წლის პირველ კვარტალში საქართველომ ტურიზმიდან 561 მლნ დოლარი მიიღო. წლის დასაწყისიდან შემოსავალი ყველაზე მეტად მარტში გაიზარდა და მან 237 მლნ დოლარი შეადგინა, რაც გასული წლის ანალოგიურ პერიოდს 57 მლნ დოლარით აღემატება. 

სულ გასულ წელს საქართველომ ტურიზმიდან $2.7 მილიარდის შემოსავალი მიიღო. 

შეგახსენებთ, რომ მარტში საქართველოში საერთაშორისო ვიზიტორების რაოდენობა წინა წლის ანალოგიურ პერიოდთან შედარებით, 13%-ით გაიზარდა, ამავე პერიოდში ტურისტების რაოდენობა 33%-ით გაიზარდა

 ქართველებს ქვეყანაში ყველაზე მეტად გერმანელი და ამერიკელი ტურისტების შემოსვლა სურთ. ამის შესახებ IPM-ის კვლევაშია ნათქვამი. 
კვლევის ფარგლებში, საქართველოში და სომხეთში 1200-მა რესპონდენტმა უპასუხა კითხვას - თუ რომელი ქვეყნებიდან ისურვებდნენ ტურისტთა ნაკადის შემოსვლას მათ ქვეყანაში. 

საქართველოში გასულ წელს ყველაზე მეტი ტურისტი მეზობელი ქვეყნებიდან შემოვიდა. ვიზიტორთა შორის ლიდერობენ სომხები, ასევე, აზერბაიჯანელები და თურქები. კვლევის მიხედვით კი, ამ ქვეყნებიდან საქართველოში ტურისტების შემოსვლას შესაბამისად გამოკითხულთა - 16%, 20% და 16% მომხრე ჰყავს. აღსანიშნავია, რომ მეზობელ ქვეყნებს შორის, ქართველებისთვის, კერძოდ, გამოკითხულთა 32%-სთვის ყველაზე სასურველი რუსი 

ტურისტების მიღება აღმოჩნდა. ზოგადად კი, ქართველ რესპონდენტებს ყველაზე მეტად გერმანელი (47%), ამერიკელი (47%) და ფრანგი (44%) ტურისტების მასპინძლობა სურს. ამასთან, გამოკითხულთა მხოლოდ 2% აღნიშნავს, რომ ტურისტების შემოსვლას არც ერთი ქვეყნიდან არ ისურვებდა. ( რესპონდენტებს შეეძლოთ ერთზე მეტი პასუხის დაფიქსირება. რის გამოც, პასუხების ჯამი 100%-ზე მეტია),“-აღიშნულია კვლევაში.  

წყარო: https://bpn.ge/finansebi/44356-romeli-qveynebidan-surth-turistebis-shemosvla-saqarthveloshi.html?lang=ka-GE

ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანების“ ინფორმაციით, 2018 წლის 3 თვის მონაცემებით, საქართველოს აეროპორტების მიერ, რეგულარული და ჩარტერული რეისების შედეგად, გადაყვანილ იქნა 839,612 მგზავრი, რაც 36 % აღემატება წინა წლის ანალოგიურ პერიოდს (621,240 მგზავრი). 

მგზავრთნაკადის ზრდის მაღალი მაჩვენებელი დაფიქსირდა საქართველოს სამივე საერთაშორისო აეროპორტში: 

2018 წლის 3 თვის განმავლობაში, თბილისის საერთაშორისო აეროპორტი 724,024 მგზავრს მოემსახურა, რაც 37 % მეტია წინა წლის ანალოგიურ პერიოდთან შედარებით (528, 145 მგზავრი). 

ქუთაისის საერთაშორისო აეროპორტში 2018 წლის პირველ კვარტალში მგზავრთნაკადი 15 % გაიზარდა. თუ წინა წლის ანალოგიურ პერიოდში დავით აღმაშენებლის სახელობის აეროპორტი 67,892 მგზავრს მოემსახურა, წელს ამ მაჩვენებელმა 78, 020 მგზავრი შეადგინა. 

რეკორდული ზრდის ტემპი შენარჩუნებულია ბათუმის საერთაშორისო აეროპორტში. 2018 წლის პირველ კვარტალში ალექსანდრე ქართველის სახელობის საერთაშორისო აეროპორტის მეშვეობით 36, 762 მგზავრმა ისარგებლა. რაც 55 % მეტია შარშანდელ ანალოგიურ პერიოდთან შედარებით (23,696 მგზავრი). 
რაც შეეხება ადგილობრივ აეროპორტებს, მესტიისა და ამბროლაურის აეროპორტებით, 2018 წლის პირველ კვარტალში 806 მგზავრმა ისარგებლა. 2018 წლის პირველი სამი თვის მონაცემებით, ადგილობრივ აეროპორტებში ჯამში 50 რეისი შესრულდა. 

წყარო: bm.ge

ავიაკომპანია Wizz Air საქართველოდან რუმინეთის მიმართულებით რეისებს იწყებს. ქუთაისი-ბუქარესტის ახალ დაბალბიუჯეტიან მარშრუტს კომპანია 2018 წლის 3 ივლისიდან იწყებს და ფრენებს კვირაში სამჯერ: სამშაბათს, ხუთშაბათსა და შაბათს განახორციელებს. ბილეთების დაჯავშნა უკვე შესაძლებელია. 

ქუთაისიდან რუმინეთის დედაქალაქის, ბუქარესტის მიმართულებით მგზავრებს ერთ-ერთ ყველაზე თანამედროვე და ახალ ეარბასის ტიპის თვითმფრინავი მოემსახურება. 

Wizz Air-ის მგზავრებისთვის ამავე წელს ხელმისაწვდომი გახდება 9 ახალი რეისი- ვენის, რომის, ბარსელონას, ათენის, პრაღის, პარიზის, ვროცლავის, რიგისა და ბუქარესტის მიმართულებით.

 საქართველოს დიდი ტურისტული პოტენციალი რომ აქვს, ამაზე არა მარტო საქართველოში, არამედ მსოფლიოს უკვე ბევრ ქვეყანაში საუბრობენ. ტურიზმის ინდუსტრიით თავმომწონე ქვეყნის მოქალაქეები თამამად აღიარებენ, რომ საქართველო ტურისტებისთვის ერთ-ერთი ყველაზე მიმზიდველი ქვეყანაა და აქ მოგზაურობა მათთვის მრავალფეროვანია.  

მაგალითად, ერთ-ერთ ბრიტანულ ვებ-გვერდზე, The  Culture trip, აღწერილია საქართველოს ულამაზესი კუთხეები და ქალაქები, რომლებიც ტურისტებმა აუცილებლად უნდა მოინახულონ. 

„საქართველოს ათი ულამაზესი ქალაქი“- ასე ჰქვია სტატიას, რომელშიც აღწერილია ქვეყნის სხვადასხვა საუკეთესო ადგილი, თბილისის გარდა.

გამოცემა საქართველოს შესახებ რამდენიმე სახასიათო ინფორმაციას წერს, მათ შორის ღვინის კულტურისა და ქართველების სტუმართმოყვარეობის შესახებ. სტატიაში საუბარია, რომ ქვეყანაში შუასაკუნისდროინდელი ბევრი ქალაქია.

გამოცემა მკითხველს სთავაზობს იმ 10 ქალაქის ჩამონათვალს (თბილისის გარდა), რომელსაც ტურისტი საქართველოში მოგზაურობის დროს უნდა ეწვიოს.

ეს ქალაქებია:

1. მცხეთა

2. გორი

3. ქუთაისი

4. სტეფანწმინდა

5. თელავი

6. სიღნაღი

7. ბორჯომი

8. ზუგდიდი

9. მესტია

10. ბათუმი

წყარო: https://bpn.ge/finansebi/44301-10-qalaqi-romlis-nakhvasac-saqarthveloshi-mogzaurobisas-turistebs-urcheven.html?lang=ka-GE 

Businessinsider-მა Postoffice-co.uk-ის მონაცემებზე დაყრდნობით ევროპის 10 ქალაქი წარმოადგინა, სადაც შვებულების გატარება ყველაზე იაფი დაგიჯდებათ. 
სულ გამოკითხულია 36 ქვეყანა. ფასები კი ადგილობრივი ტურისტული სააგენტოებისა და სასტუმროების გამოყენებითაა შედგენილი. 

მოცემულ ფასებში შედის - 3-ვარკვლავიანი სასტუმროს ორი ღამე ორ ადამიანზე, ასევე ორ ადამიანზე სამჯერადი კვება, ყავა, ლუდი და ტრანსპორტი. 

კრაკოვი, პოლონეთი - 164.80 ფუნტი (232.62 დოლარი)
ფინჯანი ყავა: 1.79 ფუნტი
ერთი ბოთლი ლუდი: 1.57 ფუნტი
სამჯერადი კვება ორ ადამიანზე ერთი ბოთლი სახლის ღვინით: 42.72 ფუნტი
ტრანსფერი ავტობუსით აეროპორტიდან ქალაქის ცენტრამდე: 3.58 ფუნტი
48 საათიანი მგზავრობის ბარათი: 5.37 ფუნტი
ორი ღამე სამჯერადი კვებით, ორ ადამიანზე: 78.00 ფუნტი

ვილნიუსი, ლიტვა - 165.53 ფუნტი (233.65 დოლარი)
ფინჯანი ყავა: 1.36 ფუნტი
ერთი ბოთლი ლუდი: 2.26 ფუნტი
სამჯერადი კვება ორ ადამიანზე ერთი ბოთლი სახლის ღვინით: 42.69 ფუნტი
ტრანსფერი ავტობუსით აეროპორტიდან ქალაქის ცენტრამდე: 1.27 ფუნტი
48 საათიანი მგზავრობის ბარათი: 9.06 ფუნტი
ორი ღამე სამჯერადი კვებით, ორ ადამიანზე: 89 ფუნტი

რიგა, ლატვია -172.17 ფუნტი ( 243.03 დოლარი)
ფინჯანი ყავა: 2.72 ფუნტი
ერთი ბოთლი ლუდი: 2.72 ფუნტი
სამჯერადი კვება ორ ადამიანზე ერთი ბოთლი სახლის ღვინით: 65.53 ფუნტი
ტრანსფერი ავტობუსით აეროპორტიდან ქალაქის ცენტრამდე: 2.08 ფუნტი
48 საათიანი მგზავრობის ბარათი: 9.05 ფუნტი
ორი ღამე სამჯერადი კვებით, ორ ადამიანზე: 62 ფუნტი

ვარშავა, პოლონეთი -180.53 ფუნტი ( 254.83 დოლარი)
ფინჯანი ყავა: 2.24 ფუნტი
ერთი ბოთლი ლუდი: 1.79 ფუნტი
სამჯერადი კვება ორ ადამიანზე ერთი ბოთლი სახლის ღვინით: 42.50 ფუნტი
ტრანსფერი ავტობუსით აეროპორტიდან ქალაქის ცენტრამდე: 1.97 ფუნტი
48 საათიანი მგზავრობის ბარათი: 5.37 ფუნტი
ორი ღამე სამჯერადი კვებით, ორ ადამიანზე: 94 ფუნტი

ბუდაპეშტი, უნგრეთი - 183.51 ფუნტი (259.03 დოლარი)
ფინჯანი ყავა: 1.68 ფუნტი
ერთი ბოთლი ლუდი: 1.53 ფუნტი
სამჯერადი კვება ორ ადამიანზე ერთი ბოთლი სახლის ღვინით: 44.08 ფუნტი
ტრანსფერი ავტობუსით აეროპორტიდან ქალაქის ცენტრამდე: 2.45 ფუნტი
48 საათიანი მგზავრობის ბარათი: 12.71 ფუნტი
ორი ღამე სამჯერადი კვებით, ორ ადამიანზე: 84 ფუნტი

მოსკოვი, რუსეთი - 199.64 ფუნტი (281.80 დოლარი)
ფინჯანი ყავა: 2.17 ფუნტი
ერთი ბოთლი ლუდი: 3.53 ფუნტი
სამჯერადი კვება ორ ადამიანზე ერთი ბოთლი სახლის ღვინით: 47.91 ფუნტი
ტრანსფერი ავტობუსით აეროპორტიდან ქალაქის ცენტრამდე: 13.57 ფუნტი
48 საათიანი მგზავრობის ბარათი: 5.63 ფუნტი
ორი ღამე სამჯერადი კვებით, ორ ადამიანზე: 80 ფუნტი

პრაღაში, ჩეხეთი - 199.86 ფუნტი ( 282.11 დოლარი)
ფინჯანი ყავა: 2.06 ფუნტი
ერთი ბოთლი ლუდი: 1.35 ფუნტი
სამჯერადი კვება ორ ადამიანზე ერთი ბოთლი სახლის ღვინით: 47.22 ფუნტი
ტრანსფერი ავტობუსით აეროპორტიდან ქალაქის ცენტრამდე: 2.39 ფუნტი
48 საათიანი მგზავრობის ბარათი: 8.23 ფუნტი
ორი ღამე სამჯერადი კვებით, ორ ადამიანზე: 93 ფუნტი

ათენი, საბერძნეთი - 200.42 ფუნტი (282.90 დოლარი)
ფინჯანი ყავა: 2.26 ფუნტი
ერთი ბოთლი ლუდი: 3.44 ფუნტი
სამჯერადი კვება ორ ადამიანზე ერთი ბოთლი სახლის ღვინით: 37.11 ფუნტი
ტრანსფერი ავტობუსით აეროპორტიდან ქალაქის ცენტრამდე: 10.86 ფუნტი
48 საათიანი მგზავრობის ბარათი: 8.15 ფუნტი
ორი ღამე სამჯერადი კვებით, ორ ადამიანზე: 90 ფუნტი

ლისაბონი, პორტუგალია - 208.85 დოლარი (294.80 დოლარი)
ფინჯანი ყავა: 1.36 ფუნტი
ერთი ბოთლი ლუდი: 1.81 ფუნტი
სამჯერადი კვება ორ ადამიანზე ერთი ბოთლი სახლის ღვინით: 47.07 ფუნტი
ტრანსფერი ავტობუსით აეროპორტიდან ქალაქის ცენტრამდე: 5.43 ფუნტი
48 საათიანი მგზავრობის ბარათი: 11.86 ფუნტი
ორი ღამე სამჯერადი კვებით, ორ ადამიანზე: 99 ფუნტი

ლილე, საფრანგეთი - 208.95 ფუნტი (294.94 დოლარი)
ფინჯანი ყავა: 2.62 ფუნტი
ერთი ბოთლი ლუდი: 5.34 ფუნტი
სამჯერადი კვება ორ ადამიანზე ერთი ბოთლი სახლის ღვინით: 57.02 ფუნტი
ტრანსფერი ავტობუსით აეროპორტიდან ქალაქის ცენტრამდე: 9.05 ფუნტი
48 საათიანი მგზავრობის ბარათი: 7.87 ფუნტი
ორი ღამე სამჯერადი კვებით, ორ ადამიანზე: 95 ფუნტი

ისრაელში, თელ-ავივის აეროპორტში ორი სამგზავრო თვითმფრინავი ერთმანეთს შეეჯახა. შემთხვევის შედეგად არავინ დაშავებულა და ყველა მგზავრის ევაკუაცია დროულად მოხდა.

უცხოური მედიის ინფორმაციით, Germania-ს თვითმფრინავი აფრენას აპირებდა, რა დროსაც ის El Al-ის თვითმფრინავს კუდით დაეჯახა.

აეროპორტის ადმინისტრაციის წარმომადგენლების თქმით, მომხდარზე გამოძიება დაწყებულია და მიზეზები დადგინდება.

tabula.ge

დღეს საქართველოს მოქალაქეებისთვის შენგენის ზონაში უვიზო მიმოსვლის ამოქმედებიდან 1 წელი გავიდა. ევროკავშირთან ვიზალიბერალიზაციის ამოქმედებიდან დღემდე, უვიზო რეჟიმით საქართველოს 192 ათასზე მეტმა მოქალაქემ ისარგებლა. თითოეულმა მოქალაქემ საზღვარი რამდენჯერმე გადაკვეთა, შესაბამისად, დაფიქსირებულია საზღვრის 250 ათასზე მეტი კვეთა. ამასთან, ერთი წლის განმავლობაში, შენგენის ზონაში შესვლაზე უარი საქართველოს 1001 მოქალაქეს უთხრეს.

სტოკჰოლმში გამართულ „Skytrax World Airport Awards 2018“-ზე თბილისის საერთაშორისო აეროპორტი აღმოსავლეთ ევროპის ერთ-ერთ საუკეთესო აეროპორტად ზედიზედ მეხუთედ დასახელდა.

მგზავრთა გამოკითხვის შედეგად – ბუდაპეშტის, ტალინის, კიევის ბორისპოლის, ბუქარესტის, რიგის, ბელგრადის, თბილისის, ბრატისლავას სოფიას და სკოპიეს საერთაშორისო აეროპორტები – 2018 წლის აღმოსავლეთ ევროპის 10 საუკეთესო აეროპორტად დასახელდნენ.

Skytrax გავლენიანი ბრიტანული საკონსულტაციო კომპანიაა, რომელიც 1999 წლიდან მსოფლიოს აეროპორტებსა და ავიაკომპანიებში მომსახურების ხარისხს იკვლევს და აფასებს. World Airport Awards“-ი მსოფლიოს 106 სხვადასხვა ეროვნების, 13 მილიონზე მეტი მგზავრის მიერ 550 აეროპორტის შეფასებას ეფუძნება. გამოკითხვის ფარგლებში მგზავრები აეროპორტის სერვისს აფასებენ.

Wizz Air-ი ქუთაისის აეროპორტიდან 6 ახალ მიმართულებას ამატებს.

პირველი რეისი რიგის მიმართულებით რამდენიმე დღის წინ შესრულდა. როგორც კომპანიაში განმარტავენ, მომავალში Wizz Air-ი ქუთაისის ბაზაზე კიდევ 6 ახალ მიმართულებას და ერთ ეარბასის ტიპის თვითმფრინავს ამატებს.

ავიაკომპანია რიგის (ლატვია) მიმართულებით ფრენას კვირაში ორჯერ, ოთხშაბათსა და კვირას განახორციელებს. ბილეთების ფასი 114,99 ლარიდან იწყება.

imedinews.ge

იმ ქვეყნების ჩამონათვალს, სადაც საქართველოს მოქალაქეებს უზივოდ გამგზავრება შეუძლიათ, კიდევ ერთი სახელმწიფო შეემატა. სურვილის შემთხვევაში, საქართველოს მოქალაქეებს უვიზოდ ალბანეთში გამგზავრება უკვე შეუძლიათ. საგარეო საქმეთა სამინისტროს მიერ მოწოდებული ინფორმაციის თანახმად, აღმოსავლეთ ევროპის ამ ქვეყანასთან უვიზო რეჟიმი 28 თებერვალს ამოქმედდა. ინფორმაცია საგარეო საქმეთა სამინისტროს ოფიციალურ გვერდზე უკვე განახლდა.

უწყების ინფორმაციით, საქართველოს მოქალაქე, რომელიც ალბანეთის რესპუბლიკაში მიემგზავრება, შეუძლია, ვიზის გარეშე შევიდეს და დარჩეს ალბანეთის რესპუბლიკის ტერიტორიაზე 90 დღე ნებისმიერი 180 დღის განმავლობაში. ამისთვის მას მხოლოდ პასპორტი დასჭირდება. 

ალბანეთის რესპუბლიკის საგარეო საქმეთა სამინისტროს ოფიციალურ ვებ-გვერდზე ნათქვამია, რომ საუდის არაბეთის, ბელარუსის, საქართველოს, კატარის, ომანისა და

რუსეთის მოქალაქეებს ალბანეთის რესპუბლიკაში C კატეგორიის ვიზის გარეშე შესვლა შეუძლიათ, რომელიც ქვეყანაში მოკლევადიან (3 თვე) ყოფნას ითვალისწინებს და ძირითადად ტურისტული დანიშნულება აქვს.

allnews.ge

2019 წლისთვის რაჭაში სხვადასხვა კატეგორიის რამდენიმე დაცული ტერიტორია შეიქმნება. ამის შესახებ  დაცული ტერიტორიების სააგენტოს თავმჯდომარემ დავით მარკოზაშვილმა განაცხადა. 
მისივე თქმით, ტერიტორიების შესწავლა აქტიურად მიმდინარეობს, შემოდგომაზე კი კანონპროექტი უკვე პარლამენტს წარედგინება. 

„რაჭას აუცილებლად ექნება ეროვნული პარკი და რამდენიმე ბუნების ძეგლი. სტატუსი დაცულ ტერიტორიებს სავარაუდოდ, 2018 წლის ბოლოს ან 2019 წლის დასაწყისში მიენიჭება. ახლა აქტიური სამუშაოები მიმდინარეობს, შემოდგომაზე კი კანონპროექტი პარლამენტს წარედგინება“, - განუცხადა „ბიზნესპრესნიუსს“ დავით მარკოზაშვილმა. 

მისივე თქმით, დაცული ტერიტორია დაიწყება ონის რაიონიდან და დასრულდება ამბროლაურის რაიონში. კითხვაზე, თუ რა ფართობზე იქნება დაცული ტერიტორია და რა იქნება მისი ბიუჯეტი, მარკოზაშვილი განმარტავს,რომ ამას ბუნების დაცვის მსოფლიო ფონდის (WWF) კავკასიის წარმომადგენლობის მიერ დაფინანსებული კვლევა აჩვენებს. მისი ინფორმაციით, სად რომელი სტატუსი შეიქმნება, ეს დამოკიდებული იქნება ფონური კვლევების დასკვნის შემდეგ. კვლევები გერმანიის მთავრობის მიერ გამოყოფილი გრანტით ფინანსდება და მისი ბიუჯეტი 1.5 მილიონ ევროს აღემატება.

პროექტის საბოლოო მიზანი დაცული ტერიტორიების იურიდიული დაარსებაა. დაცული ტერიტორიები შექმნისთანავე სამართავად დაცული ტერიტორიების სააგენტოს გადაეცემა.

ამჟამად საქართველოში 88 სხვადასხვა კატეგორიის დაცული ტერიტორიაა: 14 სახელმწიფო ნაკრძალი, 11 ეროვნული პარკი, 42 ბუნების ძეგლი, 19 აღკვეთილი და 2 დაცული ლანდშაფტი. დაცული ტერიტორიებისსაერთო ფართობი 600 597 ჰექტარია, რაც ქვეყნის ტერიტორიის 8 პროცენტია.

bpn.ge

 

ამერიკულმა სამოგზაურო ვებგვერდმა, რომელიც მოიცავს ინფორმაციას სასტუმროების, რესტორნების და მსოფლიოს სხვადასხვა მიმართულებების შესახებ, 2018 წლის საუკეთესო ტურისტული მიმართულებები დაასახელა. როგორც აქამდე აღგვინიშნავს "ტრიპადვაისორი" თავის ოფიციალურ ვებ.გვერდზე ატარებს კვლევებს და გამოკითხვებს მოგზაურებსა და თავგადასავლების მოყვარულებში, სწორედ ერთ-ერთმა ასეთმა კვლევამ გამოავლინა 2018 წლის ყველაზე სასურველი მიმართულებები, მაშ ასე:

1.პარიზი, საფრანგეთი 

სასტუმროს დღიური ხარჯი - 231 დოლარი
ყველაზე იაფი თვე - აგვისტო (8%-იანი შეღავათი)

2.ლონდონი, დიდი ბრიტანეთი

სასტუმროს დღიური ხარჯი - 266 დოლარი
ყველაზე იაფი თვე - აპრილი (4%-იანი შეღავათი)

3.რომი, იტალია

სასტუმროს დღიური ხარჯი - 190 დოლარი
ყველაზე იაფი თვე - აგვისტო (8%-იანი შეღავათი)

4.ბალი, ინდონეზია 

სასტუმროს დღიური ხარჯი - 155 დოლარი
ყველაზე იაფი თვე - აპრილი (8%-იანი შეღავათი)

5. კრეტა, საბერძნეთი

სასტუმროს დღიური ხარჯი - 169 დოლარი
ყველაზე იაფი თვე - ოქტომბერი (36%-იანი შეღავათი)

6.ბარსელონა, ესპანეთი 

სასტუმროს დღიური ხარჯი - 231 დოლარი
ყველაზე იაფი თვე - ნოემბერი (15%-იანი შეღავათი)

7. პრაღა, ჩეხეთი 

სასტუმროს დღიური ხარჯი - 147 დოლარი
ყველაზე იაფი თვე - ნოემბერი (12%-იანი შეღავათი)

8. მარაქეში, მაროკო

სასტუმროს დღიური ხარჯი - 175 დოლარი
ყველაზე იაფი თვე - ივნისი (9%-იანი შეღავათი)

9.სტამბოლი, თურქეთი

სასტუმროს დღიური ხარჯი - 109 დოლარი
ყველაზე იაფი თვე - მაისი (9%-იანი შეღავათი)

10. ნიუ-იორკი, ამერიკა

სასტუმროს დღიური ხარჯი - 406 დოლარი
ყველაზე იაფი თვე - აგვისტო (4%-იანი შეღავათი)
 

 გაერო აქვეყნებს ბენდიერების მსოფლიო რეიტინგს  (World Happiness Report),სადაც ქვეყნები რანგირებულია მოქალაქეთა კეთილდღეობის დონის მიხედვით.

კვლევის დროს შესწავლილია ისეთი კრიტერიუმები, როგორიცაა მშპ, სიცოცხლის ხანგძლივობა, ადამიანის უფლებების დაცვის დონე, დასაქმების გარანტიები, კორუფციის დონე, საზოგადოებრივი აზრის გამოკითხვის შედეგები. 

მაშ ასე, 10 ყველაზე ბენდიერი ქვეყანის სია ასე გამოიყურება :

1.ფინეთი

დიდი ხნის მანძილზე ფინეთის უპირატესობა იყო და რჩება პოლიტიკური სტაბილურობა, ეკონომიკის ღიაობა, კაგრად განვითარებული ინფრასტრუქტურა და ასევე ბიზნესის მაღალი დონის ურთიერთქმედება სამეცნიერო ცენტრებთან და უნივერსიტეტებთან. ამის გარდა,  ფინეთის კონკურენტუნარიანობას ხელს უწყობს ისეთი ფაქტორები, როგორიცაა ტექნოლოგიების სწრაფი ათვისება, მოსახლეობის განათლების მაღალი დონე, კარგი ბიზნეს-კლიმატი.

2.ნორვეგია

ჩრდილოეთ ევროპაში ნავთობის და გაზის უმსხვილესი მწარმოებელი, ნორვეგია მუდმივად შედის საცხოვრებლად საუკეთესო ქვეყანების სიაში. სანავთობო ფონდებში აკუმულირებული თანხენი ხმარდება მომავალი თაობების განვითარებას.  ქვეყანა გამოირჩევა დაბალი ინფლაციით (3%) და ასევე უმუშევრობის დაბალი მაჩვენებლით - 3%.

3. დანია

ყველაზე სამხრეთული ქვეყანა სკანდინავიაში. მაღალგანვითარებული აგრარულ-ინდუსტრიული სახელმწიფო.

4. ისლანდია

ქვეყნის მთავრობა ახორციელებს ალუმინის ქარხნების მშენებლობის  მასშტაბურ პროგრამას. ისლანდიაში ასევე აქტიურად ვითარდება ბიოტექოლოგიები, საბანკო სექტორი, საინფორმაციო ტექნოლოგიები და ტურიზემი. დასაქმების სტრუქტურით ისლანდია გამოიყურება როგორც განვითარებული ინდუსტრიული ქვეყანა. ბოლო წლებში ხდება  ეკონომიკის დივერსიფიცირება იაფი განახლებადი ენერგიის საფუძველზე.

5. შვეიცარია

მსოფლიოს ერთ-ერთი ყველაზე განვითარებული და მდიდარი ქვეყანა, ძლიერი ინდუსტრიით, სოფლის მეურნებოთ და თითქმის ყოველგვარი ბუნებრივი რესურსების გარეშე. შედის მსოფლიოს 10 ყველაზე კონკურენტუნარიანი ქვეყნების სიაში. ასევე მუდმივად ხდება ყველაზე მაღალი ცხოვრების დონის მქონე სახელმწიფოთა რიცხვში.

6. ჰოლანდია

ქვეყნის ეკონომიკას გააჩნია კარგი რეპუტაცია ცნობილი კომპანიების და კონცერნების გამო - ისეთების, როგორიცაა Philips.ცხოვრების დონე ჰოლანდიაში ძალიან მაღალია, ამიტომაც ის მუდმივად იკავებს მოწინავე პოზიციებს ყველა საერთაშორისო რეიტინგში.

7. კანადა

ერთ-ერთი ყველაზე მდიდარი ქვეყანა მსოფლიოში, დიდი შვიდეულის წევრი. Heritage Foundation-ის შეფასებით,  ეკონომიკური თავისუფლების დონე კანადაში უფრო დაბალია ვიდრე აშშ-ში, თუმცა ევროპის ქვეყნების უმრავლესობასათან შედარებით - საკმაოდ მაღალია. ეკონომიკური ინტეგრაცია შტატებთან საგრძნობლად გაიზარდა მე-2 მსოფლიო ომის შედმეგ.

8. ახალი ზელანდია

განვითარებული ქვეყანა, რომლის ეკონომიკის საფუძველია სოფლის მეურნეობა, გადამამუშავებელი მრეწველობა და ტურიზმი. წარმოება ძირითადად ორიენტირებულია ექსპორტზე - უმსხვილესი სავაჭრო პარტნიორებია აშშ, იაპონია და ჩინეთი. ახალი ზელანდია იღებს მაღალ შეფასებებს სხვადასხვა საერთაშორისო რეიტინგში - ცხოვრებვის დონით, ბიზნესის წამოების სიმარტივით და ა.შ.

9. შვედეთი

ქვეყნის მოსახლეობა შეადგენს 10 მლნ. ადამიანს, თუმცა, ამის მიუხედავად, შვედეთში შეიქმნა და ფუნქციონირებს 50 გლობალური კომპანია - მაგალითად, Volvo, Saab, IKEA, Bang and Olfsen და ა.შ. ქვეყანაში ძალიან მაღალია ინოვაციების დონე, ინფრასტურქტურა ძალიან მაღალგანვითარებული და თანამედროვეა, ასევე შვედეთი გამოირჩევა კვალიფიცირებული კადრებით.

10. ავსტრალია

მსოფლიოს მე-13 ეკონომიკა, იკავებს მე-6 ადგილს მსოფლიოში ერთ სულ მოსახლეზე მშპ-ს მიხედვით. ქვეყანა იკავებს მე-2 ადგილს მსოფლიოში ადამიანური პოტენციალის განვითარების ინდექსში და ლიდერობს მრავალ სფეროში. მაგალითად, ცხოვრების ხარისხი, ჯანდაცვა, განათლება, ეკონომიკური თავისუფლება, ადამიანის უფლებები.

commersant