მეცნიერებმა დაამტკიცეს, რომ მოგზაურობა ადამიანის ტვინის მუშაობას მნიშვნელოვნად აუმჯობესებს, რადგან მოგზაურობა ადამიანს დასვენების გარდა, ცხოვრების გამრავალფეროვნებაში ეხმარება, რაც შემდგომში მას შესაძლებლობას აძლევს, მეტად აქტიური და სიახლეებისკენ მიდრეკილი იყოს.

უამრავი მიზეზი არსებობს, რის გამოც მოგზაურობა სასარგებლო, საინტერესო და აუცლიებელიც კია. მოგზაურობა აცოცხლებს, ახალისებს, გასწავლის ახალს, გაცნობს ახალ ხალხს, მოგზაურობისას შეიძენ ახალ უნარებს, გიტოვებს წარუშლელ შთაბეჭდილებებსა და მოგონებებს, გაბედნიერებს! მოკლედ, ეს არის ერთ-ერთი საუკეთესო სიამოვნება, რაც მთელი ცხოვრება გემახსოვრება.

ამ და სხვა მიზეზების გამო, ერთხელაც უნდა ადგე, დაგეგმო მოგზაურობა და იმოგზაურო იქ, სადაც ყველაზე მეტად მიგიწევს გული! თუმცა, ყველაფერი ასე მარტივად არ არის -  იმისთვის, რომ მაქსიმალურად მიიღო ყველა ის სიკეთე, რაც მოგზაურობას ახლავს, აუცილებელია, სწორად, საკუთარ ინტერესებზე მორგებულად დაგეგმო შენი მოგზაურობა.

იცით, როგორ უნდა დაგეგმოთ სამოგზაურო ტური?

ამისთვის რამდენიმე მნიშვნელოვანი საფეხურის გავლა დაგჭირდებათ:

მოაწესრიგეთ დოკუმენტაცია - როდესაც მოგზაურობას გადაწყვეტთ, თავდაპირველად, რაც აუცილებლად უნდა მოაგვაროთ, არის დოკუმენტების მოწესრიგება.
პასპორტი - დარწმუნდით, რომ გაქვთ აქტიური პასპორტი, რადგან  თუ თქვენი პასპორტი ვადაგასულია, ამას დამატებითი დროისა და ფულის რესურსი სჭირდება. შესაძლოა, აქამდე თქვენ სულაც არ აგიღიათ საერთაშორისო პასპორტი, ამიტომ აუცილებლად დაგჭირდებათ მისი დამზადება. ბიომეტრიული პასპორტი კი შეგიძლიათ, დაამზადოთ იუსტიციის სახლის ნებისმიერ ფილიალში (10 სამუშაო დღე-100 ლარი, 5 სამუშაო დღე 120 ლარი, 3 სამუშაო დღე 150 ლარი, 24 საათში 190 ლარი, იმავე დღეს 205 ლარი).
 ვიზა - თუკი თქვენ ისეთ ქვეყანაში გეგმავთ მოგზაურობას, რომელთანაც ჩვენს ქვეყანას სავიზო რეჟიმი აქვს, მაშინ აუცილებლად დაგჭირდებათ ვიზაზე განაცხადის შევსება. ვიზის მიღების პროცედურა საკმაოდ გრძელვადიანი შეიძლება, იყოს, ამიტომ, სამზადისი დიდი ხნით ადრე უნდა დაიწყოთ. თუმცა, იმ ქვეყნებში გასამგზავრებლად, სადაც უვიზო მიმოსვლაა, ამ პროცედურების გავლა რა თქმა უნდა, არ დაგჭირდებათ.  

 საბუთების მოწესრიგების პროცესში ხშირად წვრილმან, თუმცა გამოუსწორებელ ან რთულად გამოსასწორებელ შეცდომებს უშვებენ ხოლმე მოქალაქეები, ამიტომ, თუკი ამ საქმეში ტურისტულ კომპანია Oktravel-ს დაიხმართ, ამით უსიამოვნო შემთხვევებს თავს აარიდებთ.

განსაზღვრეთ ბიუჯეტი - შემდეგი ნაბიჯი დანიშნულების ადგილისა და ამის შესაბამისად ბიუჯეტის განსაზღვრაა. სანამ ზუსტ დანიშნულების ადგილს ან თადიღებს დაგეგმავთ, წინასწარ გათვალეთ, მაქსიმუმ რა თანხა გაქვთ განსსაზღვრული მოგზაურობისთვის. ყველა ადგილი (ქვეყანა, ქალაქი) განსხვავებულ ფასებს გვთავაზობს, ამიტომ, მნიშვნელოვანია, თქვენს მიერ განსაზღვრული თანხა რაც შეიძლება ოპტიმალურად მივმართოთ. თუმცა, ჩვენი რჩევა იქნება, ეს დეტალი ტურისტული სააგენტოს დახმარებით მოაგვაროთ;  როგორც წესი, Oktravel ყოველთვის ზრუნავს, მომხმარებელს რაც შეიძლება მეტი და მრავალფეროვანი ვარიანტი შესთავაზოს, და რაც მთავარია, კონკრეტული ადამიანისთვის ოპტიმალური ბიუჯეტით შეადგინოს ტური,რათა ყველა მომხმარებელმა შეძლოს, იმ თანხით მოგზაურობა, რომლის გაღებაც შეუძლია.

შეადგინეთ მარშრუტი - ბიუჯეტი განსაზღვრული, სამოგზაურო ადგილი კი  არჩეულია, ახლა უკვე მარშრუტის შედგენაზე უნდა ვიფიქროთ. გამგზავრებამდე აუცილებლად უნდა იცოდეთ ის მარშრუტი, სადაც გადაადგილება მოგიწევთ, სწორედ ეს განსაზღვრავს თქვენი მოგზაურობის ხარისხს. მოსანახულებელი ადგილები, ექსკურსიები, კვების ობიექტები, შიდა გადაადგილება და ა.შ. - ამ ყველაფრის წინასწარ ცოდნა აუცილებელია, რაშიც ჩვენი ტურისტული მოგზაურობა დაგემარებათ და თვითმფრინავში ჩაჯდომამდევე გეცოდინებათ ყველა ის წერტილი, სადაც მოგიწევთ გადაადგილება.

 შეიძინეთ ავიაბილეთები - სამწუხაროდ, მოგზაურობის ყველაზე ძვირადღირებული ნაწილი ავიაბილეთებია. საქმე ის არის, რომ რაც უფრო ახლო მომავალში გეგმავთ მოგზაურობას, ავიაბილეთები მით უფრო ძვირი ღირს, რაც აუცილებლად უნდა გაითვალისწინოთ. თუმცა, თუკი მოგზაურობას წინასწარ, რამდენიმე თვით ადრე დაგეგმავთ და ავიაბილეთებსაც ასევე ადრე შეიძენთ, მისი ღირებულება ბევრად ნაკლები იქნება. ავიაბილეთების შეძენასთან დაკავშირებით კიდევ ერთი დეტალია, რომელსაც თუ გაითვალისწინებთ, კარგი იქნება. საქმე ის არის, რომ ხშირად მოქალაქეები თავად ცდილობენ ავიაბილეთების შეძენას, რის გამოც სხვადასხვა უსიამოვნებას აწყდებიან. ამიტომ, ჩვენი რჩევა იქნება, ავიაბილეთების შეძენა ტურისტულ კომპანიას მიანდოთ, რადგან ჩვენ ამ კუთხით ბევრი უპირატესობა გვაქვს.  კერძოდ, გამომდინარე იქიდან, რომ ჩვენ სხვადასხვა ავიაკომპანიასთან ვთანამშრომლობთ, შეგვიძლია, მოგაწოდოთ ზუსტი ინფორმაცია რეისების, ცვლილებების შესახებ  (სახელის, გვარის, თარიღის), რის საშუალებასაც ონლაინ სისტემები არ იძლევიან.

  დაჯავშნეთ საცხოვრებელი ადგილი  - სასიამოვნო მოგზაურობის ერთ-ერთი მთავარი ნაწილი კომფორტული საცხოვრებელი ადგილის, სასტუმროს შერჩევაა. ამ მხრივ არჩევანი ნამდვილად მრავალფეროვანია, რადგან ადგილობრივი სასტუმროების გარდა კარგი აპარტამენტების მოძიება კერძო სახლებში, ბინებში ან ჰოსტელებში შეგიძლიათ.

 შეიძინეთ სამოგზაურო დაზღვევა - მოგზაურობის ერთ-ერთი საჭირო დეტალი სწორედ სამოგზაურო დაზღვევის შეძენაა. საერთოდ, რამდენიმე ტიპის სამოგზაურო დაზღვევა არსებობს, საიდანაც შეგიძლიათ, თავად აირჩიოთ თქვენთვის ხელსაყრელი ვარიანტი. მაგალითად, Oktravel-ის მომსახურებაში შედის: სტანდარტული (ერთჯერადი) პოლისი განკუთვნილია საზღვარგარეთ მოკლევადიანი ვიზიტებისთვის, პოლისიბიზნესთრეველი განკუთვნილია მათთვის, ვინც წლის განმავლობაში რამდენჯერმე მოგზაურობს და შესაბამისად, ხშირად სჭირდება სამოგზაურო დაზღვევა, მრავალჯერადიპოლისიითვალისწინებს სამოგზაურო დაზღვევას საზღვარგარეთ გრძელვადიანი ვიზიტისას,  წლიურიმრავალჯერადიპოლისი - ითვალისწინებს სამოგზაურო დაზღვევას წლის განმავლობაში გრძელვადიანი ვიზიტებისას.  ასევე, შეგიძლიათ ისარგებლოთ ბარგისდაზღვევითა და რეისის გადადების დაზღვევით.
 თუ დააკვირდებით ზემოჩამოთვლილ დაზღვევის ტიპებს, ალბათ დაგვეთანხმებით, რომ მოგზაურობისას ცირე დოზით, მაგრამ მაინც არსებობს ჯანმრთელობის ასეთი ტიპის რისკები, ამიტომ, ყოველთვის, როცა სადმე გამგზავრებას გადაწყვეტთ, გაითვალისწინეთ, რომ აუცილებლად დაგჭირდებათ სამოგზაურო დაღვევის პოლისი. წინააღმდეგ შემთხვევაში, შესაძლოა, წააწყდეთ ისეთ პრობლემას, როგორიც არის გაუთვალისწინებელი ხარჯები, რაც დამემოწმებით, არც თუ სასიამოვნო რამაა.

 არ გაუშვა საინტერესო, შთამბეჭდავი და მოგონებებით სავსე მოგზაურობის შანსი!

Ok Travel - იმოგზაურეთ პოზიტივთან ერთად!