ჭიათურა - პატარა საინტერესო ქალაქია, თავისი ბრუტალიზმის სტილით და პანორამული ხედებით გორაკებიდან, რომელიც ხიბლს ქმნის სტუმრებისთვის. მოგზაურობისას ჭიათურაში, ნახავთ კაცხის სვეტს და მღვიმევის მონასტერს.
მარშუტი
თბილისი - კაცხის სვეტის მონასტერი - მღვიმევის დედათა მონასტერი - ძუძუანას მღვიმე - თბილისი
დამათებითი ინფორმაცია
საუკეთესო პერიოდი ტურისთვის: მაისიდან ოქტომბრის ჩათვლით
ზოგიერთი საკაბელო მანქანები შეიძლება არ მუშაობდეს სარემონტო სამუშაოების გამო
ქალბატონებმა იქონიონ შარფები მონასტერში შესასვლელად
იმერეთი დასავლეთ საქართველოს ერთ-ერთი იტორიულ-გეორგაფიული მხარეა, მისი მთავარი ქალაქი ქუთაისია, რომელიც ძველი კოლხეთის სამეფოს დედაქალაქად ითვლებოდა. ქუთაისი მსოფლიოს ერთ-ერთი უძველესი ანტიკური ქალაქიადა მითოლოგიური წყაროების მიხედვით, მისი ასაკი 3500 წლით განისაზღვრება.
იმერეთი იყოფა ზემო და ქვემო იმერეთად. იმერეთის ბუნებრივი საზღვრები ყოველი მხრიდან მკაფიოდ გამოხატულ მთებსა და ხეობებზე გადის. მისი ტყეები გამოირჩევა მრავალფეროვანი ფლორითა და ფაუნით.
იმერეთი გამოირჩევა მაღალგანვითარებული სულიერი, სამეურნეო და მატერიალური კულტურით. მოსახლეობა ძირითადად დაკავებულია მიწათმოქმედებით და აქ ხარობს ვაზის უნიკალური ჯიშები. საკმაოდ გავრცელებულია მეთუნეობაც.
იმერეთში პოპულარულია ქალაქური სიმღერები გიტარის თანხლებით, რომლებიც იმერული სუფრის განუყოფელი ნაწილია.
იმერეთში კერძებს ამზადებენ ადგილობრივად მოყვანილი პროდუქტებით. განსაკუთრებით გემრიელი და პოპულარულია იმერული საცივი, იმერული ხაჭაპური, ფრინველის ხორცი, ფხალი და სხვა. იმერლებს განსაკუთრებით უყვართ მაყვლისა და მკუხე ყურძნის წვენში დამზადებული წიწილა. კერძების უმრავლესობა თიხის ჭურჭელში მზადდება და მწვანილებითაა გაფორმებული.
იმერეთი მდიდარია კულტურული მემკვიდრეობის ძეგლებით, ნაკრძალებითა და მღვიმეებით.
