გურია დასავლეთ საქართველოში მდებარეობს. ჩრდილოეთით მისი ტერიტორიის ნაწილი კოლხეთის დაბლობზეა გადაჭიმული, ხოლო სამზრეთ-აღმოსავლეთით მესხეთის ქედის ჩრდილოეთის ფერდობებზეა შეფენილი. გურიის მოსახლეობას მდიდარი სულიერი, სამეურნეო და მატერიალური კულტურა აქვს. ისინი გამოირჩევიან ხელსაქმისა და მშენებლობის ოსტატობით. რეგიონში შემორჩენილია ხალხური რელიგიური დღესასწაულები და წეს-ჩვეულებები, მაგალითად ლამპრობა, კალანდობა და ა.შ.
სიმღერა გურულების ყოფის განუყოფელი ნაწილია. გურული სამ და ოთხხმიანი „კრიმანჭული“ ქართული პოლიფონიური ტრადიციის ერთ-ერთი საუკეთესო ნიმუშია.
გურულები უბადლო მხედლები იყვნენ. ისინი მოგზაურობდნენ მსოფლიოს მასშტაბით და მე-19 საუკუნეში მონაწილეობა მიიღეს Buffalo Bill’s Wild West Show-ში, რომლის შემდეგაც ბრიტანეთის დედოფალმა ვიქტორიამ მათ მადლობის წერილიც გადასცა.
გურულებს ახასიათებთ საოცარი მასპინძლობა და დახვეწილი სამზარეულო. კერძებში, ძირითადად, იყენებენ თხილს, ნიგოზსა და ადგილობრივად მოყვანილ პროდუქტებს, რაც განსაკუთრებით გემოს სძენს საკვებს. ყველაზე გვარცელებული კერძრებია: საცივი, გურული ღვეზელი, ფხალი, ჩირი, მურაბა და სხვა.
გურია მდიდარია ისტორიული ძეგლებით. აქ მდებარეობს მაგნეტიტური ქვიშის მქონე საზღვაო კურორტი ურეკი.
