მოგზაურობა რომ ბევრ, სიღრმისეულ დაგეგმვასთან არის დაკავშირებული, ახალი ამბავი არ არის. ნებისმიერი ადამიანი, რომელიც შვებულების/არდადეგების გატარებას ქვეყნის საზღვრებს გარეთ აპირებს, დიდი ხნით ადრე იწყებს ფიქრს, თუ როგორ დაგეგმოს ტური სწორად, როგორ შეიძინოს ავიაბილეთები, როგორ მოაწესრიგოს დოკუმენტაცია, როგორ შეარჩიოს ან დაჯავშნოს მისთვის შესაფერისი სასტუმრო და ა.შ.  

 მნიშვნელობა არ აქვს რომელ ქვეყანაში აპირებთ თქვენი თავისუფალი დროის გატარებას, მთავარია, ყველაფერი წინასწარ, ზუსტად განსაზღვროთ , რათა შემდეგ თქვენი სურვილები თქვენს ბიუჯეტს მოარგოთ.  ხარჯების წინასწარ და სწორად განსაზღვრა თქვენი მოგზაურობის ერთ-ერთი ყველაზე საჭირო ნაწილია. ზუსტად უნდა იცოდეთ, რა დეტალში რა თანხა გჭირდებათ, რათა უსიამოვნო სურპრიზებს თავი აარიდოთ.

ხარჯების გადანაწილების საკითხში ერთ-ერთი, რაც წინასწარ უნდა განსაზღვროთ, სასტუმროს ნომრის დაჯავშნაა. ამ შემთხვევაშიც წინასწარ უნდა იცოდეთ, რა დროის გატარებას აპირებთ სასტუმროში მოგზაურობისას.  იშვიათად თუ იქნება შემთხვევა, როცა ადამიანები, რომლებიც სამოგზაუროდ მიდიან, თავისუფალ დროს სასტუმროს ნომერში ატარებდეს.  ამიტომ, რა საჭიროა, ზედმეტი ხარჯები გავიღოთ მაგალითად 5 ვარსკვლავიან სასტუმროში, თუკი ნომერში მხოლოდ ღამე, დასაძინებლად მისვლას  აპირებთ?

  თუმცა, მთლად ასე არ არის,   სასტუმროს დონის შერჩევას მთელი სერიოზულობით უნდა მივუდგეთ, რადგან სწორად შერჩეული სასტუმრო თავიდანა აგაცილებთ იმ ცუდ პროცესს, რასაც უცხო ქალაქში ღამის გასათევი ადგილის პოვნა ჰქვია. ჩვენი რჩევა იქნება, სასტუმროს ნომრის შერჩევისას დიდი ყურადღება და ამავდროულად დიდი მოთმინებაც გამოიჩინოთ. მიუხედავად იმისა, რომ ყველა ტურისტული ადგილი სავსეა სასტუმროებითა თუ ჰოსტელებით, თქვენთვის საუკეთესო ვარიანტის შერჩევა არცთუ ისე მარტივია, ამიტომ, კარგი იქნება, ამ მნიშვნელოვან საკითხს გამოცდილ ტუროპერატორებს მიანდოთ. Oktravel-ის გუნდის გამოცდილებას თუ დავეყრდნობით, სასტუმროს ნომრის შეძენისას რამდენიმე საჭირო დეტალის გათვალისწინება აუცილებელია, თუმცა, როგორც წესი, თუკი თქვენ დამოუკიდებლად აპირებთ სასტუმროს ნომრის შეძენას, შესაძლოა, რიგ უსიამოვნებებს თავი ვერ აარიდოთ. ბევრს მიაჩნია, რომ სასტუმროს ნომრის დამოუკიდებლად შეძენა უფრო კომფორტულია და თანაც ხარჯების დაზოგვაშიც ეხმარებათ, მაგრამ რეალურად ეს ასე არ არის. სასტუმროს ნომრების შეძენას ტურისტულ სააგენტოში ბევრი უპირატესობა აქვს.  პირველი და უმთავრესი, ტუროპერატორები, გამოცდილებიდან გამომდინარე, უფრო ზუსტად დაგეხმარებიან ბიუჯეტის განსაზღვრაში და შეეცდებიან, თუნდაც მინიმალური ბიუჯეტით კარგი და თქვენს ინტერესებს მორგებული სასტუმროს ნომერი მოგიძებნონ, მითუმეტეს, რომ მათ ამის უფრო მეტი შესაძლებლობა და მეტ ბაზაზე წვდომის უპირატესობა აქვთ.  გარდა ამისა, მოგზაურობისას სხვადასხვა სახის ცვლილებებისგან დაზღვეული არავინ არის და ასეთ დროს, თქვენთვისვე უკეთსი იქნება, თუკი მოგზაურობასთან დაკავშირებული საკითხები, მათ შორის სასტუმროს ნომერი, და მათი მოგვარება გამოცდილ და კომპეტენტურ ადამიანებს მიანდოთ.