სამეგრელო მდებარეობს დასავლეთ საქართველოში, კოლხეთის დაბლობზე. სამეგრელოს ტერიტორია ძალიან მდიდარია მცენარეული საფარით და გამოირჩევა ენდემური უნიკალური სახეობების სიუხვით.
სამეგრელოში მდებარეობს მნიშვნელოვანი საპორტო ქალაქი ფოთი, რომლის ანტიკური სახელი ფაზისია და მრავალსაუკუნოვანი ისტორია აქვს.
სამეგრელოს, უფრო ზუსტად კი ძველი კოლხეთის სამეფოს, უკავშირდება მითი არგონავტების შესახებ. მითი ქართულ-ბერძნული საერთო კულტურის ნიმუშია.
სამეგრელოში შემორჩენილი ტრადიციებიდან ყველაზე პოპულარულია მეკვლის ტრადიცია. ახალი წლის მომდევნო დღეს მეკვლე ყველა ოჯახს სტუმრობს თხილის ხისაგან დამზადებული ჩიჩილაკით და სავსე კალათით.
მეგრული სამზარეული გამოირჩევა ცხარე კერძებით, საკმაოდ პოპულარულია მეგრული აჯიკა და საწებელი. ყველაზე ცნობილი მეგურლი კერძია ელარჯი, რომელიც სულგუნისაგან მზადდება. დიდი მოწონებით სარგებლობს გებჟალია და მეგრული ხაჭაპური.
სამეგრელო მდიდარია მღვიმეებით, რომლებიც ნამდვილ სამოთხეს წარმოადგენს სპელეოლოგთა და სპორტსმენთათვის. აღსანიშნავია, 2650მეტრის სიმაღლეზე მდებარე ტობავარჩხილის ტბაც. მხარეში მდებარე ტაძრებსა და სხვა ისტორიულ ძეგლებს შორის არის ულამაზესი დადიანების სასახლე, რომელიც სამეგრელოს მთავარ ქალაქში, ზუგდიდში მდებარეობს.
