კოპლექსი დაარსდა მე-6 საუკუნეში დავითის მიერ (წმ. დავით გარეჯი), 13 ასურელი ბერიდან ერთ-ერთი, რომელიც მათთან ერთად ჩამოვიდა ქვეყანაში. თქვენ ნახავთ, გამოქვაბულებს მონუმენტური ფერწერით მოხატულს ნახევრად უდაბნოში, ისიამოვნებთ ფერადი პეიზაჟებით და მარილიანი ტბებით რეგიონში.
მარშუტი
დღე 1: თბილისი - დავითგარეჯის სამონასტრო კომპლექსი - თბილისი
საუკეთესო პერიოდი ტურისთვის: აპრილიდან ოქტომბრამდე
დამატებითი ინფორმაცია: დაგჭირდებათ კომფორტული ტანსაცმელი, ქალბატონებისთვის საჭიროა თავსაბურავი და ქვედაბოლო
კახეთი აღმოსავლეთ საქართველოს საზღვრისპირა რეგიონს წარმოადგენს. კახეთი იყოფა ქიზიყად, შიდა და გარე კახეთად. კახეთში ერთმანეთის გვერდითაა კავკასიონის თოვლიანი ქედები, მწვერვალები, ვაკეები და ველ-მინდვრები.
კახეთში მდებარეობს ჰავით გამორჩეული კურორტები, მათ შორის აღსანიშნავია კურორტი ახტალა, სადაც ტალახით სამკურნალოდ სტუმრობენ დამსვენებლები.
კახეთი განთქმულია მევენახეობით. რეგიონში შეხვდებით არაერთ როგორც აბორიგენულ, ისე უცხოური წარმოშობის უნიკალურ ყურძნის ჯიშებს. კახეთში მეღვინეობის მრავალსაუკუნოვანი ტრადიცია აქვთ.
ყურძნის ბადაგისაგან კახელები ამზადებენ თათარას და ჩურჩხელას, რომელიც არა მხოლოდ კახური, არამედ ქართული სამზარეულოს ერთ-ერთი ყველაზე პოპულარული საკვებია. საუკუნეების განმავლობაში ქართველ მოლაშქრეთა მთავარი საგზალი სწორედ ჩურჩხელა იყო. კახურ სამზარეულში ხშირად შეხვდებით ხორცსა და ისეთ კერძებს, როგორიცაა ხაშლამა, მწვადი, ჩიხირთმა და სხვ.
კახეთის ტერიტორიაზე არაერთი ისტორიული მემკვიდრეობის უძველესი ძეგლია. შევხვდებით როგორც ეკლესია-მონასტრებს, ასევე უძველეს ციხეებს. აღსანიშნავია, ათეულობით ჰექტარზე გადაჭიმული საქართველოს უდიდესი სამონასტრო კომპლექსი - კლდეში კვეთილი დავით გარეჯი.
