკი“. აქ ნახავთ ანტიკვარიატს და სამხედრო რელიკვიებს, ასევე უჩვეულო ფაიფურის სუვენირებს და სურათებს. თუ გაინტერესებთ, სჯობს დილით ადრე მიხვიდეთ და თან უქმეებზე. 

 

 

რა გავსინჯოთ?

კარგი ღვინო, მწკლარტე ყველი, ხორცის და ბოსტნეულის კერძები, რომლებიც გულიანად არის გაზავებული სპეციებითა და პაპრიკათი – უნგრული (იგივე მადიარების) სამზარეულო მიიჩნევა ევროპული ტრადიციებისა და აღმოსავლეთის მოტივების ნაზავად.

მთავარი, რაც არ უნდა გამოტოვოთ, ეს არის გულიაში. საუბარია შესქელებულ, კალორიულ, ცხარე წვნიანზე. ხორცი იმდენია, რომ ბოსტნეული უბრალოდ დეკორაციაა. ნამდვილი გულიაში მიირთვით ან რესტორანში ან სასადილოში – 700 ფორინტიდან 3500 ფორინტამდე.

ხორციანი კერძები – მადიარული სამზარეულოს საფუძველია და მას არაჟნით, პაპრიკით და მდოგვის სოუსით აზავებენ. ბევრმა არ იცის, რომ უნგრეთში გამოყვანილი ყავთ ღორის განსაკუთრებული ჯიში. ისინი გარდა სპეციფიკური გარეგნობისა, ცხიმიანი ხორცითაც გამოირჩევიან. ამიტომ ადგილობრივი ძეხვი, პლუს დებრეცენის სოსისები და უნგრული სალიამი, ქვეყნის გარეთაც არის სახელგანთქმული. სუპერმარკეტში საშუალო ძეხვის ფასი 600 ფორინტია, კარგად შებოლილი ხორცი – 2000 ფორინტიდან.

ბუდაპეშტში დღის დაწყება რეკომენდირებულია კაფე-საკონდიტროებით. იქნება ეს ფენოვანი ბლინი, შოკოლადის ნამცხარი ან ტორტი (სახელგანთქმული ნუშისა და შოკოლადის „ესტერხაზი“ სწორედ აქედანაა) და ერთხელაც დარწმუნდებით, რომ უნგრეთში კალორიების დათვლის დრო არ არის.

 

 

უნგრული სამზარეულო ისეთ ბრენდად ვერ იქცა, როგორც იტალიური ან ფრანგული, და დასავლეთ ევროპაც განებივრებულია სხვადასხვა ფორმატის დაწესებულებებით, მაგრამ ამ „სამეზობლოშიც“ სიამოვნებით დადიან.

დისლოკაციის პოპულარული ადგილია საფეხმავლო ვაცი (Vatci utca). აქ სხვადასხვა სახის მაღაზიები და რესტორნებია. საერთო ჯამში, ბუდაპეშტში 3 ათასზე მეტი რესტორანია.

ცენტრალურ ქუჩებზეც კი საკმარისადაა „საქაბაბეები“ და ბურგერები. უშუალოდ ბუდაპეშტის ხასიათს უფრო პატარა მყუდრო პაბებსა (ღვინოსაც გთავაზობენ) და ყავახანებში დაიჭერთ.

ტურისტებს კი უფრო „რუინ-პაბები“ აინტერესებთ (ინგლისურიდან ruin – ნანგრევები). ეს არა მარტო ახალი ფორმატია, არამედ საქალაქო ღირსშესანიშნაობა. პირველად რუინ-პაბები ორსაუკუნოვან ებრაულ კვარტალ ერჟებეტვაროშში გახსნეს, სადაც მიტოვებულ შენობებში მინიმალური რემონტი გააკეთეს და ერთადერთი იმაში დარწმუნდნენ, რომ კლიენტებს სახურავითავზე არ დაემხობოდა.

ადგილობრივ რესტორნებში ბოშათა ანსამბლებს ეძახიან, ოღონდ ისინი არა საერთო სცენაზე, არამედ ცალკეულ მაგიდებთან უკრავენ.

პეშტშია მთელ ევროპაში ცნობილი კაფე „ჟერბო“. მდიდრული ჭაღები, უძვირფასესი ხის მასალისგან შესრულებული მოპირკეთება, ავეჯი – ყველაფერი ეს დღემდე უნარჩუნებს 1858 წლიდან მოქმედ საკონდიტროს საფირმო სტილს.

რასაც ტურისტები დღემდე აღნიშნავენ, სხვა ევროპულ ქალაქებთან შედარებით, ბუდაპეშტში დემოკრატიული ფასებია.

 

 

ქუთაისი-ბუდაპეშტი: პრაქტიკულირჩევები WizzAir-ის რეისების მგზავრებს

 

გართობა და ღირსშესანიშნაობა

ბუდაპეშტი დამსახურებულად შედის ულამაზესი ქალაქების რიცხვში. ქალაქის ცენტრალური ნაწილის პანორამა დუნაის ხედით იუნესკოს მსოფლიო მემკვიდრეობის სიაშია შეტანილი.

უნგრეთის დედაქალაქი სამი ისტორიული ნაწილისგან შედგება – პეშტი, ბუდა და ობუდა და ერთადერთია მსოფლიოში, სადაც 120 თერმული წყაროა.

პირველ რიგში უნდა ეწვიოთ ბუდას ციხესიმაგრეს და მეთევზეთა ბასტიონს – ეს გახლავთ თეთრი ქვის ულამაზესი ციხესიმაგრე შვიდი კოშკით (შესვლა თავისუფალია). აქ ერთ დროს თევზით ვაჭრობდნენ და სახელწოდებაც აქედან მოდის. ამ ადგილიდან შესანიშნავი ხედი იშლება დუნაის მოპირდაპირე ნაპირზე, მათ შორის პარლამენტის უმშვენიერეს ნაგებობაზე.

მთაზე მდებარე კომპლექსს განსხვავებულად ეკიდებიან: მას უწოდებენ „მკვდარ ქალაქს“, ბუდაპეშტის „ექლეკტიკას“, თუმცა საუკუნეების განმავლობაში გადაკეთებულმა კვარტალმა ძალიან ბევრ განსაკუთრებულობას მოუყარა თავი. მისი გულია სამეფო სასახლე, ტიპიური და თან არც თუ ლოგიკური და არც თუ სამეფო ისტორიით.

თავიდან აქ მართლაც მეფეები ცხოვრობდნენ, შემდეგ აღორძინების ეპოქამ და თურქების მმართველობამ თავისი კორექტივები შეიტანა. ხოლო როდესაც ბუდაპეშტი მთელი უნგრეთის დედაქალაქი გახდა, სასახლეს ახალი როლი მიანიჭეს და გრანდიოზული მშენებლობები წამოიწყეს (40 წელი გაგრძელდა).

ამ მასიურ შენობაშია ეროვნული ბიბლიოთეკა, ბუდაპეშტის ისტორიის მუზეუმი, ეროვნული გალერეა. იქვე ახლოს, წმინდა გიორგის მოედანზეა, ნაკლებად შესამჩნევი შანდორის სასახლე. ეს უნგრეთის პრემიერ-მინისტრების ყოფილი რეზიდენციაა, თუმცა ქვეყნის პრეზიდენტისთვის მოქმედი (მეორე მსოფლიო ომის დროს სრულად დაინგრა და 90-იან წლებში აღადგინეს).

სამეფო გორაზე მაინც არის ნაგებობა, რომელსაც ახსოვს უნგრეთის მეფეები. პირველ რიგში ესაა ბუდას მთავარი ტაძარი, ღვთისმშობლის ეკლესია. ტაძარმა თურქების ბატონობა გადაიტანა, საუკუნენახევარი მეჩეთი იყო, კაპიტალურად მე-19 საუკუნის ბოლოს შეაკეთეს. 1916 წლამდე აქ აკურთხებდნენ უნგრეთის მმართველებს. თუმცა ის ზომითაც და მოკაზმულობითაც ჩამორჩება დღეისათვის უნგრეთის მთავარ ტაძარს – წმინდა იშტვანის ბაზილიკას (1905 წ).

ბუდას გორაზე ყოფნისას აუცილებლად ნახეთ მიწისქვეშა გამოქვაბულები, რომლითაც გამოშიგნულია მთა, ასევე გაიარეთ მე-19 საუკუნის საფეხმავლო გვირაბით (აერთებს დუნაის სანაპიროს დასავლეთ რაიონებთან).

ბუდას ციხემდე ასვლა ძველი ფუნიკულიორით (Siklo) შეიძლება. ერთი გზა 1200 ფორინტია, წინ და უკან – 1800.

 

პეშტში სეირნობისას ვერ აცდებით ანდრაშის გამზირს, რომელიც ასევე შეტანილია იუნესკოს მემკვიდრეობაში. ამ პროსპექტზეა ოპერის თეატრი (ექსკურსიაზე შეგიძლიათ შეხვიდეთ), მუსიკალური აკადემიის ძველი შენობა, სახვითი ხელოვნების უნივერსიტეტი. ანდრაშის პროსპექტი სრულდება გმირთა მოედნით, რომელიც მილენიუმის მუზეუმებისა და ძეგლების არქიტექტურული ანსამბლია და უნგრეთის დედაქალაქის სიმბოლოს წარმოადგენს.

ბუდაპეშტის ღირსშესანიშნაობების ნახვა უკვე წყლიდანაც შეიძლება, დუნაიზე რაფტინგ-ექსკურიის დროს ან RiverRide-ის ავტობუსი-საოცრებიდან.

თვალწარმტაცი კუნძული მარგიტი, ბუნებრივი ნაკრძალია შესანიშნავი დენდრო პარკით. ის დუნაის გასწვრივ არის გადაჭიმული მარგიტისა და არპადის ხიდებს შორის. თუმცა ისიც უნდა ითქვას, რომ ზამთარში დიდი ვერაფერია.

აკვაპარკი Aquaworld.
ყველაზე დიდი და უჩვეულო აღმოსავლეთ ევროპაში. აქ სერფინგით და დაივინგითაც შეგიძლიათ ისიამოვნოთ.

ზოოპარკი.
ბუდაპეშტის ზოოპარკს ყველა აქებს, ჩამოსულიც და ადგილობრივიც.
ზრდასრულებისთვის ბილეთი 2500 ფორინტია (8 ევრო), ბავშვებისთვის 1800 (6 ევრომდე). ზოოპარკის ტერიტორიაზეა თემატური პარკი Holnemvolt Park, სადაც ფრინველების და შინაური ცხოველების ეკზოტიკურ სახეობებსაც ნახავთ და ბავშვებისთვის მრავალფეროვან ატრაქციონებსაც.

 

 

აუცილებლად სანახავი

 

პარლამენტი
ყველაზე ცნობადი და დახვეწილი შენობა, ნამდვილი სიმბოლო. ის ღიაა საჯაროდ და ნებისმიერს შეუძლია იხილოს დიდებული ინტერიერი. არაევროკავშირელებისთვის ბილეთის ღირებულება დაახლოებით 16 ევროს შეადგენს.

 

ჯაჭვის ხიდი
ქალაქის კიდევ ერთი სიმბოლო – დაკიდული ხიდი, რომელიც მე-18 საუკუნის ბოლოდან აკავშირებს ბუდას და პეშტს. მისით დატკბობა სანაპიროდანაც შეგიძლიათ და თბომავლიდანაც, რომლითაც გასეირნებას დაახლოებით 11 ევრო უნდა.

 

ტრამვაი №2
საქალაქო ტრანსპორტი, რომელიც ღირსშესანიშნაობაც გახდა და სამიმოხილვო ექსკურსიის ალტერნატივაც. ის პეშტის მხრიდან დუნაის ნაპირს მიუყვება და სწრაფად და იაფად ნახავთ ბუდას ყველაზე ნიშნურ ადგილებს.

 

სეჩენის აბანოები
ევროპის ყველაზე დიდი აბანო კომპლექსი, უნგრელების ნამდვილი სიამაყე. ჯადოსნური ადგილი 11 აუზითა და 3 საუნათი. ყველაზე პოპულარულია ღია აუზები თერმული წყლით (ზამთარშიც კი ტემპერატურა +27-38°С-ია). მუშაობს 6:00-დან 19:00 საათამდე. ფასი დაახლოებით 15 ევრო გამოდის.

 

გელერტის აბანოები
თუ სეჩენი ყველაზე პოპულარულია, გელერტი ყველაზე ლამაზია: მოზაიკის ფერადი ვიტრაჟებისა და მარმარილოს ქანდაკებების გარემოცვაში გეგონებათ, რომ ზღაპრულ სასახლეში ბანაობთ. სამუშაო საათები: 6:00-20:00 სთ. შესვლის ფასი 16 ევრომდეა.

 

 

პალატინუსის აბანოები
თუ წინა ორი კარგად არის გაპიარებული, ეს ძირითადად ადგილობრივებმა იციან. ამიტომ აქ უფრო ცოტა ხალხია დ ფასიც ნაკლებია – დაახლოებით 9 ევრო. თან ღია თერმული აუზები ნაკლები სულაც არ არის, მით უმეტეს აქ არის წყლის მთები და საბავშვო მოედანი.

წმინდა სტეფანის ბაზილიკა
ბუდაპეშტის ყველაზე დიდი ტაძარი, რომელიც ყურადღებას იპყრობს განუმეორებელი არქიტექტურით და გუმბათით, საიდანაც ბუდაზე არნახული ხედია. თუმცა ზემოთ მოხვედრა მარტივი არ არის – ხრახნულ კიბეს უნდა აუყვეთ.

 

ფეხსაცმელი სანაპიროზე
მემორიალი დუნაის სანაპიროზე. 60 წყვილი ბრინჯაოს ფეხსაცმელი – ქალების, მამაკაცების და ბავშვებისაც კი – იმაზე გახსენებს, თუ როგორ დახვრიტეს აქ მეორე მსოფლიო ომის დროს ებრაელთა ოჯახები. ერთ-ერთი ყველაზე სიმბოლური ძეგლია მსოფლიოში.

 

 

ბუდაპეშტის მუზეუმები

დედაქალაქის ძირითად მუზეუმებს შორისაა უნგრეთის ნაციონალური მუზეუმი (ძალიან საინტერესო და მრავალფეროვანი ექსპოზიციებია, დაწყებული უძველესი დროიდანდამთავრებული მეოცე საუკუნის მეორე ნახევრით), სამხატვრო მუზეუმი, ბუდაპეშტის ისტორიის მუზეუმი და საბუნებისმეტყველო ისტორიის ნაციონალური მუზეუმი, ეთნოგრაფიული მუზეუმი, ასევე ბელვაროშის სამრევლო, ხოლო ბუდას მთაზე სამეფო კომპლექსზე უკვე ვისაუბრეთ. როგორც წესი, მუზეუმები ღიაა 10:00-დან 18:00 საათამდე. ორშაბათის დასვენების დღეა. დაკეტვამდე ნახევარი საათით ადრე შესვლა წყდება. დიდ მუზეუმებში ექსკურსიები ტარდება უცხო ენებზე.

სხვათა შორის, არც ისე დიდი ხნის წინ გაიხსნა საპარიკმახერო ხელოვნებისადმი მიძღვნილი მუზეუმი – Fodraszmuzeum – სადაც 2 ათასზე მეტი ნივთია წარმოდგენილი.

ასევე აღნიშვნის ღირსია ტერორის მუზეუმი, რომელიც ადვილი მისახვედრია ტოტალიტარული რეჟიმის ტრაგიკულ პერიოდს ასახავს. შესვლა თავისუფალია.

მუზეუმი Miniversum
უჩვეულო მუზეუმი მხოლოდ 2014 წელს გაიხსნა. აქ ნახავთ მთელ უნგრეთს, ავსტრიას და გერმანიის ნაწილს, ოღონდ მინიატურებში. ექსპოზიციის დიდი ნაწილი ინტერაქტიულია. ასე რომ, შეგიძლიათ თავად გაუშვათ მატარებელი, ვერტმფრენი ან აამუშაოთ წისქვილი. ბილეთი დაახლოებით 6 ევრო ღირს.

 

რა ვნახოთ ბუდაპეშტის სიახლოვეს

თუ უნგრეთის სასახლეების ნახვა კიდევ გინდათ, ქალაქგარეთ გადით. გიოდელეში (Gödöllő) (30 კმ დედაქალაქიდან, მარტივია საქალაქთაშორისო მატარებლით მისვლა) ასევე არის სამეფო სასახლე (მე-18 საუკუნის პირველი ნახევარი).

სენტენდრეში (Szentendre) (20 კმ ბუდაპეშტიდან) ნახავთ მე-18 საუკუნის უამრავ ორიგინალურ ტაძარს, ღვინის, მარციპანის, კერამიკის მუზეუმებს, ასევე გამოჩენილი უნგრელი მხატვრების მუზეუმებს.

სავალდებულოთა შორისაა კოხტა ქალაქ ვაცის (უნგრეთის ბაროკოს მარგალიტი) მონახულება.

ვიშეგრადში (Visegrád) ნახავთ შუასაუკუნეების ციხესიმაგრის ნანგრევებს და კარგად შემონახულ შალამონის საგუშაგო კოშკს.

 

სეკეშფეხერვარი Székesfehérvár
მანძილი: 64 კმ

ქვეყნის უძველესი ქალაქი, სადაც საუკუნეების განმავლობაში აკურთხებდნენ და ასაფლავებდნენ უნგრეთის მეფეებს. ღირსშესანიშნაობები კომპაქტურად ეტევა კარგად შემონახულ ძველ ქალაქში.

ვესპრემი Veszprém
მანძილი: 121 კმ

მომხიბვლელი ქალაქი მდიდარი ისტორიით – აქ დაარსდა პირველი ეპისკოპატი და აქ არის წმინდა მიქაელის ტაძარი, სადაც უნგრეთის მეფეების კორონაცია მიმდინარეობდა.

 

ბალატონის ტბა Balaton
მანძილი: 135 კმ

 

 

ზღვაზე გასასვლელის არარსებობის კომპენსირებას ბალატონი ახდენს, რომელსაც ოპტიმისტებმა „უნგრეთის ზღვა“ უწოდეს, სკეპტიკოსებმა კი მცირე სიღრმის გამო „ცენტრალური ევროპის დიდი მდელო“. ბალატონი ძალიან თვალწარმტაცია. ტბის ერთ მხარეს ფეშტეტის ციხესიმაგრე მდებარეობს, ხოლო ტიჰანის ნახევარკუნძულზე ბენედიქტიანელების სააბატო. ტბის რაიონშია მრავალრიცხოვანი თერმული და მინერალური წყაროები. ასევე უნდა აღვნიშნოთ კესტჰეი – უძველესი ქალაქი ტბაზე, სადაც თავმოყრილია ყველაზე მეტი არქიტექტურული ღირსშესანიშნაობა.

 

პეჩი Pecs
მანძილი: 209 კმ

ამ პატარა ქალაქში გასაოცრად ბევრი ღირსშესანიშნაობაა – ძველქრისტიანული სამარხი, კათოლიკური ტაძრებით და თურქული მეჩეთებით დაწყებული თანამედროვე ხელოვნების გალერეებით, ღია ცის ქვეშ ფოტოგამოფენებითა და ქვიშრობული საბადოთი დამთავრებული.

 

დიორი Győr
მანძილი: 122 კმ

მყუდრო ძველი ქალაქი, რომლის ცენტრი სავსეა ლამაზი ეკლესიებით, სასახლეებით და უბრალოდ სიმპატიური სახლებით. ძირითადი ღირსშესანიშნაობებია: საკათედრო ტაძარი, ეპისკოპოსის ციხესიმაგრე, სეჩენის მთავარი მოედნის ანსამბლი.

 

ეგერი Eger
მანძილი: 137 კმ

პატარა ქალაქი ლამაზი არქიტექტურით. რად ღირს მარტო მისი ბაროკოს სასახლეები და ტაძრები, თურქული მინარეთი დასათვალიერებელი მოედნით და ნეოკლასიციზმის სტილის ბაზილიკა.

 

აგტელეკის ეროვნული პარკი aggteleki nemzeti park
მანძილი: 233 კმ

ეს ნაკრძალი დიდი ხანია იუნესკოს მსოფლიო მემკვიდრეობაა. პარკი განთქმულია თვალწარმტაცი მდელოებით, წიფლის ტყით და ძველი მღვიმეების ლაბირინთით, რომლითაც თეორიულად შესაძლებელია უნგრეთიდან სლოვაკეთში მოხვედრა.

 

წყარო: http://fortuna.ge/budapeshti-rchevebi-budapeshtshi-mogzaurobis-msurvelebs-fortunagidi/

ვრცლად ნახვა
error
ქალაქები ევროპაში, სადაც სანაპიროზე დასვენება ყველაზე იაფი

ცხელი სეზონი ახლოვდება და სულ უფრო იმატებს საზღვაო კურორტებზე დასვენების სურვილიც.  მზე, ზღვა, რუჯი, ცივი კოქტეილები და მუსიკა -  რა უნდა უნდოდეს ყოველდღიული რუტინისგან გადაღლილ ადამიანს, რომელსაც ერთი სული აქვს, მოშორდეს რეალობას და გარკვეული პერიოდი განტვირთვას დაუთმოს. 

დასვენება რომ კარგია, ამაზე არავინ დავობს, თუმცა, დასვენება, რომელიც ამავდროულად ხარჯების დაზოგვასთან ასოცირდება, კიდევ უფრო კარგად ჟღერს! რა ჯობია იმას, როცა ისვენებ, თანაც ისე, რომ საკუტქარი ბიუჯეტის ბოლომდე გახარჯვის არ გეშინია. 

მაშ ასე, გთავაზობთ ევროპის 10 ქალაქს, სადაც სანაპიროზე დასვენება იაფი დაგიჯდებათ:


სლანჩევ-ბრიაგი (მზიანი სანაპირო), ბულგარეთი - 43.44 ფუნტი (61.95 დოლარი)
ფინჯანი ყავა - 0.71 ფუნტი;
ბოთლი ადგილობრივი ლუდი - 0.71 ფუნტი; კოკა-კოლა - 0.95 ფუნტი;
ჭიქა ღვინო - 1.19 ფუნტი; 
1 ბოთლი წყალი - 0.38 ფუნტი;
მზისგან დამცავი საშუალება - 2.38 ფუნტი;
მწერებისგან დამცავი საშუალება - 2.38 ფუნტი; 
ორკერძიანი სადილი ორ პირზე - 8.56 ფუნტი; 
სამკერძიანი საღამოს კვება 1 ბოთლ სახლის ღვინო - 26.18 ფუნტი;

 

 

მარმარისი, თურქეთი - 56.88 ფუნტი (81.11დოლარი)
ფინჯანი ყავა - 1.40 ფუნტი;
ბოთლი ადგილობრივი ლუდი - 2.21 ფუნტი;
კოკა-კოლა - 1.30 ფუნტი;
ჭიქა ღვინო - 2.23 ფუნტი; 
1 ბოთლი წყალი - 0.24 ფუნტი;
მზისგან დამცავი საშუალება - 6.68 ფუნტი;
მწერებისგან დამცავი საშუალება - 1.86 ფუნტი; 
ორკერძიანი სადილი ორ პირზე - 9.31 ფუნტი; 
სამკერძიანი საღამოს კვება 1 ბოთლ სახლის ღვინო - 31.65 ფუნტი;



ალგარვე, პორტუგალია - 68.24 ფუნტი (97.31დოლარი)
ფინჯანი ყავა - 0.62 ფუნტი;
ბოთლი ადგილობრივი ლუდი - 0.98 ფუნტი;
კოკა-კოლა - 1.16 ფუნტი;
ჭიქა ღვინო - 1.11 ფუნტი; 
1 ბოთლი წყალი - 0.18 ფუნტი;
მზისგან დამცავი საშუალება - 4.45 ფუნტი;
მწერებისგან დამცავი საშუალება - 5.16 ფუნტი; 
ორკერძიანი სადილი ორ პირზე - 15.88 ფუნტი; 
სამკერძიანი საღამოს კვება 1 ბოთლ სახლის ღვინო - 38.70 ფუნტი;

 



კოსტა-დელ-სოლ, ესპანეთი - 71.55 ფუნტი (102.03 დოლარი) 
ფინჯანი ყავა - 1.25 ფუნტი;
ბოთლი ადგილობრივი ლუდი - 2.23 ფუნტი;
კოკა-კოლა - 1.69 ფუნტი;
ჭიქა ღვინო - 2.23 ფუნტი; 
1 ბოთლი წყალი - 0.35 ფუნტი;
მზისგან დამცავი საშუალება - 4.41 ფუნტი;
მწერებისგან დამცავი საშუალება - 2.76 ფუნტი; 
ორკერძიანი სადილი ორ პირზე - 16.05 ფუნტი; 
სამკერძიანი საღამოს კვება 1 ბოთლ სახლის ღვინო - 40.58 ფუნტი;

 



კრეტა, საბერძნეთი - 81.35 ფუნტი (116.01 დოლარი)
ფინჯანი ყავა - 2.23 ფუნტი;
ბოთლი ადგილობრივი ლუდი - 2.23 ფუნტი;
კოკა-კოლა - 2.23 ფუნტი;
ჭიქა ღვინო - 2.68 ფუნტი; 
1 ბოთლი წყალი - 0.45 ფუნტი;
მზისგან დამცავი საშუალება - 6.24 ფუნტი;
მწერებისგან დამცავი საშუალება - 1.96 ფუნტი; 
ორკერძიანი სადილი ორ პირზე - 21.41 ფუნტი; 
სამკერძიანი საღამოს კვება 1 ბოთლ სახლის ღვინო - 41.92 ფუნტი;

 

 


კოსტა-ბლანკა, ესპანეთი - 83.58 ფუნტი (119.19 დოლარი)
ფინჯანი ყავა - 1.34 ფუნტი;
ბოთლი ადგილობრივი ლუდი - 1.78 ფუნტი;
კოკა-კოლა - 1.34 ფუნტი;
ჭიქა ღვინო - 3.12 ფუნტი; 
1 ბოთლი წყალი - 0.49 ფუნტი;
მზისგან დამცავი საშუალება - 13.38 ფუნტი;
მწერებისგან დამცავი საშუალება - 4.46 ფუნტი; 
ორკერძიანი სადილი ორ პირზე - 21.41 ფუნტი; 
სამკერძიანი საღამოს კვება 1 ბოთლ სახლის ღვინო - 36.26 ფუნტი;

 

 

პაფოსი, კვიპროსი - 88.49 ფუნტი (126.19 დოლარი)
ფინჯანი ყავა - 2.68 ფუნტი;
ბოთლი ადგილობრივი ლუდი - 2.05 ფუნტი;
კოკა-კოლა - 2.23 ფუნტი;
ჭიქა ღვინო - 3.39 ფუნტი; 
1 ბოთლი წყალი - 0.24 ფუნტი;
მზისგან დამცავი საშუალება - 7.84 ფუნტი;
მწერებისგან დამცავი საშუალება - 5.49 ფუნტი; 
ორკერძიანი სადილი ორ პირზე - 20.51 ფუნტი; 
სამკერძიანი საღამოს კვება 1 ბოთლ სახლის ღვინო - 44.06 ფუნტი;

 



კორფუ, საბერძნეთი - 91.23 ფუნტი (130.09 დოლარი)
ფინჯანი ყავა - 2.23 ფუნტი;
ბოთლი ადგილობრივი ლუდი - 2.94 ფუნტი;
კოკა-კოლა - 1.78 ფუნტი;
ჭიქა ღვინო - 3.12 ფუნტი; 
1 ბოთლი წყალი - 0.89 ფუნტი;
მზისგან დამცავი საშუალება - 7.14 ფუნტი;
მწერებისგან დამცავი საშუალება - 6.24 ფუნტი; 
ორკერძიანი სადილი ორ პირზე - 21.41 ფუნტი; 
სამკერძიანი საღამოს კვება 1 ბოთლ სახლის ღვინო - 45.48 ფუნტი;

 

 

ზადარი, ხორვატია - 98.13 ფუნტი (139.93 დოლარი)
ფინჯანი ყავა - 1.49 ფუნტი;
ბოთლი ადგილობრივი ლუდი - 2.11 ფუნტი;
კოკა-კოლა - 2.11 ფუნტი;
ჭიქა ღვინო - 3.10 ფუნტი; 
1 ბოთლი წყალი - 0.74 ფუნტი;
მზისგან დამცავი საშუალება - 9.29 ფუნტი;
მწერებისგან დამცავი საშუალება - 4.96 ფუნტი; 
ორკერძიანი სადილი ორ პირზე - 17.34 ფუნტი; 
სამკერძიანი საღამოს კვება 1 ბოთლ სახლის ღვინო - 56.99 ფუნტი;

 


სლიმა, მალტა - 98.60 ფუნტი (140.60 დოლარი)
ფინჯანი ყავა - 1.34 ფუნტი;
ბოთლი ადგილობრივი ლუდი - 2.23 ფუნტი;
კოკა-კოლა - 1.78 ფუნტი;
ჭიქა ღვინო - 3.21 ფუნტი; 
1 ბოთლი წყალი - 1.25 ფუნტი;
მზისგან დამცავი საშუალება - 11.24 ფუნტი;
მწერებისგან დამცავი საშუალება - 2.89 ფუნტი; 
ორკერძიანი სადილი ორ პირზე - 26.76 ფუნტი; 
სამკერძიანი საღამოს კვება 1 ბოთლ სახლის ღვინო - 47.90 ფუნტი. 

 

 

 

წყარო: https://bpn.ge/finansebi/44500-qalaqebi-evropashi-sadac-sanapiroze-dasveneba-yvelaze-iafia.html?lang=ka-GE

ვრცლად ნახვა
error
სასტუმროს საშუალო ფასები საქართველოში

მარტში, საქართველოს მასშტაბით 3-ვარსკვლავიანი სასტუმროების საშუალო ფასმა1 132 ლარი შეადგინა. სამ ვარსკვლავიან სასტუმროთა შორის ყველაზე მაღალი დღიური განაკვეთი მცხეთა-მთიანეთის რეგიონში დაფიქსირდა (საშუალოზე 32%-ით მაღალი). 4-ვარსკვლავიანი სასტუმროების საშუალო ფასმა მარტში 230 ლარი შეადგინა. საშუალოდ ყველაზე ძვირი 4-ვარსკვლავიანი სასტუმროები მცხეთა-მთიანეთის რეგიონშია (საშუალოზე 19%-ით მაღალი). ბოლო ხუთი თვის განმავლობაში, რეგიონებს შორის, როგორც 3-ვარსკვლავიან, ასევე 4-ვარსკვლავიან სასტუმროთა ყველაზე მაღალი საშუალო ფასები მცხეთა-მთიანეთის რეგიონში ფიქსირდება. აღსანიშნავია, რომ სტატისტიკის ეროვნული სამსახურის ბოლო მონაცემებით, რეგიონებს შორის ყველაზე მაღალი საშუალოთვიური ანაზღაურება-735.5 ლარი სასტუმროებისა და რესტორნების სექტორში მცხეთა-მთიანეთში დაფიქსირა (2016 წელს). ასევე, საქართველოს ტურიზმის ეროვნული ადმინისტრაციის კვარტალური ანგარიშების მიხედვით, ბოლო სამი წლის მონაცემებით, შიდა ვიზიტორების მიერ დასვენების მიზნით ყველაზე ხშირად მონახულებულ რეგიონებს შორის, აჭარის შემდეგ, მცხეთა-მთიანეთი ლიდერობს. 5-ვარსკვლავიან სასტუმროთა საშუალო ფასმა 2018 წლის მარტის თვეში 378 ლარი შეადგინა. თბილისში, ამ ტიპის სასტუმროებში, სტანდარტული 2-ადგილიანი ნომრის საშუალო ფასმა 580 ლარი შეადგინა, კახეთში - 416 ლარი, აჭარაში - 255 ლარი, ხოლო სამცხე-ჯავახეთში - 349 ლარი. საოჯახო ტიპის სასტუმროების2 საშუალო ფასმა მარტში 74 ლარი შეადგინა, ყველაზე მაღალი ფასი საოჯახო ტიპის სასტუმროებში ქვემო ქართლის და გურიის რეგიონებში დაფიქსირდა.

 

 

წყარო: http://www.bm.ge/ka/article/sastumros-sashualo-fasebi-saqartveloshi/18639

ვრცლად ნახვა
error
ქართული ავიაბაზრის 10 უმსხვილესი კომპანია დასახელდა

2018 წლის იანვარ-მარტში საქართველოში რეგულარულ ავიარეისებს 36 კომპანია ასრულებდა. რეისები მსოფლიოს 43 მიმართულებით ხორციელდებოდა. ამ სამ თვეში საქართველოს აეროპორტებმა ჯამში 839 612 მგზავრი გადაიყვანეს. 

Forbes-ის ქართულმა გამოცემამ ოფიციალურ მონაცემებზე დაყრდნობით ქართული ავიაბაზრის 10 უმსხვილესი ავიაკომპანია დაასახელა. ეს ავიაკომპანიებია (საანგარიშო პერიოდი მოიცავს იანვარ-მარტს) :

1. Turkish Airlines - 101 314 მგზავრს მოემსახურა;

2. Georgian Airways - 93 333 მგზავრი;

3. Wizz Air - 73 156 მგზავრი;

4. Fly Dubai - 53 575 მგზავრი;

5. უკრაინული UIA - 52 507 მგზავრი;

6. Aeroflot - 37 651 მგზავრი; 

7. Siberia Airlines (S7) - 37 553 მგზავრი;

8. Zagros Airlines - 33 552 მგზავრი;

9. Pobeda Airlines - 31 814 მგზავრი;

10. Pegasus - 31 814 მგზავრი.

რაც შეეხება ავიამიმართულებებს:

1. სტამბოლის მიმართულებით წლის სამ თვეში 142 578 მგზავრი გაფრინდა;

2. მოსკოვის მიმართულებით 125 595 მგზავრი გაფრინდა;

3. თეირანის მიმართულებით 92 190 მგზავრი გაფრინდა;

4. კიევის მიმართულებით 70 190 მგზავრი გაფრინდა;

5. დუბაის მიმართულებით 53 103 მგზავრი გაფრინდა.

ვრცლად ნახვა
error
უცხოეთში დასაქმების მსურველთათვის, საქართველოში სპეციალური ბაზა შეიქმნება

უცხოეთში დასაქმების მსურველთათვის საქართველოში სპეციალური ბაზა შეიქმნება. ამის შესახებ ინფორმაციას ჯანდაცვის სამინისტროს შრომისა და დასაქმების პოლიტიკის დეპარტამენტის უფროსი, ელზა ჯგერენაია ავრცელებს. 

კერძოდ, მისი თქმით, მუშაობენ ერთიანი ბაზის ჩამოყალიბებაზე, სადაც ყველა მსურველის მონაცემები მოთავსდება, რომ უცხოელმა დამქირავებელმა იპოვოს, წაიყვანოს და დაასაქმოს.

„ჯერ მხოლოდ მესამე წელია ცირკულარული (შრომითი) მიგრაციის პროექტი დაიწყო. უშუალოდ ცირკულარულ მიგრაციაზე საკითხი ჯანდაცვის სამინისტროს შრომისა და დასაქმების პოლიტიკის დეპარტამენტმა ჩაიბარა. ქვეყანამ ჩამოაყალიბა მიგრაციის ეროვნული სტრატეგია, რომელიც აერთიანებს რამდენიმე უწყებას. მაგალითად, შარშან გერმანიამ მსგავსი პროექტით ექთნები წაიყვანა და ენის კურსიც კი დაუფინანსა. ხშირია მოთხოვნა სასტუმრო ბიზნესში, ადმინისტრატორის და ბარმენის პოზიციაზე. კომპიუტერის მცოდნენიც სჭირდებათ ზოგჯერ.

ბუნებრივია ჩვენ ვერ გავაჩერებთ თუ ვინმეს სურს წასვლა და მერე იქ არალეგალად დარჩენა, მაგრამ უმნიშვნელოვანესია პოტენციური ემიგრანტებისა და უკვე ემიგრაციაში მყოფი საქართველოს მოქალაქეების ინფორმირება მათი უფლებების შესახებ. ამიტომ მოვუწოდებთ მათ გამგზავრებამდე წინასწარ მიიღონ ინფორმაცია. რაც შეეხება ცირკულარულ (შრომით) მიგრაციას, ნებისმიერ მსურველს შეუძლია სამინისტროში წარმოადგინოს განაცხადი, გაიაროს კონსულტაცია და ჩვენ დავეხმარებით, რომ ეს ადამიანები არ აღმოჩდნენ კაბალურ პირობებში. Worknet- ში შეუძლიათ დარეგისტრირდნენ ასევე, მათ შორის უცხოეთში სამსახურის მაძიებლები. ამასთან, ვმუშაობთ ერთიანი ბაზის ჩამოყალიბებაზე, სადაც ყველა მსურველის მონაცემები მოთავსდება, რომ უცხოელმა დამქირავებელმა იპოვოს, წაიყვანოს და დაასაქმოს,“-აღნიშნა ჯგერენაიამ.

 

 

წყარო:  bpn.ge

ვრცლად ნახვა
error
გადაყვანილ მგზავრთა 32% სამ ავიაკომპანიაზე მოდის

გადაყვანილ მგზავრთა რაოდენობის მიხედვით საქართველოს ავიაბაზარზე სამი ავიაკომპანია Turkish Airways, Georgian Airways და Wizz Air ლიდერობს. 



„საქართველოს გაერთიანებული აეროპორტების“ მონაცემებით, Turkish Airways - მა მიმდინარე წლის პირველ კვარტალში 101 314 მგზავრი გადაიყვანა, Georgian Airways -მა - 93 333, Wizz Air-მა კი 73 156. სამივე ავიაკომპანიის მიერ გადაყვანილი მგზავრების რაოდონობა, მგზავრთნაკადის მთლიან მოცულობაში 32



ამ სამეულის შემდეგ ლიდერობენ: Fly Dubai ( 53 575 მგზავრი), UTA (52 507 ), Aeroflot (37 651 ), S7 (37 553 ), Zagros Airlines ( 33 552 ), Pobeda Airlines ( 32 725 ), Pegasus Airlines ( 31 814) , Ural Airlines ( 30 990), Qatar Airways ( 25 807 ), Air Arabia ( 25 070 ), Qeshm Air ( 20 328) და Azal (18 571). 

ვრცლად ნახვა
error
ბერძნული ELLINAIR-ი თბილისის მიმართულებით რეგულარულ რეისებს შეასრულებს

ბერძნული ავიაკომპანია ELLINAIR-ი თბილისის მიმართულებით რეგულარულ რეისებს შეასრულებს.

 

რეგულარული რეისები თბილისის საერთაშორისო აეროპორტიდან სალონიკის და კუნძული კრეტას მიმართულებით მაისიდან განახლდება.

ფრენა AIRBUS 320 და BOEING 737 ტიპის თვითმფრინავებით 22 მაისიდან თბილისი-სალონიკი-თბილისის მიმართულებით კვირაში ერთხელ, სამშაბათობით განხორციელდება. 14 ივნისიდან კი რეისები კვირაში ორჯერ – სამშაბათობით და ხუთშაბათობით შესრულდება.

 

ერთი გზის ბილეთის ფასი 297 ლარიდან, ორის - 591 ლარიდან დაიწყება.

 

14 ივნისიდან თბილისის საერთაშორისო აეროპორტიდან რეისები კუნძული კრეტას მიმართულებით დაინიშნება.

ჰერაკლიონის მიმართულებით რეისები კვირაში ერთხელ, ხუთშაბათობით შესრულდება. ორმხრივი ბილეთის ფასი 765 ლარი იქნება.

ავიაბილეთის ფასში შედის: 8 კგ ხელბარგი; 20 კგ ბარგი; კვება ბორტზე; გამაგრილებელი და ალკოჰოლური სასმელები; აეროპორტში რეგისტრაციის გავლა.

 

წყარო 

ვრცლად ნახვა
error
საქართველოში დაბალბიუჯეტიანი ავიაკომპანია Flynas შემოდის

საქართველოს საავიაციციო ბაზარზე დაბალბიუჯეტიანი ავიაკომპანია Flynasშემოდის. ავიაკომპანიას რეგულარული საავიაციო მიმოსვლის განხორციელებისთვის აუცილებელი ნებართვა დღეს მიენიჭა.

ეკონომიკისა და მდგრადი განვითარების სამინისტროს სამოქალაქო ავიაციის სააგენტოს ინფორმაციით, კომპანია მიმდინარე წლის 1 ივნისიდან დაიწყებს რეგულარულ ავიამიმოსვლას.

რეისები თბილისის საერთაშორისო აეროპორტის მიმართულებით რიადიდან, დამამიდან და ჯედადან შემდეგი განრიგით შესრულდება:

  • დამამი-თბილისი-დამამი - 1 ივნისიდან, კვირაში 3 სიხშირით (სამშაბათი, ხუთშაბათი და შაბათი);
  • ჯედა-თბილისი-ჯედა - 2 ივნისიდან, კვირაში 4 სიხშირით (სამშაბათი, ხუთშაბათი, შაბათი და კვირა);
  • რიადი-თბილისი-რიადი - 3 ივნისიდან, კვირაში 4 სიხშირით (ორშაბათი, სამშაბათი, პარასკევი და კვირა)

ფრენები Airbus A320 ტიპის საჰაერო ხომალდით განხორციელდება.

 

წყარო: on.ge

ვრცლად ნახვა