ირანული ავიაკომპანია Aseman Airlines-ის თვითმფრინავმა, რომელიც თეირანიდან იასუჯში მიფრინავდა ისპაჰანის პროვინციაში ქალაქ სემირომის რაიონში ავიაკატასტროფა განიცადა. ავიაკატასტროფის შედეგად ყველა მგზავრი დაიღუპა. აღნიშნული ინფორმაცია ავიაკომპანიამ დაადასტურა. დაზუსტებული ინფორმაციით, თვითმფრინავში 66 ადამიანი იმყოფებოდა, მათ შორის ერთი ბავშვი.

 

როგორც აქამდე აღმინიშნავს, მთელი წლის განმავლობაში სხვადასხვა ორგანიზაციები უამრავი ტიპის კვლევებს აწარმოებენ მოგზაურობასთან დაკავშირებით. ეს იქნება სასტუმროები, რომანტიკული ადგილები, ლამაქი ქუჩები, ზამთრის აქტივობები, ულამაზესი ქალაქები, საუკეთესო სამზარეულო და სხვ. ამჯერად ბრიტანული სამოგზაურო გამოცემა „ტაიმაუტი“  City Life Index-ის რეიტინგს გვთავაზობს, ეს კვლევა  მსოფლიოს საუკეთესო გასართობ ქალაქებს უკავშირდება. ექსპერტებმა 32 ქალაქი შეისწავლეს. რეიტინგის შედგენისას 15 ათასზე მეტი ტურისტის მოსაზრება გაითვალისწინეს. მაშ ასე, ვნახოთ რას გვირჩევენ გამოცდილი რედაქტორები და როგორ გამოიყურება ტოპ 10 ქალაქი:

1. ჩიკაგო, ამერიკა

2. პორტო, პორტუგალია

3. ნიუ-იორკი, ამერიკა

4. მელბურნი, ავსტრალია

5. ლონდონი, ინგლისი

6. მადრიდი, ესპანეთი

7. მანჩესტერი, ინგლისი

8. ლისაბონი, პორტუგალია

9. ფილადელფია, ამერიკა

10. ბარსელონა, ესპანეთი.

რეიტინგში ასევე შევიდნენ-პარიზი, მოსკოვი, სტამბოლი, ლოს-ანჯელესი, სიდნეი, დუბაი, ბერლინი, ედინბურგი, თელ ავივი, ოსტინი, მეხიკო, შანხაი, სან ფრანცისკო, ტოკიო, ციურიხი, ვაშინგტონი, ბანგკოკი, ჰონგ კონგი,მაიამი, ბოსტონი და სინგაპური.

ბორჯომ-ბაკურიანის მატარებელი, ე.წ. კუკუშკა მოძრაობისას რელსებიდან გადავიდა, - ამის შესახებ ინფორმაციას ბაკურიანის მუნიციპალიტეტის წარმომადგენელი გოჩა გობრონიძე პირველ არხს უდასტურებს. შემთხვევის შედეგად არავინ დაშავებულა. მატარებლის ბორბალი ლიანდაგებს შორის ჩავარდა და მიზეზი ჯერჯერობით დაუდგენელია. მგზავრებს  საფასური უკან დაუბრუნდათ და სხვა ტრანსპორტი მოემსახურათ. საქართველოს რკინიგზის ინფორმაციით, მოძრაობა დღესვე აღდგება. 

ბოლო პერიოდში, რამდენჯერმე გავრცელდა ინფორმაცია ევროკავშირის ქვეყნების საზღვრიდან ქართველების ჯგუფურად გამობრუნების შესახებ. საგარეო საქმეთა სამინისტროს ცნობით, მიზეზად შენგენის წევრი სახელმწიფოების მესაზღვრეები მოუწესრიგებელ დოკუმენტებს ასახელებენ. მოგზაურთა სხვადასხვა ჯგუფებში თავად გამობრუნებული მგზავრებიც წერენ, რომ პრობლემა ძირითადად გაუქმებულმა ჯავშანმა, დასაბრუნებელი ბილეთის არქონამ ან სახარჯო ფულის ნაკლებობამ გამოიწვია.

რა დოკუმენტები გვჭირდება იმისთვის, რომ ევროკავშირის საზღვრიდან არ გამოგვაბრუნონ

ვიზალიბერალიზაციის ამოქმედებამდეც და მას შემდეგაც, აქტიური საინფორმაციო კამპანია მიმდინარეობდა უვიზო მიმოსვლით სარგებლობისთვის სავალდებულო საბუთების შესახებ. ესენია - ბიომეტრიული პასპორტი, უკან დასაბრუნებელი ბილეთი, სასტუმროს ან ბინის ჯავშანი, ფინანსური უზრუნველყოფის დოკუმენტი - ნაღდი ფული, საბანკო ბარათი, დაფინანსების ცნობა, თუ სტუმრად მიდიხართ - მასპინძლის საგარანტიო წერილი, ასევე, სამოგზაურო დაზღვევა. საქმიან შეხვედრებში მონაწილეობის შემთხვევაში - მოწვევა.

უკან დასაბრუნებელი ბილეთი

სამოგზაურო ჯგუფებში ხშირად კითხულობენ, საზღვარზე უკვე ნაყიდი ბილეთი სჭირდებათ თუ ჯავშანიც საკმარისია. არა, ჯავშანი საკმარისი არ არის. თუ უვიზოდ მოგზაურობის ფარგლებში მესაზღვრემ უკან დასაბრუნებელი ბილეთი მოგთხოვათ და არ გქონდათ, ეს შესაძლოა, ქვეყანაში შესვლაზე უარის თქმის საფუძველი იყოს.

მოგზაურობის მსურველებს კითხვები აქვთ იმის შესახებაც, მაგალითად, როდესაც უკან დასაბრუნებელი ბილეთის რეგისტრაცია (Check in) ჯერ არ არის გახსნილი, რა აჩვენონ მესაზღვრეს. შეგიძლიათ ამობეჭდოთ ელექტრონულ ფოსტაზე მოსული ინფორმაცია ბილეთის დეტალების შესახებ. მოქმედია თუ არა ბილეთი, ამის გაგებას სურვილის შემთხვევაში მესაზღვრე გვარით და ჯავშნის კოდით შეძლებს.

სასტუმროს ჯავშანი

ერთერთი მიზეზი, რის გამოც ბოლო პერიოდში საქართველოს მოქალაქეებს საზღვრიდან აბრუნებენ, სასტუმროს გაუქმებული ჯავშანია. გახშირდა შემთხვევები, როდესაც მესაზღვრეები რეკავენ სასტუმროში, რა დროსაც თუ აღმოჩნდა, რომ სასტუმრო გაუქმებულია და ჯავშანი მოქმედი არ არის, მგზავრს ქვეყანაში შესვლაზე უარს ეუბნებიან. ჯავშნის გაუქმებას ძირითადად ორი მიზეზი აქვს. 1. თავად მგზავრი აუქმებს წასვლამდე ჯავშანს იმედით, რომ მესაზღვრე მხოლოდ ამობეჭდილი დოკუმენტით დაკმაყოფილდება. მისი მიზანი მხოლოდ მესაზღვრისთვის სავალდებულო საბუთის ჩვენებაა და სასტუმროში მისვლას არ აპირებს რამდენიმე მიზეზის გამო - უფრო იაფფასიან საცხოვრებელში უნდა დარჩენა, რომლის ჯავშანიც არ აქვს, არალეგალურად მყოფ ახლობელთან რჩება ან სხვა გეგმა აქვს. 2. სასტუმრო დაჯავშნილია უფასო გაუქმებით, ხოლო სისტემაში ბარათი არ არის მიერთებული ან მასზე თანხა არ არის. ვიზიტის დილას ან შუადღის შემდეგ, სასტუმრო ცდილობს თანხის ნაწილის ჩამოჭრას ან შემოწმებას, ბარათი არის თუ არა მოქმედი. იმის გამო, რომ ქუთაისიდან ზოგიერთი რეისი საღამოს სრულდება და Check in-ის დაწყების შემდეგ, ვიზიტორი არ ჩანს, სასტუმრო ჯავშანს აუქმებს. 

ამ მიზეზით რომ არ გაგიუქმოთ სასტუმრომ ჯავშანი, ჯობს, ან პირდაპირ იყიდოთ წასვლამდე ანუ წინასწარ გადაიხადოთ სრული თანხა. ხოლო თუ ადგილზე გადახდა გირჩევნიათ, მოქმედი ბარათი მიაბით ჯავშანს - თუ სასტუმრო ცდის თანხის დაბლოკვას, მასზე ფული უნდა დახვდეს. 

ახლობელთან სტუმრობა

თუ შენგენის წევრ ქვეყნებში ყოფნის დროს, თქვენს მეგობართან ან ახლობელთან დარჩენას აპირებთ, ამ შემთხვევაში, სასტუმროს ან ბინის ჯავშანი არ დაგჭირდებათ. მესაზღვრეს უნდა აჩვენოთ ევროკავშირის ტერიტორიაზე ლეგალურად მცხოვრები პირის პირადობის/ბინადრობის დამადასტურებელი დოკუმენტის ასლი, მისი მისამართი და ტელეფონის ნომერი.

თუმცა, ამ შემთხვევაში თქვენ უნდა გქონდეთ სახარჯო ფული - დღეზე 50 ევრო. ხშირად ეს ეშლებათ და რაკი ნათესავთან მიდიან, მესაზღვრეს ეუბნებიან, რომ მისი მასპინძელი აანაზღაურებს პირად ხარჯებს. ისინი სავიზო კონტროლის ოფიცერს მხოლოდ დამხვედრის პირადობის/ბინადრობის დამადასტურებელი დოკუმენტის ასლს, მისამართს და ტელეფონის ნომერს აძლევენ, რაც საკმარისი არ არის და რამდენიმე შემთხვევა გასაჯაროვდა, როცა ამის გამო, მგზავრი საზღვრიდან გამოაბრუნეს.

თუ თქვენ საკმარისი ფული არ გაქვთ და თქვენს ხარჯებს ევროკავშირში მცხოვრები ახლობელი ანაზღაურებს, მან უნდა შეავსოს სპეციალური ფორმა, რაზეც ყველა ქვეყანას განსხვავებული მოთხოვნა აქვს. ზოგს მხოლოდ ხელმოწერილი საგარანტიო წერილი ყოფნის, ზოგს - განაცხადი მერიიდან, ასე რომ, ეს კონკრეტული ქვეყნის საელჩოში უნდა გაარკვიოთ.

თანხა

"აუცილებელია, რომ დღეზე 50 ევრო მქონდეს? იქნებ, მე 20 ევრო მყოფნის" - მსგავსი ტიპის კითხვებს ხშირად სვამენ სამოგზაურო ჯგუფებში. კი, აუცილებელია და ამ 50 ევროს საცხოვრებლის გარეშე ანგარიშობენ. ანუ თუ გადაუხდელი ჯავშანი გაქვთ, შესაძლოა, იმის ფული ცალკე მოგთხოვონ. უკვე ხშირია შემთხვევა, როცა მესაზღვრე ნაღდი ფულის დათვლას ითხოვს. თუ თანხა ან მისი ნაწილი ბარათზე გაქვთ, შეგიძლიათ, ინტერნეტბანკით აჩვენოთ, ან თუ აუცილებელი გახდა, ბანკომატიდან ქვითარი ამობეჭდოთ.

სამოგზაურო დაზღვევა

ვიზალიბერალიზაციის ფარგლებში, სამოგზაურო დაზღვევა უნდა გქონდეთ იმდენ დღეზე, რამდენი დღითაც აპირებთ შენგენის ქვეყნებში გაჩერებას. მართალია, ამ დოკუმენტს იშვიათად ამოწმებენ, მაგრამ თუ მოითხოვეს, შესაძლოა, თქვენი ქვეყანაში არშეშვების მიზეზი გახდეს. მისი გაკეთება ონლაინაც შეგიძლიათ და 1 დღე 50 თეთრიდან იწყება.

სხვა მიზეზები

საქართველოს მოქალაქეს ევროკავშირის/შენგენის წევრ ქვეყანაში შესვლაზე უარს ეტყვიან, თუ:

• საფრთხეს უქმნის ევროკავშირის/შენგენის რომელიმე წევრი ქვეყნის საზოგადოებრივ წესრიგსა და ჯანმრთელობას ან შიდა უსაფრთხოებას;
• ნასამართლევია ევროკავშირის/შენგენის წევრ ნებისმიერ ქვეყანაში სისხლის სამართლის ისეთი დანაშაულისთვის, რომელიც ითვალისწინებს თავისუფლების აღკვეთას 1 წელზე მეტი ვადით;
• არსებობს დანაშაულებრივ საქმიანობაში მისი მონაწილეობის ან ასეთი განზრახვის შესახებ უტყუარი მტკიცებულებები;
• აკრძალული აქვს ევროკავშირის ტერიტორიაზე შესვლა ან არსებობს გადაწყვეტილება მისი გაძევების შესახებ (შენგენის ერთიანი სისტემა).

რა შეიძლება გკითხოთ მესაზღვრემ

ევროკავშირის საზღვარზე პირველ რიგში მესაზღვრეს მხოლოდ ბიომეტრიული პასპორტი უნდა აჩვენოთ. დამატებითი დოკუმენტები მხოლოდ მოთხოვნის შემთხვევაში წარადგინეთ.

მესაზღვრემ შესაძლოა გკითხოთ მგზავრობის მიზანი, რისი დასაბუთებაც უნდა შეძლოთ. შესაძლოა, ისიც კი გკითხოთ, რის ნახვას აპირებთ კონკრეტულ ქალაქში.

თუ რამდენიმე ქვეყანაში გეგმავთ მოგზაურობას ანუ ევროტურს, შიდა გადაადგილების ბილეთები სავალდებულო არა, თუმცა, სასურველი ნამდვილად არის. მინიმუმ, კითხვებზე დასაბუთებული პასუხის გაცემა უნდა შეძლოთ - სად მიდიხართ, რამდენი ხნით, რა ტრანსპორტით და, რა თქმა უნდა, ისევ და ისევ, მზად უნდა გქონდეთ ყველა ქალაქში სასტუმროს მოქმედი ჯავშანი. გარდა ამისა, გაითვალისწინეთ, რომ სახარჯო ფულის დაანგარიშებისას (დღეზე 50 ევრო) დიდი ალბათობით, შიდა მგზავრობის დაახლოებით საფასურსაც მოგთხოვენ.

რას ითვალისწინებს უვიზო მიმოსვლა და რა სანქციებია მისი დარღვევის შემთხვევაში

ბოლოს, შეგახსენებთ, რომ ევროკავშირთან უვიზო მიმოსვლა არ გულისხმობს მუშაობის უფლებას და არც ხანგრძლივად დარჩენას ითვალისწინებს. ვიზალიბერალიზაციის ფარგლებში, შენგენის ქვეყნებში მოგზაურობა, მეგობრების და ახლობლების მონახულება შეგიძლიათ ყოველ 180 დღეში 90 დღის ვადით. იმ შემთხვევაში, თუ შენგენის ზონაში ყოფნის 90-დღიან რეჟიმს დაარღვევთ, თქვენ ავტომატურად ჩაითვლებით არალეგალად, გემუქრებათ 5-წლიანი დეპორტი და შესაძლოა, 3 000 ევროთიც დაჯარიმდეთ. 

გარდა ამისა, საქართველოს მთავრობა სანქციების გამკაცრებას აპირებს და თუ ახლა არალეგალებს თავიანთი ხარჯებით არ უწევთ რეადმიისიის ფარგლებში ქვეყანაში დაბრუნება, ცვლილებების განხორციელების შემდეგ, თავად მოუწევთ საქართველოში დასაბრუნებელი ავიაბილეთის შეძენა.

ვიზალიბერალიზაცია 2017 წლის 28 მარტს ამოქმედდა. 4 დეკემბრის მონაცემებით, ევროკავშირთან უვიზო მიმოსვლით 174 102-მა მოქალაქემ ისარგებლა. 

wyaro:tabula.ge

სხვადასხვა ბიზნეს და ტურისტული გამოცემები, ავიაკომპანიები თუ უბრალოდ ცნობილი ბლოგები სხვადასხვა ტიპის გამოკითხვევს ატარებენ მსოფლიოს ქვეყნებთან დაკავშირებით. ერთ-ერთი ასეთი კვლევა, რომელიც მიზნად ისახავს გაზაფხულზე ყველაზე რომანტიკული ქვეყნების და ქალაქების გამოვლენას ავიაბილეთების ძიების სერვისის Aviasales-ის ანალიტიკოსებმა გააკეთეს. სიაში ჩვენი ქვეყნის დედაქალაქი თბილისიც მოხვდა.

ქალაქების ჩამონათვალი ასე გამოიყურება:

1 - პარიზი, საფრანგეთი 

2 - ბანგკოკი, ტაილანდი

3 - ვენეცია, იტალია

4 - სტამბოლი, თურქეთი 

5 - ერევანი, სომხეთი

6 - ბარსელონა, ესპანეთი

7 - თბილისი, საქართველო

8 - ბერლინი, გერმანია

9 - პრაღა, ჩეხეთი

10 - რუსეთი, მოსკოვი

სანამ თქვენს საოცნებო ტურნეს დაიწყებთ შვეიცარიის ალპებში, ან „სანტიაგო ბერნაბეუზე“ თქვენი საყვარელი კლუბის მატჩს დაესწრებით, ან სულაც ფლორენციაში ტოსკანურ ღვინოს დააგემოვნებთ და დონატელოს დავითის ცქერით დატკბებით სხვადასხვა მნიშვნელოვვანი დეტალის ორგანიზება მოგიწევთ.

მოგზაურობის დაგეგმვა, ერთ-ერთი რთული და ყურადსაღები პროცესია. თუ გინდათ რომ თავად მხოლოდ ბარგის ჩალაგებაზე იზრუნოთ  Oktravel-ს მიმართეთ და ჩვენი ტურ-ოპერატორები თქვენს საოცნებო მოგზაურობას ხარისხიანად, ყველა დეტალის გათვალისწინებით დაგიგეგმავენ! მაშ ასე, რა არის საჭირო მოგზაურობისთვის?

1.მოწესრიგებული დოკუმენტები- (დარწმუნდით, რომ თქვენი პასპორტი აქტიურია, წინასწარ იზრუნეთ ვიზაზე)

2.გათვლილი ბიუჯეტი-სანამ სასურველ გეზს აიღებდეთ ფასებს გადახედეთ, შეადარეთ თქვენ მიერ განსაზღვრულ თანხას. თუ თქვენი ბიუჯეტი სასურველ ლოკაციას ვერ აკმაყოფილებს ჩვენი ოპერატორები დაგეხმარებიან და შეგარჩევინებენ ოპტიმალურ ვარიანტს. არ დაგავიწყდეთ, რომ ჩვენთან მოქმედებს შიდა-0%-იანი განვადება.

3.დანიშნულების ადგილი- შეარჩიეთ ადგილი, რომლის მონახულებაც გსურთ, მოიძიეთ ყველანაირი სახის ინფორმაცია (ისტორიაზე, კულტურაზე, გართობაზე, შემეცნებაზე)

4.წინასწარ დაგეგმილი მარშრუტი- განსაზღვრეთ როგორი ტიპის მოგზაურობა გსურთ, ეს იქნება ექსკურსია, ინდივიდუალური ტური, ლაშქრობა, ბანაკი თუ სხვ.

5.ბილეთების შეძენა- დაჯავშნეთ წინასწარ, ან შეიძინეთ სასურველ დროს, ჩვენი გუნდი დაგეხმარებათ ბილეთების გონივრულ და შეღავათიან შეეძენაში.

6.საცხოვრებელი ადგილის დაჯაშნა- მოგზაურობისა და დასვენების მოყვარულები დიდ მნიშვნელობას ანიჭებენ იმას, თუ სად იცხოვრებენ მოგზაურობის პერიოდში; სად იქნება მათი სასტუმრო/ჰოსტელი/ვილა -  ქალაქის ცენტრში, გარეუბანში, მთებთან ახლოს თუ ზღვის პირას- ჩვენი კომპანია გთავაზობთ სასურველი საცხოვრებლის დაჯავშნას მსოფლიოს ნებისმიერი მიმართულებით.

7.სამოგზაურო დაზღვევა-საზღვარგარეთ მოგზაურობის დროს მცირე დოზით, მაგრამ მაინც არსებობს ჯანმრთელობის მდგომარეობის მოულოდნელი გაუარესების რისკები, ამიტომ, ყოველთვის, როცა სადმე გამგზავრებას გადაწყვეტთ, გაითვალისწინეთ, რომ აუცილებლად დაგჭირდებათ სამოგზაურო დაღვევის პოლისი. წინააღმდეგ შემთხვევაში, შესაძლოა წააწყდეთ ისეთ პრობლემას, როგორიც არის გაუთვალისწინებელი ხარჯები, რაც დამემოწმებით, არც თუ სასიამოვნო რამაა. ჩვენი კომპანია  გთავაზობთ როგორც ერთჯერად, ისე მრავალჯერადი მოხმარების სამოგზაურო დაზღვევის პოლისს.

8.გიდის მომსახურება-მოგზაურობა სრულყოფილი და საინტერესო რომ იყოს, საჭიროა ამა თუ იმ ადგილის შესახებ, რომელსაც ეცნობი, მიიღო სრული ინფორმაცია. იცოდე მისი ისტორია, კულტურა, ტრადიციები, ადათ-წესები; სხვაგვარად, შენი მოგზაურობა მშრალი, უინტერესო და ერთფეროვანი გახდება.- Oktravel-ი გთავაზობთ გიდის მომსახურებას მსოფლიოს ნებისმიერი მიმართულებით.

9.ადგილობრივი ტრანსპორტის საშვის დაჯავშნა-ქალაქებსა და ქვეყნებს შორის გადაადგილება დამატებითი ხარჯია, რომლისგან თავის არიდებაც თქვენ წინასწარ სამგზავრო ბარათების შეძენით შეგიძლიათ.

10.ბარგის ჩალაგება-თქვენ ისღა დაგრჩენიათ ადგილის, სეზონის და ამინდის შესაბამისი ტანისამოსი ჩაალაგოთ და მოემზადოთ თავბრუდამხვევი „ვოიაჟისთვის“. Oktravel.ge პოზიტიურ მოგზაურობას გისურვებთ!

ხშირად, ქუჩები, ისეთ შთამბეჭდავ და ამაღელვებელ ისტორიებს ინახავენ, შესაძლოა ცოცხალ მუზეუმადაც კი მოვნათლოთ. დახვეწილი არქიტექტურა, გემოვნებით მოწყობილი აივნებიანი სახლები, ღია კაფეები, ვიტრინებს მომდგარი ელეგანტურ ტანისამოსში გამოწყობილი „მანეკენები“, თეთრად შეღებილი მიმები,  თანამედროვეობისა და სიძველის კომპოზიციური შერწყმა-აი რა მოსწონთ ქუჩებში სეირნობისას.

ამერიკულმა ბიზნეს-ანალიტიკურმა გამოცემა „businessinsider“-მა მსოფლიოს ქალაქების 30 შთამბეჭდავი, განსხვავებული და უნიკალური ქუჩა გამოკვეთა. მოდი, ვნახოთ, როგორ გამოიყურება სტატიის ტოპ 15 მიმზიდველი ქუჩა:

1.მაროკო, მარაკეჩი- „შეფერილი“ ქალაქის ყველაზე ფერადი და გამორჩეული ქუჩაა  „მედინა“, სადაც კედლები შუა საუკუნეებისაა, რომელიც გადავსებულია ტურისტული სუვენირებით, სურნელოვანი საკვებით, სუნელებით. მედინაზე ყოველ ნაბიჯზე სტუმართმოყვარე და მეგობრულ ადამიანებს შეხვდებით.

2.კუბა,ჰავანა- პასტელურ ფერებში შეღებილი სახლები, ფერადი ვინტაჟური მანქანები და გაცვეთილი ქუჩები ურთიერთგამომრიცხავ ელემენტებს შეიცავს, რომელიც ჰარმონიულ ლანდშაფტს ქმნის.

3.ტაივანი, ტაიბეი-ჯიუფენი პატარა მთაგორიანი სოფელია, რომელიც ტაივანის ქალაქ ტაიბეის რაიონში მდებარეობს. იგი ცნობილია რიყის ქვისგან მოპირკეთებული გზებით, განსაცვიფრებელი ოკეანის ხედებით და ქუჩის განათებებით.

4. საბერძნეთი, სანტორინი ცისფერგუმბათოვანი ეკლესიები, თეთრად შეღებილი კედლები, პრიზმატული გზები  და კაშკაშა ოკეანის  ხედები  სანტორინისთვისაა დამახასიათებელი. სანტორინი რომანტიკული ქალაქია.

5.კოლუმბია, კარტახენა- დაივიწყეთ პარიზი-კარტახენა არის ქალაქი, სადაც სიყვარული და რომანები ჩაკეტილი კაფსულიდან გამოდის. ქალაქის ქუჩები კოლუმბიისათვის დამახასიათებელი ფერადი ექსტერიერით  და ტემპერამენტიანი მოსახლეობით გამოირჩევა.

6.იაპონია, კიოტო- იაპონიის ძველი დედაქალაქი, რომელისთვისაც დამახასიათებელია აყვავებული ბაღები, ისტორიული ტაძრები და სალოცავები.

7.თურქეთი, ალაჩათი- შეღებილი სახლები და ქუჩები ალაჩათს დამალულ საგანძურად წარმოაჩენს. სამხატვრო გალერეები და ბუტიკები, მთელი თავისი ვიწრო და სასიამოვნო გზებით, ლურჯ-მწვანედ შეღებილი სახლები ქალაქს შთაბმეჭდავ იერს აძლევს.

8.იტალია, უმბრია- ხშირად იტალიის მწვანე გულსაც უწოდებენ. მისი მდებარეობა უნიკალურია, რადგან რეგიონში ერთადერთია, რომელსაც არც სანაპირო არ აქვს და ასევე არც ერთ ქვეყანას არ ესაზღვრება. ადვილად მიხვალ, როგორც რომიდან, ასევე ფლორენციიდანაც. შუა საუკუნეების ქუჩები, ხშირი ფირუზისფერი ტყეები და უნიკალური ღვინო უმბრიას სავიზიტო ბარათია.

9.ცენტრალური ამერიკა, ბელიზი-მიუხედავად, რომ ქალაქი კრიმინალის მაღალი დონით გამოირჩევა, მისი ქუჩები კოლონიური სახლებითა და დახვეული გზებით ძალიან შთამბეჭდავია.

10.ჩინეთი. სუჩოუ- უაღრესად რომანტიული ქალაქი, რომელიც აღმოსავლეთ ჩინეთში მდებარეობს. მიუხედავად იმისა, რომ ქალაქის ისტორიული შენობები თანამედროვე შენობებმა ჩაანაცვლა, ის მაინც ინარჩუნებს სილამაზეს თავისი ჰარმონიული პავილიონებით, ბაღებითა და წყლის არხებით.

11. პარიზი, საფრანგეთი-ულამაზეს პარიზში ყველაზე გამორჩეული ადგილი მარტის მთაა, სადაც თქვენ ნახავთ მოკირწყლულ ქუჩებს, ცოცხალ მოედნებს და ფერადზოლიან სარდაფებს. გარდა ამისა, აქედან შესანიშნავი ხედი იშლება.

12. ესპანეთი, ბარსელონა- თუ სხვა ქალაქებში ხელოვნების სანახავად მუზეუმებში სიარულია საჭირო, ბარსელონას ელეგანტური ქუჩები თავად გაზიარებენ ხელოვნებას და კულტურას.

13. ინდოეთი, ჯაისალმერი- მეტსახელად „ოქროს ქალაქი“. ის ცნობილია წვითელი ქვის შენობებით და სავაჭრო ფერადი ქუჩებით.

14.ბრაზილია, ბაია-ქალაქი ბაიას ქუჩები აფრიკისა და პორტუგალიის გავლენის ნაზავია. ამ ქალაქში მოხვედრა ნამდვილი დღესასწაულია, რადგან ძვირფასი ქვისგან აშენებული შენობები და მოოქროვილი ქვებისგან გაკეთებული ბილიკები ქალაქისთვის ჩვეული მოვლენაა.

15.ტაილანდი, ბანგკოკი- ბანგკოკს მღელვარე და დინამიკური ქალაქის სტატუსი აქვს, მისი ქუჩებიც დამახასიათებელი ღამის თავბრუდამხვევი ცხოვრების რიტმით ხასიათდება. ხეივნით და ღამის სანათებით მოწყობილი ქუჩა მუდმივად სავსეა როგორც ადგილობრივებით, ასევე ტურისტებითაც.

„სარატოვის ავიახაზების“ კუთვნილი თვითმფრინავი, რომელიც მოსკოვის „დომოდედოვოს“ აეროპორტიდან „ორსკის მიმართულებით მიფრინავდა, აფრენიდან ორი წუთის შემდეგ ჩამოვარდა. ამის შესახებ „რია ნოვოსტი“ იუწყება.

შემთხვევის ადგილზე მაშველები გაემართნენ. არსებული ინფორმაციით, თვითმფრინავის ბორტზე 71 ადამიანი - 65 მგზავრი და ეკიპაჟის 6 წევრი იმყოფებოდა. მგზავრებს შორის ერთი ბავშვი იმყოფებოდა. 

რუსული მედიის ინფორმაციით, ჩამოვარდნილი თვითმფრინავი 7 წლის იყო. 

„თვითმფრინავი, სავარაუდოდ, სოფელ არგუნოვოსთან ჩამოვარდა. წინასწარი ცნობით, კატასტროფას ვერავინ გადაურჩა.

მომხდარის გამოძიება უკვე დაიწყო. კატასტროფის ადგილზე გაემგზავრნენ რუსეთის საგანგებო სამსახურების და ტრანსპორტის სამინისტროს ხელმძღვანელი პირები.

ტურისტული კომპანია Oktravel.ge ვიზალიბერალიზაციასთან დაკავშირებით ზომების შესაძლო გამკაცრების საკითხს  ურაყოფითად აფასებს. კომპანია განმარტავს, რომ რებეგულაციის გამკაცრება გარე ტურიზმის შეფერხებას გამოიწვევს, რაც თავისთავად უარყოფითად აისახება ტურისტულ ბიზნესზე. ვიზალიბერალიზაციის შემდეგ პასპორტების სიძლიერის ინდექსმა მოიმატა, ეს კი დადებითი მოვლენაა, როგორც შემომყვანი ასევე გამსვლელი ტურიზმის კუთხითაც. გარკვეული ზომების მიღებამ და რეგულაციების გამკაცრებამ, შესაძლოა ინდექსის კლება გამოიწვიოს, ეს კი ცალსახად უარყოფითი მოვლენაა.

ვიზალიბერალიზაცია  ქვეყანისთვის უმნიშვნელოვანესი მოვლენაა! პროცესი ქვეყანას დაეხმარა, როგორც პოლიტიკური კუთხით, რამაც საქართველო ევროკავშირთან დააახლოვა, ასევე სავაჭრო-ეკონომიკური კუთხითაც.

შეგახსენებთ, რომ საქართველოს მთავრობა ვიზალიბერალიზაციასთან დაკავშირებულ გამოწვევებთან გამკლავების მიზნით, ზომების გამკაცრებას გეგმავს, - ამ თემაზე დღეს საქართველოს პრემიერ-მინისტრმა გიორგი კვირიკაშვილმა საგანგებო თათბირი გამართა, რომელშიც ვიცე-პრემიერები, საგარეო საქმეთა მინისტრი მიხეილ ჯანელიძე და შინაგან საქმეთა მინისტრი გიორგი გახარია, იუსტიციის მინისტრი თეა წულუკიანი, მთავარი პროკურორი ირაკლი შოთაძე და სახელმწიფო უსაფრთხოების სამსახურის უფროსი ვახტანგ გომელაური მონაწილეობდნენ.

ცნობილმა ამერიკულმა ფინანსურმა და ანალიტიკურმა გამოცემა „Bloomberg”-მა დაასახელა ევროპის 5 ადგილი, სადაც ზამთრის სეზონზე დროს შესანიშნავად გაატარებ. სტატიის თავში ჩვენი დედაქალაქი თბილისი და სამთო-სათხილამურო კურორტი გუდაურია მოქცეული.

„თუ თქვენ გიზიდავთ სამთო-სათხილამურო კურორტები, მაგრამ არ გსურთ ალპებში წასვლა, სცადეთ ეს მოულოდნელი კომბინაციები“-ამ სიტყვებით იწყებს სტატიის ავტორი, ევროპულ ტურნეს.

ეს ევროპული ქალაქები იძლევიან იმის საშუალებას, რომ ეზიარო უნიკალურ კულტურას, ნახო არქიტექტურული ძეგლები და ასევე ისიამოვნო ზამთრის აქტივობებითაც.

წადი თბილისში... და ისრიალე გუდაუში

„არის კი ამჟამად ევროპაში თბილისზე უფრო მეტად მოფუსფუსე დედაქალაქი? ბოლო დროს მოგზაურებს მთელი მსოფლიოდან ატყვევებს ძველი მსოფლიოს შემორჩენილი უნიკალური ძეგლებით (როგორიც არის მეოთხე საუკუნეში აშენებული ქალაქი, რომელიც დედაქალაქს გადმოჰყურებს), განუმეორებელი  კულინარიული ტრადიციებისა და საბჭოთა დროინდელი არქიტექტურის შთამბეჭდავი ნაზავი. ესტუმრეთ  „ფაბრიკას“ , ძველ სამკერვალო ქარხანას, რომელშიც ახლა ბარები და ხელოვანთა ატელიეებია განთავსებული - ეს თბილისის ხელოვნების „ბუმის“ დიდებული მაგალითია. გვიან ღამით სეირნობისას გაარკვევთ, რატომ არის თბილისი აღმოსავლეთ ევროპის „ცეცხლოვანი“ ქალაქი, თუკი ესტუმრებით ბასიანს (მიტოვებული საცურაო აუზი, რომელიც კლუბად არის გადაკეთებული) ან დიდ გალერეას, პატარა კლუბს, რომელიც ჰაუსის ჟანრის მსოფლიო DJ-ებს იზიდავს.

თბილისი კომპაქტური ქალაქია, რომლის მონახულებას მხოლოდ რამდენიმე დღე სჭირდება. ასე, რომ  ძალიან ადვილია ორსაათიანი გზა გაიაროთ გუდაურისკენ, ევროპის ყველაზე საინტერესო და ახალი სათხილამურო კურორტისკენ. სულ 30 მილი (48.28 კილომეტრს) სიგრძის სათხილამურო ტრასებითა და 7 საბაგირო გზით. ეს სულაც არ არის თქვენი ოცნების ვრცელი მხარე, თუმცა ეს არის საქართველოს ყველაზე მაღალი და დიდი კურორტი, სადაც თხილამურებით სხვადასხვა ვარიაციებით სრიალია  შესაძლებელი.  მათ შორის ღამითაც. თანდათან იზრდება გუდაურის პოტენციალი. წელს 5 მილი (8.04 კილომეტრი) სიგრძის საბაგირო გზა დააკავშირებს გუდაურს კობთან, რითაც ერთიანი სათხილამურო სივრცე შეიქმნება“

დასარჩენად გამოცემა ყაზბეგის „რუმსს“ ურჩევს მკითხველს და ასახელებს, როგორც სტუმართმოყვარე, გემრიელი სამზარეულოს და უნიკალური დიზაინის სასტუმროს.

წადი კაპადოკიაში... და ისრიალე სათხილამურო მთა ერჯიასზე

თურქეთის ცენტრალური ანატოლიის რეგიონში ულამაზესი მთიანი ქვეყანა კაპადოკია მდებარეობს. უნიკალური და უძველესი არქიტექტურული ძეგლები მეტად შთამბეჭდავს ხდის იქაურობას. იქ არის მე-11 საუკუნის ტაძარი, სადაც უნიკალური ბიბლიური ფრესკებია შემორჩენილი. მომხიბვლელია ღია საჰაერო მუზეუმი, რომელიც UNESCO-ს მსოფლიო მემკვიდრეობის ძეგლია. ქალაქი ცნობილია  ძველი მღვიმეებით, რომელთა ნაწილიც სასტუმროებად გადაკეთდა.

მთა ერჯიასზე უამრავი სამთო-სათხილამურო აქტივობის დაგეგმაა შესაძლებელი.

ესტუმრეთ ლუცერნს... და ისრიალეთ „კლევენალპში“

შვეიცარია ისეთი პატარა, მაღალმთიანი და ერთმანეთთან კარგად დაკავშირებული ქვეყანაა, რომ, ნებისმიერ ქალაქში სტუმრობისას ადვილად მიხვალ და ისიამოვნებ სამთო-სათხილამურო ღონისძიებებით. ლუცერნის მშვენებაა ფრესკებით დაფარული უნიკალური ხიდი. ლამაზი სახლები და ესთეტიკური ქუჩები. ქალაქის ნებისმიერ ადგილას შეგიძლია გაეცნო ადგილობრივ სამზარეულოს.

სტატიის ავტორი მკითხველს ბურგენსტოკის კურორტზე გაჩერებას ურჩევს, ადგილი გათვლილია ნებისმიერი სქესის, ასაკის და მოთხოვნილების მქონე ადამიანებისთვის.

წადი ოსლოში...და ისრიალე ოსლოში

ოსლო თანამედროვე არქიტექტურით, სასტუმროებითა და რესტორნებით იზიდავს დამსვენებელს. აუცილებლად უნდა მოინახულოთ პარკები, უნდა მოინახულოთ ადგილობრივი მხატვრების გამოფენები. შეგიძლიათ დააგემოვნოთ ადგილობრივი სამზარეულო.

ოსლოდან ნახევარი საათის სავალზეა ზამთრის პარკი, რომელიც სხვადასხვა ტიპის სამთო-სათხილამურო ღონისძიებებს სთავაზობს მისულ სტუმრებს. პარკი პატარა ზომისაა, მაგრამ შთამბეჭდავი ხედები მას უნიკალურს ხდის. იქ ღამითაც შეგიძლიათ ისრიალოთ.

წადი ლუბლიანაში... და ისრიალე ვოგელში

ლუბლიანა შთამბეჭდავის ბაროკოს ტიპის განათებული შენობებით, უამრავი მწვანე სივრცით,  ფეხით მოსიარულეთათვის განკუთვნილი ქუჩებით და მე-15 საუკუნის ციხით.

სლოვენია მევენახეობის მრავალფეროვნებითაც გამოირჩევა, იქ არაერთი ღვინის ქარხანაა.

სამთო-სათხილამურო თვალსაზრისით გამოირჩევა ოსლოდან 2 საათის სავალზე განთავსებული კურორტი, რომელიც ადგილობრივი მაცხოვრებლებითაა დასახლებული, იქ განვითარებულია სამთო-სათხილამურო ტრასები, საბაგიროები და სხვადასხვა აქტივობები. იქ ბევრი ლამაზი და აუთვისებელი ადგილიცაა.

ეკონომიკისა და მდგრადი განვითარების სამინისტროს „მთის კურორტების განვითარების კომპანიამ „მთიან რეგიონებში მინი საბაგიროების დამონტაჟება დაიწყო. ამის შესახებ პრემიერ მინისტრმა გიორგი კვირიკაშვილმა მთვრობის დღევანდელ სხდომაზე განაცხადა. 

"მოგეხსენებათ, ჩვენ მთის კურორტებზე ვამონტაჟებთ საკმაოდ ძვირადღირებულ საბაგირო გზებს და ეს რა თქმა უნდა, ზამთრის ტურიზმის განვითარებისთვის და ზოგადად, ტუზმისთვის ძალიან მნიშვნელოვანია. სულ გვესმის, რომ ყველას არ აქვს შესაძლებლობა წავიდეს, რა თქმა უნდა, ეს ასეა და თანდათანობით ჩვენი მოსახლეობა, კიდევ უფრო მეტი ადამიანი შეძლებს, რომ ისარგებლოს ამით, მაგრამ ჩვენ დავიწყეთ უკვე სოფლებში დამონტაჟება მინი საბაგირო გზების. „მთის კურორტების განვითარების კომპანიამ“ აღმოაჩინა გერმანელი მწარმოებელი, რომელიც მინის საბაგიროებს აწარმოებს. ეს არ ჯდება ძვირი, დაახლოებით, 25 000 ევროს ფარგლებშია თითო ასეთი საბაგიროს ფასი, არის 200-300 მეტრი სიგრძის. ზემო და ქვემო სვანეთში დავიწყეთ საპილოტე პროექტი, დავამონტაჟეთ ასეთი საბაგირო გზები და ვერ წარმოიდგენთ რამხელა პოპულარობით სარგებლობს. ყველა ბავშვს შეუძლია ისარგებლოს. მარტივი კონსტრუქციაა და ჩვენ ამას გავაგრძელებთ აუცილებლად მთიან რეგიონებში, სადაც გვაქვს თოვლი და არის ელემენტარულად აღმართი და დაღმართი, ამის გაკეთება შეიძლება და მთელი ქვეყნის მასშტაბით შეიძლება, რომ ბავშვების გაჯანსაღებისთვის და შემდგომში უკვე იმისთვის, რომ ეს ბავშვები გაიზრდონ და გახდნენ ისეთივე საამაყო ოლიმპიელები, როგორც გვყავს ჩვენი 4 ოლიმპიელი კორეაში, ასევე განივითარონ საკუთარი შესაძლებლობები იმ სოფელში, სადაც ცხოვრობენ. დაიწყებენ და შემდეგ უკვე დიდი სპორტისთვის მომეზადებიან, მინუმუმ გაიზრდებიან ჯანმრთელები და ექნებათ ეს გართობის საშუალება ზამთარში“, - განაცხადა კვირიკაშვილმა. 

მისივე თქმით, მთები არის ჩვენი დიდი სიმდიდრე და ასევე შესაძლებლობა იმისთვის, რომ მთელი ქვეყანა „დავმუხტოთ და რეალიზება გავუკეთოთ მთისგან ბოძებულ სიმდიდრეს, რომელიც საქართველოს გააჩნია“. 

„ეს გამოიწვევს უზარმაზარ აქტივობს მთიან რეგიონებში. ზაფხულში ვაპირებთ სასეირნო ბილიკების, მთამსვლელებისთვის ბილიკების მოწყობას და ასევე ამ ბილიკების გასწვრივ საჭირო ტურისტული ინფრასტრტუქტურის მოწობას, სადაც ადგილობრივები დასაქმდებიან. ადგილობრივი ინვესტორების იმ მცირე შესაძლებლობებსაც გამოვიყენებთ, რომელიც მათ გააჩნიათ და სახელმწიფო დაეხმარება ამ მიმართულების განვითარებას. მთები არის ჩვენი სიმდიდრე, მთები არის ის, რაც საქართველოს შესაძლებლობას მისცემს ეკონომიკური მდგომარეობა მოკლე პერიოდში უკეთესობისკენ მნიშვნელოვანდ შეცვალოს“, - განაცხადა კვირიკაშვილმა.

წყარო: bm.ge

2018 წლის იანვარში საერთაშორისო მოგზაურთა რაოდენობა 14.8%-ით, ტურისტების კი 23%-ით გაიზარდა , - ამის შესახებ დღეს გამართულ პრესკონფერენციაზე ეკონომიკისა და მდგრადი განვითარების სამინისტროს ტურიზის ეროვნული ადმინისტრაციის ხელმძღვანელმა გიორგი ჩოგოვაძემ განაცხადა.

როგორც მან აღნიშნა, 2018 წლის იანვარში საქართველოს 444,241 საერთაშორისო მოგზაური ეწვია, რაც 57,171-ით მეტია წინა წლის ანალოგიურ პერიოდთან შედარებით (ზრდა +14.8%). 

გიორგი ჩოგოვაძის განცხადებით, იანვრის თვის მაჩვენებლებით იმ უცხოელი მოგზაურების ანუ ტურისტების რიცხვმა, რომლებმაც 24 საათი და მეტი დაჰყვეს საქართველოში 189,476 შეადგინა, რაც 35,393-ით მეტია 2017 წლის იანვრის მაჩვენებელზე (ზრდა+23%) .

მისივე განცხადებით, მონაცემები ეკონომიკისა და მდგრადი განვითარების სამინისტროს ტურიზმის ეროვნულ ადმინისტრაციას შინაგან საქმეთა სამინისტრომ მიაწოდა. 

ჩოგოვაძის თქმით, იანვარში ყველაზე მეტი ვიზიტი აზერბაიჯანიდან (+0.8%), თურქეთიდან (+20.1%), სომხეთიდან (+20.9%), რუსეთიდან (+14.6%) და ირანიდან (+92.4%) განხორციელდა. 

მისივე თქმით, პოზიტიური ტენდენცია ნარჩუნდება ევროკავშირის ქვეყნებიდან, საიდანაც საქართველოში ჩამოსვლების რაოდენობის ზრდის კუთხით, იანვრის თვეში გამოირჩეოდნენ: ჩეხეთი +59%, ლატვია +46%, გაერთიანებული სამეფო +31%, ნიდერლანდები +28% ლიტვა +16% და სხვა. განსაკუთრებული ზრდა დაფიქსირდა შემდეგი ქვეყნებიდან: ქუვეითი + 131%, საუდის არაბეთი + 127%, ირანი +92%, ისრაელი +77%, ინდოეთი +48%, თურქეთი +20% და სხვა.

„2017 წელს საქართველოს საერთაშორისო მოგზაურთა უპრეცედენტო რაოდენობა 7,554,936 ეწვია. მნიშვნელოვნად გაიზარდა შემოსავლები უცხოური ტურიზმიდან და წინასწარი მონაცემებით 2.7 მილიარდი აშშ დოლარი შეადგინა, რაც წინა წელთა შედარებით 586 მილიონი აშშ დოლარით მეტია“, - განაცხადა გიორგი ჩოგოვაძემ.

წყარო: bpn.ge

"ავიაკომპანია My Way Airlines-ის შემოსვლა ქართულ ავიაბაზარზე ბილეთებს, სავარაუდოდ, 10-დან 20%-მდე გააიაფებს”, - ამის შესახებ Bm.ge-ს ავიაკომპანიის კომერციულმა დირექტორმა იგორ აფციაურმა განუცხადა. 

"კონკურენციის პირობებში ბილეთების გაიაფება გარდაუვალია. ჩვენ შევეცდებით ფასები უფრო კონკურენტული იყოს, ჩვენი ბორტები უფრო ახალია და შედარებით ნაკლები ხარჯები ექნება, თუმცა მარტო ფასით არ ვაპელირებთ, ჩვენი მთავარი მესიჯი იქნება ის, რომ სერვისი იყოს ძალიან კარგი და მომხმარებელს მაღალ ხარისხიანი პროდუქტი შევთავაზოთ“, - განაცხადა იგორ აფციაურმა. 

იგორ აფციაურმა ქართული ავიაბაზარიც შეაფასა. მისი განმარტებით, მგზავრთნაკადის ზრდა რომ ისეთი ტემპით გაგრძელდეს, როგორც ეს ბოლო წლებშია, აუცილებელია საქართველოს აეროპორტებიდან სატრანზიტო რეისებიც განვითარდეს. 

"ძალიან კარგია, რომ ბაზარი იზრდება ყოველწლიურად. შარშან 4 მილიონზე მეტი მგზავრი გვყავდა, რაც ძალიან კარგი ზრდა არის, მაგარამ ეს გაჩერდება 5 მილიონზე, ან ოდნავ მეტზე, იმიტომ, რომ მუდმივად მსგავსი ზრდა ვერ იქნებაა. ერთადერთი შანსი, რომ კიდევ უფრო გაიზარდოს მგზავრთნაკადი და ის 6-7 მილიონამდე ავიდეს, არის ის, რომ პირდაპირი რეისების გარდა ტრანზიტული მიმართულებებიც განვავითაროთ... სატრანზიტო ფუნქციას უცხოური ავიაკომპანიები ვერ განავითარებენ, ეს უნდა ვითავოთ ჩვენ, ქართულმა ავიაკომპანიებმა, ჩინელმა ინვესტორებმაც სწორედ ეს შესაძლებლობა დაინახეს და აქტიურად აპირებენ საქართველოს, როგორც სატრანზიტო ჰაბის განვითარებას“ - განუმარტა Bm.ge-ს იგორ აფციაურმა. 

როგორც ცნობილია, ავიაკომპანია My Way Airlines საქართველოს ავიაბაზრზე ოპერირებას თებერვლის ბოლოს დაიწყებს და რეისებს ბოინგ 737 800 ტიპის თვითმფრინავებით შეასრულებს.

წყარო: bm.ge

მსოფლიოში 196 ქვეყანაა და თითოეულ მათგანს განსხვავებული, უნიკალური მახასიათებელი, ფლორა და ფაუნა, კულტურა, არქიტექტურა და წეს-ჩვეულება აქვს. სხვადასხვა უცხოური გამოცემა, რომლებიც მოგზაურობის თემებზე მუშაობენ, ყოველწლიურად აკეთებენ ელექტრონულ გამოკითხვებს, რის მიხედვითაც ადგენენ მსოფლიოს ულამაზესი ქვეყნების ტოპ სიას. ყურადღებას ამახვილებენ შემდეგ ფაქტორებზე- ქვეყნის კულტურა, სტუმართმოყვარეობა, ლამაზი და მარავალფეროვანი ბუნება, სამზარეულო, პოლიტიკური და სოციალური მდგომარეობა, ლამაზი ქალები.  სწორედ ამ გამოკითხვების შეჯერებით 2018 წელს გამოვლენილ  ტოპ 10 ქვეყანაზე ვისაუბრებთ, ერთად ვნახოთ, იმსახურებენ თუ არა ეს ქვეყნები საუკეთესო ათეულში მოხვედრას: 

10.შეერთებული შტატები პლანეტის ერთ-ერთი ულამაზესი ადგილია, როგორც ბუნებრივი მრავალფეროვნებით, ასევე თანამედროვე არქიტექტურით და ურბანული მოწყობით. აღსანიშნავია, რომ მსოფლიოს ულამაზესი კანიონების ნახევარი, სწორედ შტატების ტერიტორიაზე მდებარეობს. ქვეყნის ტერიტორიაზეა ერთ-ერთი ულამაზესი უდაბნო Painted Desert. კოლუმბიის კლდეები, სიერა ნევედა, აპალაჩები სეკუიას ტყე, მტკნარი წყლის ტბები  და კიდევ არაერთი ზღაპრული ადგილის ნახვაა შესაძლებელი აშშ-ში მოგზაურობისას.

9. იტალია.  ევროპაში და მთელს მსოფლიოში იტალია ტურისტებისთვის სასურველ ქვეყნებს შორის პირველ ადგილზეა. ამალფის და სიცილიის სანაპიროები მსოფლიოს საუკეთესო სანაპიროებში შედიან.  ტოსკანას უნიკალური რეგიონი, რომელიც უნიკალური თვისებებით ხასიათდება, იქ უნიკალურ ღვინოს აწარმოებენ,  რეგიონის დედაქალაქი ფლორენცია არქიტექტურის, ხელოვნების და კულტურის  ცენტრია. არხებისა და ხიდების ქალაქი ვენეცია მსოფლიოს უნიკალური მემკვიდრეობის ძეგლია.  იტალიის, თითქმის ყველა ქალაქი ცოცხალი მუზეუმია.

8.ავსტრალია მსოფლიოში ერთ-ერთი ულამაზესი ქვეყანაა, როგორც ბუნებრივი მახასიათებლებით ასევე თანამედროვეობითაც. ავსტრალიას გააჩნია ფლორისა და ფაუნის უამრავი და უნიკალური სახეობა. კუნძული ტესმანია და სიდნეი გასაოცარ შთაბეჭდილებას ტოვებს.

7.ინდოეთში, დაახლოებით, მილიარდ ოთხასი მილიონი ადამინი ცხოვრობს, ის მოსახლეობის რაოდენობით მეორეა მსოფლიოში, ჩინეთის შემდეგ. ინდოეთის ერთ-ერთი  მთავარი ღირსებაა გოა. ინდოეთს , ასევე,  ინდოეთის ოკეანისა და არაბეთის ზღვის  სამხრეთ-დასავლეთით მდებარე ტროპიკული სანაპიროები  ამშვენებს. ინდოეთის  მოსახლეობა სტუმართმოყვარეობით გამოირჩევა, ასევე ცნობილია ინდური სამზარეულო. ქვეყნის მშვენებაა ტაჯ მაჰალი.

6.ჩინეთი მოსახლეობით მსოფლიოში პირველი ქვეყანაა. ის ხასიათდება უნიკალური ბუნებით და თანამედროვეობით. ქვეყნის ყველაზე გრძელი მდინარეა მეკონგი, რომელიც ტიბეტის პლატოზე იღებს სათავეს. ჩინეთის საზღვართან ულამაზესი ჰიმალაის მთებია. არქიტექტურული ღირსშესანიშნაობებიდან გამოიკვეთება ჩინეთის დიდი კედელი, ცის ტაძარი და „აკრძალული ქალაქი“. პეკინი და შანჰაი მსოფლიოს ულამაზეს ქალაქთა რიცხვში შედიან.

5.ბრაზილიას ყველა იცნობს, როგორც ფეხბურთის ლეგენდების სამშობლოს. აქ არის ყველაზე დიდი წვიმის ტყე, რომელიც არის ამაზონის ტყის ნაწილი. რიო დე ჟანეირო ცნობილია, როგორც ულამაზესი ქალაქი, რომელიც სტუმართმოყვარე ადამიანებითაა დასახლებული. ქალაქი მასპინძლობს უნიკალურ რიოს კარნავალს, რომელსაც მსოფლიოს, თითქმის, ყველა წერტილიდან უამრავი ადამიანი სტუმრობს. მთა კორკოვადოზე აღმართულია ქრისტეს ქანდაკება, რომელიც ქალაქის სიმბოლოდ მიიჩნევა. მიმზიდველია ქალაქის სანაპიროებიც, რომლებიც უამრავ ტურისტს იტევს.

4.არგენტინა პლანეტის ლამაზ ქვეყანათა სიაში მოხვდა. ის გამოირჩევა თავისი ურბანული უნიკალურობებით, რომლებიც ახასიათებს, მაგალითად ბუენოს აირესს. მსოფლიოს ულამაზესი ჩანჩქერები, ვულკანური არეალები, მყინვარები, ციცაბო მთები და სხვა მრავალი დეტალი ქმნის არგენტინას, როგორც მსოფლიოს ერთ-ერთ ულამაზეს ქვეყანას.

3. სამხრეთი აფრიკა- კონტინენტზეც და მსოფლიოშიც ტურისტული თვალსაზრისით ერთ-ერთი საინტერესო ქვეყანაა. ქვეყანას მოგზაურობასთან დაკავშირებული  მრავალი ჯილდო აქვს მოპოვებული . ტურიზმის ყველა სახეობას მოიცავს სამხრეთ აფრიკა და ამიტომ ყველა ტიპის, ასაკის, სქესის და გემოვნების ადამიანებისთვისაა მიმზიდველი. ქვეყანა გამოირჩევა ბიომრავალფეროვნებით, ულამაზესი სანაპიროებით და უნიკალური ქალაქებით.

2. ახალი ზელანდია უნიკალური ბუნებრივი სცენური სანახაობებით და ქალაქების წყობით გამოირჩევა. კუნძძული მიმზიდველია თავისი სარაგბო ცხოვრებითაც, მოგეხსენებათ მსოფლიოს რაგბის პირველადგილოსანი ნაკრები, “all blacks” სწორედ ახალ ზელანდიას ჰყავს. ბუნებრივი ნაკრძალებით, ტყეებით, მთებით, კლდეებით, სანაპიროებით, მდინარეებით მდიდარი ზელანდია მსოფლიოს უნიკალური ქვეყნების სიაშია შესული.

1. შოტლანდიამ მსოფლიოს ულამაზეს ქვეყანათა სიაში პირველი ადგილი დაიკავა. ის შთამბეჭდავია ტურისტებისათვის. ქვეყანა მიმზიდველია, როგორც ადამიანის ხელით შექმნილი ღირსშესანიშნაობებით, ასევე ბუნებრივი რესურსებითაც. ქვეყანა კულტურის და სტუმართმოყვარეობის მაღალი დონით გამოირჩევა. ზოგი ტურისტი მას აღწერს, როგორც ვირტუალური სამყარო. ეს ხაზს უსვამს მის დაუჯერებელ სილამაზეს. ქვეყანაში მდებარეობს ცნობილი ედინბურგის ციხე.