ეკონომიკისა და მდგრადი განვითარების სამინისტროს შპს “საქართველოს აეროპორტების გაერთიანების“ ინფორმაციით, 2018 წლის აგვისტოს თვის მონაცემებით, ქუთაისის დავით აღმაშენებლის სახელობის აეროპორტში მგზავრთნაკადი, გასული წლის ანალოგიურ პერიოდთან შედარებით 44 %-ით გაიზარდა. აგვისტოს თვეში ქუთაისის აეროპორტი 72210 მგზავრს მოემსახურა (2017 წლის აგვისტო 50094 მგზავრი). 

რაც შეეხება ზრდას რეისების რაოდენობის მიხედვით, ზრდა ამ კუთხითაც ფიქსირდება. 2018 წლის აგვისტოში ქუთაისის საერთაშორისო აეროპორტში 245 რეისი შესრულდა, რაც წინა წლის ანალოგიურ პერიოდზე 15% %-ით მეტია (2017 წლის აგვისტო 213 რეისი). 

2018 წლის 8 თვის მონაცემებით, ჯამში ქუთაისის საერთაშორისო აეროპორტი 382325 მგზავრს მოემსახურა, რაც წინა წლის ანალოგიურ პერიოდთან შედარებით 35 %-ით მეტია. (2017 წლის 8 თვე - 283355 მგზავრი). 

“საქართველოს აეროპორტების გაერთიანების“ დირექტორის ქეთევან ალექსიძის განცხადებით, მგზავრთნაკადის ზრდის კუთხით მოლოდინი მომავალ თვეებშიც პოზიტიურია. 

2019 წლის თებერვლიდან საქართველოს მოქალაქეებისთვის ამოქმედდება Visa on Arrival. საგარეო საქმეთა სამინისტროს განცხადებით, ვიზის ეს ტიპი საქართველოს მოქალაქეებს შესაძლებლობას მისცემს ტაილანდში მგზავრობისას ვიზა საზღვარზე აიღონ და 15 დღის განმავლობაში ტურისტული ვიზიტით იმყოფებოდნენ ტაილანდის სამეფოში.

საქართველოს საგანგებო და სრულუფლებიანმა ელჩი არჩილ ძულიაშვილი ტაილანდში სამეფოში მთავრობისა და სამეფო კარის წარმომადგენლებს შეხვდა. ვიზიტის ფარგლებში, 11 დეკემბერს, ბანგკოკში გაიმართა არჩილ ძულიაშვილის აუდიენცია ტაილანდის პრინცესა მაჰა ჩაკრი სირინდჰორნთან.

შეხვედრის დროს განიხილეს საქართველოსა და ტაილანდის სამეფოს შორის არსებული ორმხრივი ურთიერთობები. მათ შორის, საუბარი შეეხო ტაილანდის პრინცესას მიერ საქართველოში განხორციელებულ ვიზიტს.

საქართველოს მთავრობამ არაგვის დაცული ლანდშაფტის შექმნის შესახებ მომზადებული კანონპროექტი მოიწონა და დასამტკიცებლად საქართველოს პარლამენტს უგზავნის. არაგვის დაცული ლანდშაფტი დუშეთის მუნიციპალიტეტში შეიქმნება და მოიცავს მდინარეების გუდამაყრის არაგვის, ფშავის არაგვისა დახევსურეთის არაგვის ხეობებს. მისი საერთო ფართობი 99 802 ჰექტარი იქნება.

კანონპროექტის მიხედვით, არაგვის დაცული ლანდშაფტის შექმნის მიზანია ხელი შეუწყოს ბიოლოგიურიმრავალფეროვნებით, ისტორიული და კულტურული თვალსაზრისით გამორჩეული ისტორიულ-გეოგრაფიული მხარეების ტერიტორიების დაცვას, აღდგენასა და გონივრულ გამოყენებას; ასევე, უზრუნველყოს არაგვის დაცულ ტერიტორიაზე ბუნებრივი ეკოსისტემების, ლანდშაფტების, ცხოველთა დამცენარეთა სამყაროს, განსაკუთრებით - გადაშენების საფრთხის წინაშე მყოფ მცენარეთა და ცხოველთაგენოფონდის დაცვა, აღდგენა და ბიოლოგიური მრავალფეროვნების შენარჩუნება; უზრუნველყოს მიწის, წყლისა და სხვა ბუნებრივი რესურსების დაცვა, აღდგენა და ამ რესურსებით რაციონალური სარგებლობა; ეკოლოგიური განათლებისა და მეცნიერული კვლევა-ძიებისთვის ხელსაყრელი პირობების შექმნა; ისტორიულ-კულტურული ძეგლების დაცვა და შენარჩუნება; ხელი შეუწყოს ბუნებრივ და ადამიანის მიერსახეცვლილ გარემოში რეკრეაციის, ტურიზმისა და სოფლის მეურნეობის მდგრადი განვითარებისთვისხელსაყრელი პირობების შექმნას.

არაგვის დაცული ლანდშაფტის დაარსების პარალელურად, ჩეხეთის განვითარების სააგენტო და ჩეხეთის საელჩო საქართველოში, დაცული ტერიტორიების სააგენტოსთან ერთად მუშაობს პროგრამაზე „მთიანი რეგიონების და ადგილობრივი მოსახლეობის მდგრადი განვითარება ფშავ-ხევსურეთისა და გუდამაყრის მხარეებში“. პროგრამა, რომლის ბიუჯეტი 1 000 000 ევროა, 2018 წელს დაიწყო და 2023 წელს დასრულდება.

არაგვის დაცული ლანდშაფტის სამართავად ადმინისტრაცია დუშეთის მუნიციპალიტეტმა უნდა შექმნას. ლანდშაფტის მართვაში მონაწილეობს საბჭო, რომელსაც ქმნის დუშეთის საკრებულო კანონმდებლობისშესაბამისად. საბჭოს წევრთა შემადგენლობა, უფლება–მოვალეობები და სხვა პროცედურული საკითხებისაბჭოს წესდებით განისაზღვრება, რომელსაც დუშეთის მუნიციპალიტეტის საკრებულო ამტკიცებს.

საქართველოში ორი დაცული ლანდშაფტია, ახმეტის და ქობულეთის მუნიციპალიტეტების ტერიტორიაზე. „თუშეთის დაცული ლანდშაფტი“ 2003 წელს შეიქმნა, 2009 წელს კი „კინტრიშის დაცული ლანდშაფტი“ დაარსდა.

© https://bit.ly/2LccbqN

 weihnachten -ასე ეწოდება ახალ წელს გერმანიაში, რომელიც ისევე, როგორც იტალიაში, წმინდა „სილვესტერს“ უკავშირდება. გემოვნებიანად მორთული ქუჩები, სახლები, სკვერები და ფერადი ილუმინაციები გერმანული ახალი წლის თანმდევია.

გერმანელებისთვის ახალი წლის ოჯახში შეხვედრის ტრადიცია მნიშვნელოვანი აღარაა, ისინი, უმეტესად ქუჩაში ხვდებიან ახალ წელს, ამ დროს რესტორნები, ბარები, პაბები და სასტუმროები გადავსებულია. ახალი წლის ღამეს წყალში ასხამენ გამდნარ კალას, რომ შექმნილი ფორმის მიხედვით გაიგონ, თუ რა ელით მომავალში. გულის ან წრის ფორმა ქორწინებას წინასწარმეტყვლებს, გემი–მოგზაურობას, ღორი–საკმარის საკვებს მომდევნო წელს... ახალი წლის სუფრაზე საჭმელს მომდევნო ღამემდე ტოვებენ, რადგან მიაჩნიათ, რომ ასე სავსე საკუჭნაოს უზრუნველყოფენ, რაც, პრინციპში, კეთილდღეობას ნიშნავს. ასევე, ტრადიციულად, ბოკალ შამპანურთან მისაყოლებლად ამზადებენ თევზის კერძს, რომელსაც სტაფილო და კომბოსტო აქვს შემოწყობილი – მიიჩნევა, რომ ეს მომდევნო წელს ფინანსურ სტაბილურობას მოუტანთ. საახალწლო სურფას უნდა ამშვენებდეს ოსპის წვნიანი, რომელიც დღესასწაულამდე რამდენიმე დღით ადრე მზადდება.

თვალი გვადევნეთ, Oktravel.ge ბევრ საინტერესო სიახლეს გპირდებათ! 

იხილეთ ფოტოები, გერმანულ ახალ წელთან დაკავშირებით:
 

Hola España- ესპანელები ახალ წელს ასე ეძახიან -„Nochevieja“, ისინი გრანდიოზულად აღნიშნავენ ამ დღესასწაულს. 31 დეკემბერი ესპანეთში, ძალიან მნიშვნელოვანი დღეა. აღვნიშვნას ესპანელები, დილიდან იწყებენ, თუ თქვენ გინდათ, გაატაროთ ძალიან მხიარული და საინტერესო ახალი წელი, ესტუმრეთ ესპნაეთს. ახალი წელი „იღბლიან ყურძენთან“ ასოცირდება – ეს ტრადიცია ესპანელებს უძველესი დროიდან მოსდევთ.

ესპანელებისთვის ეს ტრადიცია მნიშვნელოვანია და სჯერათ, რომ თუ მას შეასრულებენ, ყველა ოცნება აუსრულდებათ და მათთვის მთელი წელი იღბლიანი იქნება. ყურძნის მტევანი მრავალ ქვეყნაში, მათ შორის პორტუგალიაშიც მიჩნეულია ხვავის, ჯამრთელობისა და ოჯახური კერის სიმბოლოდ. ახალი წლის ღამეს ქუჩები სავსეა ხალხით, მუსიკით და საახალწლო განათებებით. ბარებში, კლუბებში და კაფეებში, საახალწლო სიმღერებია ჩართული. არის რესტორნები სადაც შეძლებთ, ესპანეთის ყველა ტრადიციას ერთ საღამოს გაეცნოთ.

მართალია, 31-ში ესპნაეთის ქუჩები ხალხითა და გამოფრმებებით არის გადატვირთული, მაგრამ 10-11 საათისკენ ქუჩები იცლება, ხალხი მიდის სახლში და ახალი წლისთვის მზადებას ოჯახთან ერთად იწყებს. საქართველოს მსგავსად ახალ წელს ესპანეთშიც სახლში ხვდებიან და შემდეგ გადიან გარეთ, მეგობრებთან ერთად, ამ საღამოსთვის უამრავი წვეულება იმართება.

ავსტრიის მოქმედი პრეზიდენტის ალექსანდრ ვან დერ ბელენის შვილმა ფლორიან ვან დერ ბელენმა 2018 წლის მაისში საკუთარი კომპანია დააარსა და ახლა უკვე საქართველოში საცხოვრებლად გადმოსვლასაც გეგმავს. 

ფლორიან ვან დერ ბელენს ტურიზმის სფეროში მუშაობის დიდი გამოცდილება აქვს, ამიტომაც გადაწყვიტა, საკუთარი გამოცდილება საქართველოშიც გამოიყენოს.

ის, ასევე ბიზნეს-კონსალტინგითაც არის დაკავებული და პოტენციურ ინვესტორებს საქართველოს საინვესტიციო შესაძლებლობებს აცნობს. 

„ჩემი ნარატივი საქართველოზე აღვიძებს სიყვარულს ამ ქვეყნის მიმართ პოტენციურ ინვესტორებში და საინვესტიციო შესაძლებლობებს აცნობს მათ. ევროპელებს საქართველო დღემდე ეგზოტიკურ ქვეყანად მიაჩნიათ, თუმცა აქ ჩამოსვლის შემდეგ რწმუნდებიან, რომ ეს ასე არ არის. საქმიან ადამიანებს საქართველოს ლიბერალურ გარემოსა და შესაძლებლობებზე ვუყვები“, - აცხადებს ინტერნეტ გამოცემა SOVA-სთან ინტერვიუში ფლორიანი. 

გამოცემის მიხედვით, ავსტრიის პრეზიდენტის ვაჟმა საქართველოს შესახებ პირველად სამხრეთ კორეაში პრესკონფერენციაზე ჩასული საქართველოს დელეგაციის წევრებისგან შეიტყო. 

როგორც ფლორიანი ამბობს, სწორედ მაშინ მისცა საკუთარ თავს პირობა, რომ აუცილებლად მოხვდებოდა ამ ქვეყანაში და ეს პირობა ზუსტად ერთი წლის შემდეგ შეასრულა. 

თბილისში 2017 წლის აპრილში  საქმიანი ვიზიტით ჩამოვიდა და ერთი კვირით დარჩა. 

„როდესაც ავსტრიაში დავბრუნდი, ვერც კი ვიძინებდი. რაღაც მოსვენებას არ მაძლევდა. იცით როგორც ვიყავი?! აი, განსაკუთრებულ ადამიანთან შეხვედრის შემდეგ რომ აცნობიერებ, რომ შეყვარებული ხარ მასზე“, - იხსენებს ფლორიანი. 

პირველი ვიზიტის შემდეგ ავსტრიელი ბიზნესმენი უკეთ გასაცნობად კიდევ რამდენჯერმე ეწვია ქვეყანას. 

აღიარებს, რომ კონფერენციაზე ხელისუფლების პირველ პირებთან შეხვედრისას საქართველოს საინვესტიციო პოტენციალის შეფასებებთან დაკავშირებით მათ არ დაუჯერა, ამიტომ გადაწყვიტა ქართველი ჩინოვნიკების სიტყვების სისწორეში პირადად დარწმუნებულიყო. 

„მსურდა გადამემოწმებინა, მართლა იყო თუ არა საქართველო ლიბერალური, კორუფციისგან თავისუფალი ქვეყანა და მართლა ჰქონდა თუ არა ქვეყანას ის უპირატესობები, რაზეც მიყვებოდნენ“, - ყვება ის. 

ავსტრიის პრეზიდენტის შვილი საინვესტიციოდ ყველაზე მნიშვნელოვან სფეროებად საქართველოში სამშენებლო სექტორს, ნარჩენების გადამუშავებასა და ენერგოსექტორს მიიჩნევს. 

„პრეზიდენტობა - ეს მამაჩემის მიღწევაა და არა - ჩემი. ბევრი ადამიანი მეკითხება, რა შეიცვალა ჩემ ცხოვრებაში მამაჩემის გაპრეზიდენტების შემდეგ, მე კი მათ ვპასუხობ რომ აბსოლუტურად არაფერი, თუ არ ჩავთვლით იმას, რომ ახლა მე მას უფრო იშვიათად ვხედავ“, - აცხადებს ფლორიანი. 

ავსტრიის პრეზიდენტის შვილი იმედოვნებს, რომ მალე შეძლებს საკუთარი ბიზნესის სრულად გადმოტანას საქართველოში. 

ფლორიანი აღიარებს, რომ იმ ქვეყნისგან (საქართველო) მოშორებით ცხოვრება, რომელიც პატარა ბავშვივით შეუყვარდა, უფრო და უფრო რთული ხდება.

ახალი წლის მოსვლა ახალ ცხოვრებასთან, ახალ საფეხურებთან, იდეებთან, გამოწვევებთან და გეგმებთან ასოცირდება, ამიტომ ამ დღესასწაულს მსოფლიოს ყველა კუთხეში განსაკუთრებულად და განსხვავებულად აღნიშნავენ. ამ დროს დედამიწის მოსახლეობას ემოციები, გრძნობები, საჩუქრები და ახალი წლის სპეციფიკური  სუნი აერთიანებს,  ჩვენი პლანეტის საერთო, წარმოსახვითი ნაძვის ხე, სწორედ ამ აბსტრაქტული „მოსართვაბებით“ ირთვება. ჩვენი ქვეყანაც აქტიურად და თავისებურად  ერთვება ამ საერთო მხიარულებაში. ახლა,  მოდი, სხვადასხვა ქვეყნის საახალწლო თავგადასავალიც ვიხილოთ... პირველი გაჩერება იტალია! 

Ciao Italia- იტალიაში ახალი წელი რომში დაბადებული წმინდა „სილვესტერის“ დღესასწაულს ემთხვევა, მეოთხე საუკუნეში მოღვაწე წმინდანი იტალიელთათვის დიდი მნიშვნელობის მატარებელია. იტალიურად ახალი წელი ასე ჟღერს- „capodanno“  იტალიელთათვის წინა საახალწლო სამზადისს დიდი მნიშვნელობა ენიჭება, ილუმინაციებით ირთვება როგორც ქუჩები, ასევე სახლები, სამუშაო ადგილები და სხვადასხვა დაწესებულება.  იტალიაში ითვლება, რომ ახალ წელს ახალი ტანისამოსით უნდა შეხვდე, ეს, ალბათ, ძველის უკან დატოვებას და ახალთან ახლით შეხვედრას უკავშირდება. განსაკუთრებული სიფაქიზით ეკიდებიან საჩუქრების შერჩევის პროცესს და პრინციპს, ისინი თითოეულ საჩუქარს  კანონზომიერებით არჩევენ, მაგალითად: ტკბილეული, თაფლი- ეს ტკბილ ცხოვრებას და სიმშვიდეს აღნიშნავს. ძვირფასი ქვები, როგორებიცაა, ოქრო, ვერცხლი, ასევე ფული და მონეტები- კეთილდღეობას ნიშნავს. ფერადი „ლამპები“ კი განათებული ახალი წლის სიმბოლოა. სამხრეთ იტალიაში ფანჯრიდან ძველი ავეჯის გადაყრის ტრადიცია დღემდეა შემორჩენილი (ჩემი აზრით, საკმაოდ კარგი ტრადიციაა, გაჭირვებულ ადამიანებს დაუზიანებელი ავეჯი, ასე თუ ისე, გამოადგებათ, მათთვისაც „ახლის“ შემოტანით დაიწყება ახალი წელი). ამბობენ, რომ ახალ წელს იტალიელები  წითელი საცვალს იცვამენ. ახალი წელი იტალიელებისთვის მეგობრების წრეში ყოფნასთან ასოცირდება, შობას კი საკუთარ ოჯახებში ხვდებიან. სადღესასწაულო სუფრას დიდი ყურადღება ექცევა.სხვადასხვა რეგიონში განსხვავებული კერძები აქვთ. ყველასთვის დამახასიათებელი კი ტკბილი პურია (ჩვენებური ნაზუქის მსგავსი), რომელიც არის ოჯახის კეთილდღეობის სიმბოლო. იტალიაში ოსპი იღბლის მომტან მცენარედ ითვლება,ამიტომ საახალწლო სუფრაზე მის კერძსაც იხილავთ.ბარდასაც აქვს თავისი დატვირთვა–ის სიმდიდრეს იზიდავს. ღორის ხორცი და ქონიანი ძეხვის კერძი კი ფულის „შოვნას“ უკავშირდება. ახალი წლის ღამეს თან სდევს „ფოიერვერკი“ და ცეკვები.

შემდეგი გაჩერება გერმანია - გამოგვყევით და გაიცანით!
 Oktravel ბევრ საინტერესო სიახლეს გპირდებათ!

ქართული ავიაკომპანია Myway Airlines ფრენებს აჩენებს - ამის შესახებ ინფორმაციას ავიაკომპანიის კომერციული დირექტორი იგორ აფციაურიც ადასტურებს. მისი თქმით, ფრენები ყველა მიმართულებით შეჩერდება, გარდა თელავივისა. მიზეზად კი კომპანია ზამთარში მგზავრთნაკადის შემცირებასა და უკარაინაში მიმდინარე მოვლენებს ასახელებს. 

„ერთადერთი დიდი ბორტი გვყავს, მოთხოვნის სიმცირის გამო ვერ შევძელით მისი სრულად დატვირთვა. არც გაყიდვის სისტემა იყო სათანადო“-აცხადებს აფციაური. რაც შეეხება იმას, თუ რატომ არ მოხდა ბაზრის წინასწარი კვლევა, ვიდრე კომპანია კონკრეტულ მიმართულებაზე ფრენებს დაიწყებდა და ასევე რატომ არ შესთავაზეს მათ მომხმარებელს თავიდანვე გამართული გაყიდვების სისტემა, აფციაური განმარტავს, რომ კომპანია მუშაობას ამაზე ახლა იწყებს და მომდევნო რამდენი თვეში ყველა ქვეყნისთვის სათანადო გაყიდვების სისტემა დაინერგება. 

„ჩვენ ამ მიმართულებებზე უარს არ ვამბობთ, ბაზარზე ზაფხულიდან კვლავ გავაქტიურდებით და მომხმარებელს ევროპის მიმართულებებსაც შევთავაზებთ“-აცხადებს აფციაური. თუმცა, ჩვენს კითხვაზე ექნება თუ არა ნდობა Myway Airlines მომხმარებლის აფციაურს პასუხის გაცემა უჭირს და აცხადებს, რომ ავიაკომპანია ევროპული სტანდარტებით იმოქმედებს და ყველა მგზავრს უკან სრულად დაუბრუნდება ბილეთების საფასური. რაც შეეხება კომპენსაციებს ესეც ევროპული სტანდარტების მიხედვით ანაზღაურდება.

 შობა ის დღესასწაულია, რომელსაც მთელს მსოფლიოში დიდი სიხარულით აღნიშნავენ; მისი განსაკუთრებულობა იმაში მდგომარეობს, რომ შობას ერთგვარად ტრადიეციების ზეიმსაც უწოდებენ, ვინაიდან, შობის დღესასწაულზე ყველა ქვეყანას თავისებური წეს-ჩვეულებები და ტრადიციები აქვს. ეს უკანასკნელი კი ძირითადად გასტრონომიული თვალსაზრისით შეიმჩნევა, რადგან ტრადიციის ერთ-ერთ მთავარ ნაწილს შეადგენს ის, თუ რომელი კერძია ამა თუ  იმ ქვეყანაში ტრადიციული. 

საინტერესოა, რა კერძები ამშვენებს სხვადასხვა ქვეყნის საშობაო სუფრას? Oktravel.ge გაგაცნობთ მსოფლიოს ზოგიერთი ქვეყნის საშობაო წეს-ჩვეულებებსა და ტრადიციებს!

შობა უამრავ ქვეყანაში, განსაკუთრებით კი, კათოლიკურ სამყაროში, ყველაზე საყვარელ საოჯახო დღესასწაულად ითვლება და საშობაო სუფრაც საუკეთესო ადგილია   ახლობლების ერთად შესაკრებად.
 

გერმანია:
  გერმანული შობის ღამე ერთდროულად საზეიმო და მადისაღმძვრელია. თავდაპირველად, ბევრი წლის წინ, გერმანული საშობაო სუფრის მთავარი ტრადიციული კერძი ღორის ხორცი გახლდათ, თუმცა, ბოლო პერიოდში, ამ ტრადიციამ მცირედად შეიცვალა და ღორის ხორციც შემწვარმა ინდაურმა  ჩაანაცვლა. რაც შეეხება მთავარ საშობაო დესერტს, ტრადიციული, წაგრძელებული ფორმის არომატული ნამცხვარი შტოლენია - რომელშიც ჩირის ასორტი, ნუში, ქიშმიში, რომი, სანელებლები და შაქრის პუდრითაა დაფარული. ეს ნამცხვარი გერმანიაში ყრმა იესოს სიმბოლოს გამოხატავს.

ბელგია:

ბელგიაშიშობა წარმოუდგენელია დარიჩინიანი თაფლაკვერების გარეშე, რომელთაც სხვადასხვა პერსონაჟის ფორმა აქვთ. სუფრაზე აუცილებლად დევს შემწვარი ბატი ან ინდაური. ახალი წლის დღეს კი მიირთმევენ ტრადიციულ შუკრუტს: მჟავე კომბოსტოს კერძს, მომზადებულს სხვადასხვა სახის ძეხვეულთან და ხორცთან ერთად.

ესპანეთი

საშობაო დღესასწაული ესპანეთში ძალიან პატივსაცემი დღესასწაულია და შესაბამისად, ადგილობრივებიც დიდ ყურადღებას აქცევენ საშობაო სამზადისს. მართალია, ესპანეთის კულინარიული ტრადიციები პროვინციების მიხედვით განსხვავებულია, თუმცა საშობაო-საახალწლო მენიუ ძირითადად ერთნაირია: შემწვარი ცხვრის ბარკალი, ზღვის პროდუქტი და ინდაური. რაც შეეხება ტკბილეულს, ყოველ ესპანურ სუფრაზე შეხვდებით ტურონს: ეს არის შოკოლადის ან ნუგას სახეობა, რომელშიც ამოვლებულიათხილი, ნუში, ნიგოზი, ჩირეული, ჰაეროვანი ბრინჯი და ა.შ.  ოჯახები აწყობენ ტრადიციულ საშობაო ვახშამს, რომელიც აუცილებლად შუაღამემდე უნდა დასრულდეს, რათა შემდეგს, ასევე ოჯახთან ერთად საშობაო წირვას დაესწროს.

საფრანგეთში:

ფრანგული საშობაო სუფრა სხვებისგან პომპეზურობით გამოირჩევა და ყოველი ფრანგი თავს უფლებას აძლევს, დელიკატესები დააგემოვნოს: ფუა გრა, ხამანწკები, შებოლილი ორაგულის ფილე თითქმის ყველა სუფრას ამშვენებს. ინდაური წაბლით ტრადიციული საშობაო კერძია საფრანგეთში, ხოლო საშობაო რულეტი - უცვლელი ტკბილეული. საფრანგეთის პროვინციებს, რა თქმა უნდა, თავიანთი წეს-ჩვეულებები აქვთ. მაგალითად, პროვანსში დღემდე ცოცხლობს 13 სახის დესერტის მომზადების ტრადიცია, რომელიც ქრისტესა და მისი 12 მოწაფის სიმბოლოა. ალზასში კი მე-16 საუკუნიდან მოყოლებული, დღემდე ამზადებენ თაფლაკვერს ნუშით, დარიჩინით, ილითა და თაფლით, რომელსაც წმინდა ნიკოლოზს სწირავენ.

 ახალი წელი ერთ-ერთი ყველაზე მასშტაბური დღესასწაულია, რომელსაც მსოფლიოს ყველა ქვეყანაში განსხვავებულად აღნიშნავენ; ადამიანთა უმრავლესობას შობა-ახალი წლის საკუთარ სახლში, ოჯახთან გატარება უყვარს და ეს ერთგვარი ტრადიციაც არის, თუმცა, არიან ადამიანები, რომლებსაც ახალ წელს სხვა ქვეყანაში გამგზავრება, დასვენება და ისეთი ახალი წლის გატარება უნდა, როგორიც მისთვის საოცნებო ქვეყანაშია.

 Oktravel წარმოგიდგენთ 5 საოცნებო ქვეყანას/ქალაქს, სადაც აუცილებლად უნდა გაემგზავროთ 2019 წლის ახალი წლის შესახვედრად და რა დაგიჯდებათ ეს უკანასკნელი?  

ბერლინი, გერმანია

 გერმანიაში ახალი წელი მეორეხარისხოვანი დღესასწაულია, რადგან აქ უმთავრეს და უსაყვარლეს დღესასწაულად ითვლება ქრისტეშობა. სწორედ გერმანიას უნდა უმადლოდეს მსოფლიო ულამაზესი ტრადიციის არსებობას. თუმცა, მიუხედავად ამისა, გერმანიაში ახალი წელი განსაკუთრებულად ლამაზია, რადგან საშობაოდ მორთული ქალაქის ქუჩები და შობის დღესასწაული ენერგეტიკა ძალიან დიდხანს ტრიალებს ჰაერში და ნებისმიერ დამსვენებელს ამაღლებულ განწყობაზე აყენებს.  

ამიტომ, Oktravel გირჩევთ, თუკი ახალი წლის შეხვედრას სხვა ქვეყანაში გადაწყვეტთ, იცოდეთ, რომ გერმანია ერთ-ერთი ყველაზე ლამაზი, საინტერესო და თანაც, დაბალბიუჯეტიანი მიმართულება - აქ შეგიძლიათ, გაატაროთ ზღაპრული ახალი წელი, სულ რაღაც 999 ლარად!

ვენა, ავსტრია  

ავსტრიაში, ისევე როგორც შვეიცარიაში, ადამიანები ზეიმობენ წმინდა სილვესტრის დღეს, სწორედ ამიტომ, მცნებათა წიგნის მიხედვით აუცილებელია, ახალ წელს მოისმინო წმინდა სტეფანეს ტაძარზე აღმართული „მსოფლიო ზარების“ სადღესასწაულო რეკვა.  ამიტომ ათასობით ადამიანი 31 დეკემბერს იკრიბება ტაძრის მოედანზე. 
ძველად კი ბედნიერების მომტანად ითვლებოდა საახალწლოდ საკვამურის მწმენდავთან შეხვედრა. ვინც მას შემთხვევით შეეხებოდა და მოისვრებოდა  აუცილებლად ექნებოდა წარმატებული ახალი წელი.

 რაც შეეხება ავსტრიული საახალწლო არდადეგების ღირებულებას, როგორც Oktravel-ის ტუროპერატორები ამბობენ, საახალწლოდ ავსტრიაში მოგზაურობა სულ რაღაც 870 ლარადაც კია შესაძლებელი. 

პარიზი, საფრანგეთი

 შობა და ახალი წელი საფრანგეთში-ეს არის კულინარული ფანტაზიების ნამდვილი დღესასწაული. სადღესასწაულო სუფრის აუცილებელი ატრიბუტია ცნობილი ფრანგული შამპანური-მხიარულების და დროსტარების დედაბოძი. ბოსტნეული, ხილი, მწვანე სალათი, შებოლილი ორაგული, ხიზილალა და რა თქმა უნდა „ფუა-გრა“ (ცნობილი პაშტეტი მომზადებული ბატის ღვიძლისგან). ცხელი კერძის სახით საშობაო სუფრას აუცილებლად ამშვენებს შემწვარი დედალი ინდაური და ხამანწკები-ფრანგების ნაციონალური სიამაყე. სადღესასწაულო დესერტს წარმოადგენს ცნობილი საშობაო ნამცხვარი „შეშა“ (ტორტი ცუკატებითა და ქიშმიშით) და შოკოლადი.

თუ გადაწყვეტთ, ამ საოცარი დღესასწაულის თანაზიარი გახდეთ, ნუ იყოყმანებთ, რადგან ფრანგული/პარიზული ახალი წლის გატარება სულ რაღაც  780 ლარი დაგიჯდებათ.

რომი, იტალია

რომანტიკული და არაჩვეულებრივი ისტორიის მქონე რომი ახალი წლის აღსანიშნავად საუკეთესო გადაწყვეტილებაა; უდიდესი წვეულება პიაცა დელ პოპოზე, უგემრიელესი სამზარეულო, კონცერტები, ულამაზესი ფოიერვერკი და რაც მთავარია, კოლიზეუმი - ყველაზე პოპულარული ადგილი, სადაც ხალხი იკრიბება და ერთად ითვლის ახალი წლის დადგომამდე დარჩენილ წამებს. ამასთან, ჩვენს რჩევას თუ გაითვალისწინებთ, აუცილებლად იხილეთ ვილა ბორგერზე გამართული ტრადიციული ცეკვები, სიმღერები და ფოიერვერკები. 

რაც მთავარია, არ უნდა დაგავიწყდეთ, რომ ამ საოცრებების ხილვა სულ რაღაც 810 ლარი დაგიჯდებათ!

ციურიხი, შვეიცარია

ციურიხი ერთ-ერთი ყველაზე დაბალბიუჯეტიანი და ამავდროულად, გასაოცარი მიმართულებაა საახალწლოდ. რით გამოირჩევა აქაური ახალი წელი სხვებისგან? საქმე ის არის, რომ შვეიცარიაში (ავსტრიაშიც) ადამიანები ზეიმობენ წმინდა სილვესტრის დღეს. ეს დღესასწაული ეფუძნება ლეგენდას იმის შესახებ, რომ რომის პაპმა სილვესტრმა (314 წელი) დაიჭირა საშინელი ზღვის მონსტრი. ითვლებოდა, რომ 1000 წელს ეს ურჩხული თავს დააღწევდა ტყვეობას და გაანადგურებდა სამყაროს. ყველას გასახარად ეს არ მოხდა. მას შემდეგ შვეიცარიაში და ავსტრიაში ამ ისტორიას იხსენებნ ახალ წელს. ადამიანები იმოსებიან სამასკარადო სამოსში და საკუთარ თავს სილვესტრკლაუსებს უწოდებენ. 

 ნუ გამოტოვებთ ახალი წლის ციურიხში გატარების შანსს, Oktravel გირჩევთ, გამოჰყოთ 1410 ლარი იმისთვის, რომ ზღაპრული ახალი წელი მოიწყოთ. 

თბილისისა და ბათუმის საერთაშორისო აეროოპორტების მმართველი კომპანია “ტავ ჯორჯიას” ინფორმაციით, ინდოეთის უმსხვილესი ავიაკომპანია “ინდგიო” საქართველოს საავიაციო ბაზარზე შემოსვლას გეგმავს.

დელი-თბილისი-დელის მიმართულებით პირდაპირი რეისების განხორციელებას ავიაკომპანია ყოველდღიურად, Airbus 321 ტიპის საჰაერო ხომალდებით, 2019 წლის თებერვლიდან აპირებს. ბილეთების გაყიდვა ჯერ არ დაწყებულა და, შესაბამისად, უცნობია, რა ეღირება ბილეთი.

როგორც “ტავ ჯორჯია” აცხადებს, “ინდიგოს” წარმომადგენელმა დღეს თბილისის საერთაშორისო აეროპორტში “ტავ ჯორჯიასთან” მეორე სამუშაო შეხვედრა გამართა. მხარეებმა ფრენების ოპერირებისთვის საჭირო ტექნიკური დეტალები განიხილეს. ინდოეთის ყველაზე მსხვილი ავიაკომპაია საქართველოს საავიაციო ბაზრით ზაფხულში დაინტერესდა. ქართულ მხარესთან შეხვედრები აგვისტოში ტავ ჰოლდინგის ორგანიზებით გაიმართა.

“ტავ ჯორჯიას” ცნობით, ავიაკომანია “ინდიგო” 2006 წელს დაფუძნდა. გადაყვანილი მგზავრების რაოდენობით, “ინდიგოს” უკავია ინდოეთის ბაზრის 43.2%. კომპანიის ავიაპარკი 195 სხვადასხვა ტიპის საჰაერო ხომალდისგან შედგება. დღეისათვის “ინდიგო” ფრენებს 59 მიმართულებით ახორციელებს, აქედან 48 ადგილობრივი, 11 კი საერთაშორისოა.

 ტურიზმი ყველა სეზონზე აქტუალურია, განსაკუთრებით მათთვის, ვისაც მოგზაურობა ჰობად აქვთ ქცეული და ამაში ფინანსური მდგომარეობაც ხელს უწყობს, დიდი მნიშვნელობა არ აქვს, წელიწადის რომელი დრო იქნება. მთავარია, გადაწყვიტო, რომ მიემგზავრები კონკრეტული მიმართულებით, ალაგებ ჩემოდანს, ჯდები თვითმფრინავში და დღესასწაულიც იწყება! 
 ტურისტული კომპანია Oktravel-ი მუდმივ მონიტორინგს ახორციელებს ტურისტულ ბაზარზე არსებულ მოთხოვნებთან დაკავშირებით და შესაბამისად მომხმარებლებს აწვდის მაქსიმალურად კომფორტულ, დახვეწილ და მათზე მორგებულ მომსახურებას. oktravel-ის ტურ-ოპერატორების თქმით, დიდი მოთხოვნა, ძირითადად, შემდეგ მიმართულებებზეა- იტალია, ეგვიპტე, საფრანგეთი და თურქეთი. ჩვენ შემოგთავაზებთ რუბრიკას, რომელიც გაგაცნობთ   იმ მიმართულებებს, რომლებზეც მოთხოვნა დიდია.

იტალია

რომი-მილანი-ვენეცია-ფლორენცია ეს ის ქალაქებია, რომლებზეც მოთხოვნა, საკმაოდ დიდია. როგორც აქამდე აღმინიშნავს იტალია ცოცხალი მუზეუმია, მხოლოდ მისი ქალაქების ქუჩებში სეირნობაც კმარა, მისი დიდების შესაცნობად.

რომი- რომი არის იტალიისა და ლაციოს რეგიონის დედაქალაქი. 2,9 მილიონი მცხოვრებით 1 285 კმ²-ზე, იგი, ასევე, არის ქვეყნის უდიდესი და ყველაზე მჭიდროდ დასახლებული კომუნა. ქალაქი მდებარეობს აპენინის ნახევარკუნძულის ცენტრალურ-დასავლეთ ნაწილში, მდინარე ტიბრის ნაპირებზე. რომის არქიტექტურა საუკუნეთა განმავლობაში მნიშვნელოვნად ვითარდებოდა, განსაკუთრებით, კლასიკური და იმპერიული სტილიდან თანამედროვე ფაშისტურ არქიტექტურამდე. ქალაქი საკმაოდ დიდი ხნის განმავლობაში იყო კლასიკური არქიტექტურის მთავარი ცენტრი, სადაც განვითარდა ისეთი არქიტექტურული დეტალები, როგორებიცაა თაღი, გუმბათი და კამარა.  XI, XII და XIII საუკუნეებში რომის არქიტექტურაში, ასევე, ფართოდ გამოიყენებოდა რომანული სტილი, მოგვიანებით კი ქალაქი რენესანსისა და ბაროკოს არქიტექტურის ერთ-ერთ უმთავრეს ცენტრად იქცა.  

რომის საზღვრებშია მოქცეული  დამოუკიდებელი სახელმწიფო ვატიკანი, რომელიც კათოლიკური სამყაროს ცენტრია, ვატიკანი ერთ-ერთი მიმზიდველი ადგილია ტურისტებისათვის, ის დამთვალიერებელს ხიბლავს უნიკალური არქიტექტურით, უძველესი ფრესკებით და შთამბეჭდავი ტაძრებით, განსაკუთრებით წმინდა პეტრეს ბაზილიკა.

რომის ერთ-ერთი მთავარი ღირსება კოლისეუმია-გიგანტური ამფითეატრი, ძველი რომის არქიტექტურული ძეგლი (ახ. წ. 75 - 80), გეგმით ელიფსური შენობის (სიგრძე 190 მ, სიგანე 156 მ) შუაში მოთავსებული არენის ირგვლივ 4 იარუსად, საფეხურისებრ, განლაგებულია მაყურებელთა ადგილები (დაახლოებით 45-დან 50 ათასამდე). ძირითადად ეთმობოდა გლადიატორების ბრძოლის სანახაობებს. კოლოსეუმი მდებარეობდა რომაული ფორუმის მარჯვნივ და მისი მშენებლობა დაიწყო 70-სა - 72 წელს იმპერატორ ვესპასიანეს ზეობის დროს. კოლოსეუმის მშენებლობა დასრულდა იმპერატორი ტიტუსის დროს და შემდგომი ცვლილებები შეტანილი იქნა იმპერატორი დომიციანეს ზეობისას. კოლისეუმი რამდენიმეჯერ დააზიანა მიწისძვრამ, თუმცა დღეს იგი რომის სიმბოლოს წარმოადგენს.

რომი ცნობილია თავისი მრავალრიცხოვანი, მრავალ განსხვავებულ (კლასიკური, შუა საუკუნეების, ბაროკოსა და ნეოკლასიცისტური) სტილში აგებული შადრევნებით, რომლებიც ორი ათას წელზე მეტია ამშვენებენ ქალაქის მოედნებს და სასმელი წყლითაც უზრუნველყოფდნენ მას. რომის ყველაზე ცნობილი და ტურისტებისთვის მიმზიდველი შადრევანია ტრევი-ბაროკოს სტილის ეს შადრევანი 1732-1762 წლებში აიგო. ის  უდიდესი შადრევანია რომში, 25,9 მეტრი სიმაღლითა და 19,8 მეტრი სიგრძით. არსებობს ლეგენდა, რომ თუ შადრევანში ჩააგდებ ერთ მონეტას აუცილებლად დაბრუნდები რომში, ორი მონეტა — სასიყვარულო შეხვედრაა, სამი — ქორწილი, ოთხი — სიმდიდრე, ხუთი კი — განშორება. ყოველი წლის ბოლოს შადრევნიდან, დაახლოებით, 700 000 ევროს იღებენ.

მილანი- ჩრდილოეთ იტალიის მთავარი ქალაქია, მდებარეობს ლომბარდიის დაბლობზე და ქვეყნის ყველაზე მჭიდროდ დასახლებული და განვითარებული რეგიონია.ქალაქი განთქმულია მოდის ფირმებითა და მაღაზიებით. აქვეა მსოფლიოში უძველესი სავაჭრო ცენტრი Galleria Vittorio Emanuele პიაცა დუომოზე.  მილანი მსოფლიო მოდისა და დიზაინის ერთ-ერთ დედაქალაქთაგანია ნიუ-იორკის, პარიზის, ლონდონისა და ტოკიოს გვერდიგვერდ. ქალაქი ასევე ევროპის ერთ-ერთ უმთავრეს საფინანსო და ბიზნეს ცენტრად ითვლება.

მილანის ერთ-ერთი ღირსებაა მისი საკათედრო ტაძარი(დუომო დი მილანო)- გოთიკური სტილის საკათედრო ტაძარი  ქალაქის ცენტრის მთავარ მოედანზე მდებარეობს. ის ყველაზე დიდი საკათედრო ტაძარია იტალიაში, ხოლო მსოფლიოში — სიდიდით მეოთხე. კათედრალის მშენებლობა 1386 წელს დაიწყო.

მილანის კიდევ ერთი ღირსშესანიშნაობაა ლა სკალა-ეს არის ოპერის შენობა, რომელიც სიტყვა სიტყვით ითარგმნება, როგორც „თეატრი კიბეზე“. ამ შენობაში იდგმებოდა დომენიკო ჩიმაროზას, ჯუზეპე ვერდის და სხვათა ოპერები. ეს ქორეოგრაფიული ხელოვნების მთავარი ადგილი იყო. ყოველ წელიწადს მასში უამრავი ბალეტი იდგმება კალასიკური ცეკვის უდიდესი ოსტატების მონაწილეობით. ამის გამო ლა სკალამ თითქმის მითოლოგიური მნიშვნელობა შეიძინა. ლა სკალაში მუსიკალური სეზონი ტრადიციულად იხსნება 7 დეკემბერს, მილანის მფარველი წმინდა ამბროზის დღეს. ამავე შენობაში არის ლა სკალას მუზეუმი, სადაც ინახება სასცენო ნახატების, დეკორაციების, ქანდაკებების, კოსტიუმების უდიდესი კოლექცია.

ვენეცია-  ჩრდილო-აღმოსავლეთ იტალიაში, ერთმანეთისგან არხებით გამოყოფილ 118 პატარა კუნძულზე მდებარეობს. ქალაქი გადაჭიმულია მდინარეების — პოსა და პიავეს შესართავებს შორის. დახვეწილი არქიტექტურა, მისტიკური გარემო, გემოვნებით მოწყობილი ქუჩები, სტუმართმოყვარე ადამიანები, ღია კაფეები, გონდოლები, მტრედები. დიახ, შემდეგი გაჩერება ჩრდილო-აღმოსავლეთ იტალიაში, ვენეტოს რეგიონის დედაქალაქში, მეტსახელად არხების ქალაქში-ვენეციაში გვაქვს. უნიკალური, ინდივიდუალური სტილის მქონე ქალაქის 118 პატარა კუნძული ერთმანეთს ხიდებით უკავშირდება. იუნესკოს მსოფლიო მემკვიდრეობის ძეგლთა სიაში შესული ქალაქი ჭაობიან ვენეციაში მდებარეობს, სწორედ ეს ხდის მას ტურისტებისათვის მიმზიდველ, უნიკალურ და სასურველ ქალაქად. „ადრიატიკის ზღვის დედოფალი“, „წყლის ქალაქი“, „ნიღბების ქალაქი“, „ხიდების ქალაქი“, „მცურავი ქალაქი“ და „არხების ქალაქი“-ეს ვენეციის ეპითეტებია.

ვენეცია თავისი უნიკალური არქიტექტურით, ხიდებით და გონდოლებით ერთი დიდი მუზეუმია.

გარდა გონდოლებით ვოიაჟისა, დამსვენებლებს ვენეციის მთავარი მოედანი, „პიაცა სან მარკო“ იზიდავს.  სწორედ ამ მოედანზე მდებარეობს ვენეციის სავიზიტო ბარათი – წმინდა მარკოზის ტაძარი. მოზაიკით მორთული შენობა ბიზანტიური არქიტექტურის შესანიშნავი ნიმუშია. მოედანზე მდებარეობს სან-მარკოს ბიბლიოთეაც,რომელიც ფლორენციელმა არქიტერქტორმა ჯაკოპო სანსოვინომ ააგო. იგი კოლოსეუმის პრინციპეპს მისდევს,პირველ სართულზე მძლავრი დორიული ორდერია გამოყენებული, მეორეზე კი-იონური. მასზე დაფუძნებულია ატიკი, რომელსაც აგვირგვინებს ბალუსტრადა ზედ ჩამწკრივებული ქანდაკებებით.

მიმზიდველია სანტა მარიას ტაძარი- ის ფრანცისკალენმა ძმებმა დააფუძნეს,რომლებმაც ვენეციაში ნაკვეთი მიიღეს.შენებლობა 1250-1338 წლებში მიმდინარეობდა. შენობა აგურით არის ნაგები, იტალიური გოთიკური სტილით. ფასადი მკაცრია, მისი ერთადერთი სამკაულია XV-XVI საუკუნეების ბარელიეფი.სამრეკლოს სიმაღლე, რომელიც 1396 წელს ააგეს, 70 მეტრია, და მეორეა სიმაღლით ვენეციაში სან-მარკოს სამრეკლოს შემდეგ.

ფლორენცია- იტალიის რეგიონის ტოსკანას და ფლორენციის პროვინციის დედაქალაქია. ის არის ტოსკანას ყველაზე მჭიდროდ დასახლებული ქალაქი 367 569 მცხოვრებით.ქალაქი მდებარეობს მდინარე არნოს გასწვრივ, მდიდარია თავისი ისტორიით. ფლორენცია უმნიშვნელოვანესი ქალაქი იყო შუა საუკუნეებში და რენესანსის ეპოქაში, განსაკუთრებით მისი არქიტექტურით და ხელოვნებით. შუა საუკუნეების ფლორენცია ვაჭრობის და ფინანსური ცენტრი იყო. ფლორენცია ხშირად მოიაზრება იტალიური რენესანსის აკვნად.

ქალაქი მილიონობით ტურისტს იზიდავს და 1982 წელს გამოცხადდა მსოფლიოს კულტურულ მემკვიდრეობად. ფლორენცია ცნობილია როგორც მსოფლიოს ერთ-ერთი ქალაქი. მან გავლენა იქონია მსოფლიოზე კულტურული და ისტორიული თვალსაზრისით. ფლორენცია არის საუკეთესოდ შენახული რენესანსული ქალაქი მსოფლიოში და ბევრი მას იტალიის კულტურულ დედაქალაქად მიიჩნევს.  ის ასევე მრავალი გენიოსის სამშობლოც იყო. მაგალითად: დანტე ალიგიერი, ბოკაჩო, ბოტიჩელი, ლეონარდო და ვინჩი,  რაფაელი,  ნიკოლო მაკიაველი, მიქელანჯელო, დონატელო, გალილეო გალილეი, ეკატერინე მედიჩი, რობერტო კავალი და ასე შემდეგ.

სახალხლო სასახლე, იგივე ბარჯელო სამხატვრო მუზეუმია ფლორენციაში, 1865 წლიდან შენობა ეროვნულ მუზეუმად გადაკეთდა, სწორედ ამ მუზეუმშია დონატელოს ცნობილი სკულპტურა „დავითი.

ტურისტული თვალსაზრისით მიმზიდველია ბობოლის ბაღები, რომელიც რენესანსის სტილის საპარკო ანსამბლის ერთ-ერთი საუკეთესო ნიმუშია, გემოვნებით მოწყობილ პარკს ჰყოფს გრძელი ჩაზნექილი და განიერი ხრეშიანი გზები. ის მორთულია ქვის დეკორატიული ელემენტებით, ძვირფასი მონუმენტებით და ფანტანებით. ბობოლის ბაღები იყოფა კერძო და სახალხო ნაწილებად - გროტებით, ნიმფებით და კლასიკურ სტილში შესრულებული, მოქმედი, ბაღის კოლონადებიანი ეკლესებით. ბობოლის ბაღებიდან იშლება ქალაქის უმშვენიერესი ხედები.

ფლორენციის მშვენებას წარმოადგენს პონტე-ვეკიო,  მდინარე არნოზე გაშენებული შუა საუკუნეების დროინდელი ხიდი .

XIII საუკუნეში აგებული სანტა-მარია-ნოველას ტაძარი ფლორენციის რკინიგზის ცენტრალური სადგურის მოედანზე მდებარეობს, ეს ტაძარი ფლორენციაში აგებული პირველი ბაზილიკური ნაგებობაა, მასში გოთიკისა და რენესანსის მნიშვნელოვანი ფრესკებია დაცული.

მაშინ, როცა საქართველოში სუსხი, სიცივე, მოჟამული ამინდები და თოვლია, ის დრო დგება, როცა სამოგზაურო ჩანთები უნდა ჩავალაგოთ და რამდენიმე კვირით მაინც თბილი ქვეყნებისკენ გადავინაცვლოთ.

 ახლა ჩვენს ქვეყანაში სწორედ ეს დროა და იმ ადამიანებს, რომლებსაც ზამთრის ცივი დღეები განსაკუთრებით სძაგს, მხოლოდ ერთი ოცნება, მზიან ქვეყნებში გამგზავრება და მზის აბაზანებით ტკბობა აქვს.

 მსოფლიოში არც თუ ისე ცოტა ქვეყანაა, სადაც ყოველთვის მზეა, მაგრამ ამჯერად, Oktravel შემოგთავაზებთ 3 ყველაზე კარგ მიმართულებას, სადაც 2018 წლის ზამთარში აუცილებლად უნდა გაემგზავროთ:

დუბაი

 „მსოფლიოს ყველაზე შეშლილი ქალაქი“-ასე უწოდებენ არაბთა გაერთიანებული საამიროების უდიდეს და ყველაზე მრავალრიცხოვან ქალაქს, რომელიც ქართველი ტურისტებისთვისაც ერთ-ერთი ფავორიტული მიმართულებაა. რატომ უნდა იმოგზაუროთ დუბაიში ზამთარში? პასუხი მარტივია, ზამთარი აქ თბილია-ყველაზე ცივ თვეშიც, იანვარშიც  კი საშუალო ტემპერატურა 25 გრადუსი ცელსიუსია. მოგეხსენებათ, დუბაი ძირითადად საშოპინგო ადგილია და თუკი მზიან ამინდებთან ერთად შოპინგიც გიზიდავთ, მაშინ დუბაიში მოგზაურობა აუცილებლად უნდა დაგეგმოთ, რადგან ვერსად ნახავთ იმდენ სავაჭრო ცენტრს, რამდენიც დუბაიშია.

ეგვიპტე

 ეგვიპტე ცხელი სეზონის მოყვარულთა ერთ-ერთი ყველაზე მიმზიდველი და საყვარელი მიმართულებაა. ეგვიპტის სასურველ და პოპულარულ მიმართულებად ჩამოყალიბება განაპირობა თბილმა კლიმატმა, ზღვისპირა მდებარეობამ, კომფორტულმა კურორტებმა, შეღავათიანმა ფასებმა და უძველესმა, უნიკალურმა კულტურამ. ეს რომ ნამდვილად ასეა, Oktravel-ის მომხმარებელზე დაყრდნობითაც დასტურდება. უნდა აღინიშნოს, რომ ეგვიპტურ თავგადასავლებს წლის ნებისმიერ სეზონზე აქტიურად ითხოვენ ჩვენს კომპანიაში მოსული დასვენების და განტვირთვის მაძიებლები.  მაშ ასე, მოემზადეთ ჩრდილოეთ აფირიკისა და დასავლეთ აზიას შორის გადაჭიმული ეგვიპტის არაბულ რესპუბლიკაში სამოგზაუროდ!

კოსტა რიკა

 ცენტრალური ამერიკის ეს მზიანი ქვეყანა ყოველწლიურად კიდევ უფრო პოპულარული და მიმზიდველი ხდება მოგზაურობის მოყვარულთათვის. კარიბის ზღვისა და წყნარი ოკეანის სანაპირო ზოლი  დამსვენებელთათვის ერთ-ერთი ყველაზე საყვარელი ადგილია. რა ჯობია, გაექცე რუტინულ ზამთარს ულამაზეს კოსტა-რიკაში და მზიან ამინდებთან ერთად დატკბე ულამაზესი სანახაობებით. ლაშქრობა არენალის ვულკანზე, კორკოვადოს ნაციონალური  პარკის მონახულება, იქაური კულტურის გაცნობა და რაც მთავარია, პლაჟზე ბუნებრივი ნამზეურის მიღება-ეს სულ მცირე ჩამონათვალია იმისა, თუ რას გპირდება კოსტა რიკა, თუკი სამოგზაუროდ ეწვევით.